مشاكل المكيف في تريل بليزر وإنفوي ـ قصير وطويل ( تجربة وحلول ودعوة للنقاش )

ممكن تركبها بدون برمجة أو تحديث ... لكن التحديث يزيد من كفائة الكلتش وبالذات في وقت وقوف السيارة ويزيد برودة المكيف والسيارة واقفة أو ماشية بسرعة بسيطة
بالنسبة للسعر أشوف أن اوتوستار سعر زين ولكني ركبته عندهم بألف ريال قبل كم شهر ... أبيك تتأكد وتخليه يطلع لك الكرتون كنك تبي تشريه وتشوف وين صناعته
وفقك الله

هذا طال عمرك حساس الحرارة الخارجية وهو دايم يعطل في هالسيارات لكن سعره رخيص وتبديله ماياخذ دقيقة
هذا رقم القطعة
15047946

ويقولون هذا المطور حق 2007/08/09
15035786
بس ماجربته

ومكانه بين الشبك الأمامي والحديدة اللي تجي فوق الرديتر
وسعره بحدود30 ريال تقريبا

جزاك الله خير على الفائدة

الأخ tbz 02

لسى ما سويت فحص. بس برأيك انا ما اسمع صوت الحنه اللي اخبرها بالمروحه

بس أول ما اشغل يطلع الصوت. ثواني و يروح

على فكرة
انا رحت للجميع و قال لي سعر الكلتش 1100 تقريباً بنفس الرقم

و رحت للعيسى (اوتوستار) قال لي 800 ريال و عليها اشوي

مدري ليش تفاوت الأسعار . و الكل يقول اصلي ميه ميه

و اسألهم هل لها برمجه ؟ قال لا. بس ركبها وبس

و فيه رجال صاحب ورشة معروفه كبيرة عندنا بالشرقية (الأحساء) يقول ان فيه برمجه للمراوح هذي جبها نبرمجها..!

متري وش الحل الصحيح.

الله يجزاك خير
ياليت لو تشوف حل مشكلتي
وهو ان مؤشر درجة الحرارة الخارجية صار ينزل الى 10 درجات وحنا بعز القايلة :)
وهل له تاثير على المكيف ؟ لاني اشوفه يحول على الهواء الخارجي واضطر ارجعه كل فترة

غريبة ياخي الله يعينك .. لكن لا تغير أبدا ..المبلغ خيالي .. إذا فيك حيل وعندك وقت ... جرب اللي بقولك عليه والله يكتب اللي فيه الخير ..
الموزع هذا اللي قالك عليه هو نفس اللي تكلمت أنا عنه في بداية الموضوع هذا ,,, نفس المبدأ والشكل ..

فك الطبلون الأمامي وطلعه براه وبتشوف البلاستيك اللي رايح لفتحات الهوا تتبعها وبتوصل للموزع هذا ..
الحل انك تفك هالموتور وهو عبارة عن علبة سوداء وفيها فيش .. وله ثلاث مسامير فكه بالسحب وبتشوف زي العصا البلاستيك .. حركه بشكل دائري بزراديه ولا كماشة ولا شي .. حتى تحس ان الهواء رجع لوضعه الطبيعي ..
الشغلة مهب صعبة جدا بس يبي لها روقاااااااااان وطولة بال وشوية عدة .

وفقك الله

نعم أخوي هذا الرقم 25790869
وهذا رابط الموضوع ولكن اختبرت الكلتش قبل انك تقرر تغييره ؟
وقف معك ؟ ولا سويت فحص بالكمبيوتر وقالك كود معين ؟ ياليت تفحص بالأول وتشوف إذا فيه أخطاء ولا شي
احتمالات يكون شي ثاني غير الكلتش مثل البلف ( الترموستات ) اللي يتحكم في الماء اللي يروح للمكينة
وعلشان تختبر الأخير هذا جرب لما تكون السيارة حارة يعني على النص أو حول ,, امسك اللي اللي فوق الرديتر والثاني اللي تحت وهو من جهة اليمين من ناحية البطارية تلقاه حول الدينمو والكمبروسر وشف اذا كان اللي فوق حار واللي تحت بارد ,,, غير البلف على طول وجب acdelco
وبالمرة اذا غيرت البلف خله يفكه بالأول ويلغيه وروح عند محلات غسيل الردينر لكن لا يحط لك لا أسيد ولا زيت فرامل ولا هم يحزنون ... ماء مقطر بس ثلاث مرات وبعدين ارجع للورشة وخله يركب البلف ويصب لك ماء جديد أحمر dexcool جركلين اخلطها بالتساوي 50/50% مع ماء مقطر وجرب لأن الماء اذا كان قديم فوق سنتين يخف تأثيره ويفقد خواصه التبريديه ...

وإذا قررت تشري الكلتش لا تشري الكوري تراه منتشر بالسوق وخايس .. امريكي ولا acdelco
بالتوفيق ...

أخي الكريم tbz 02 يعطيك العافيه على المساعده ... أخوي الغالي مع الاسف لم تنجح الطريقه:smilie20: ... مع ذالك اخذت السياره الى ورشه وقالي صاحب الورشه ان الموزع الهواء هو الي خربان يبغاله تغيير والله مادري اذا كلامه صحيح او لا وسعر الموزع اعتقد 200 ريال او اكثر مادري .. مع العلم ان شغل يده يقول ب 450 ريال .... فا ياشباب وش تنصحوني فيه اتوكل على الله واترك السياره عنده او لا اروح للوكاله ... لكن متخوف من الوكاله انهم احيانا يغيرون اشياء مالها داعي فقط علشان يكثرون الفلوس هذا الي سمعته والله وانا مادري اذا كان صدق او لا .

وش الراي يا شباب انا مواعده الصبح بكره اروح او لا .

أخوي الغالي tbz 02 راح اجرب الان ألي قلته واتمنى تنحل مشكلتي لاني والله تروعت قبل ساعه كنت عند كهربائي قال ( والله اعتقد الكمبيوتر حق المكيف تضرر ويبغاله من 2000 الى 30000 ريال لتصليحه !!!!!!!!! )

ياخي والله مشكله اذا كان كلامه صحيح لكن .. الان راح اجرب الي قلت عليه يالغالي وان شاء الله ارد عليك قريب .

يعطيييييييييييييييييييييك الف عافيه

الأخ tbz 02

لاهنت بس ابي الموضوع المطروح عن كلتش المروحه الإصدار الجديد و كيف اعرف الإصدار الجديد؟!

و طريقة البرمجه (السوفتوير ) الجديد لا هنت

لأن هذا مشكلتي مع البليزر رفع ارتفاع الحرارة لان السنة الماضية غيرت الكلتش و ما حسيت بتغير للحراره إلا فترة و بعدين رجعت مره ثانية. بس مو دااايم

أخوي .. حياك الله
جرب انك تفصل البطارية 45 دقيقة ولكن لما تجي افتح السويتش عشر دقايق وبعدين شغل السيارة وجرب .. واذا ما نفعت معك جرب انك تفصل الفيوز اللي في علبة الفيوزات تحت الكرسي الخلفي خلف السائق ورقم الفيوزر 36 تلقاه مطبوع على العلبة وعليه اسم HVAC وترى فيه اكثر من ثلاثة أو اربعة بهالاسم لذلك ركز بالبحث عن هالرقم وافصله ولازم يكون المفتاح برى السويتش وبعدين افتح السويتش بدون تشغيل السيارة واصبر دقيقة تبي تسمع أصوات محركات الكترونية ( حركة تروس ) اذا راحت الأصوت طف السويتش ورجع الفيوز
تحياتي لك

الف شكر لصاحب الموضوع على فتح موضوع مثل هذا ...

لكن يا اخوان انا صار لي موقف اعتقد ماراح انساه :smilie16:

الموقف هو اني قبل امس كنت عند احد زملائي وكانت سيارته تحتاج اشتراك انا من باب الفزعه قلت انا اسويلك اشتراك .

طبعا انا سيارتي تريل بليزر 2006 لما خلصت من الاشتراك صارت المشكله وهي انا الموجب والسالب عن صار بينهم تلامس طبعا بعد هذا على طول طفا عندي المكيف والمسجل والنوافذ كلها مع الفتحه قفلت وانوار السياره الداخليه بعد تعطلت .

طبعا قالي خويي المشكله خطيره اعتقد ان الكمبييوتر تضرر انا على طول رحت لكهربائي قال في علبة الفيوز فيه فيز في الامام من علبة الفيوز قريب من البطاريه الي يربط بين الموجب والسالب في علبة الفيوز الفيز هذا و لونه اسود قوته 125تقريبا يقول تعطل .

لازم تبدل الفيز هذا وراح يرجع ان شاء الله اوكي صراحه الفيزر هذا اتعبني ماحصلته عند التقوى ولا بالبيد ولا العيسى ولا الجميح قالو لي الجميح عندنا وحده واختفت !!! مايدرون وينه.... لكن كان فيه واحد في الجميح دلني على محل الله يجزاه خير ولقيتها عنده .

انا رجعت للكهربائي هذا .... طبعا مشاويري كلها على موتري بعز الظهر بالرياض بدون مكيف ولا شي الله يعين بس ... ركب الرجال القطعه والحمد الله رجع كل شي اوكي اشتغل المكيف والمسجل والانوار ..

ماعد حاجه ضيقت صدري (((((المكيف ))))) فيه مشكله صارت اتمنى من لديه الخبره يخبرني وش السالفه المشكله هي ان المكيف صار مايطلع هواء من الجهه الاماميه لكن الهو يطلع من تحت الاقدام ومن فوق للزجاج الامامي ولما احول المكيف للامام يطلع من الزجاج !!!!! انا المكيف عندي الكتروني وش الحل مع هذي المشكله الكهربائي ماعرف حلها !!

فا الي يقد يساعدني له من الدعاء بظهر الغيب

ماشالله فعلا موضوع مفيد .. الله يعطيك العافيه

جدا جدا استفدت و واحد من الشباب حل مشكلته لما شاف موضوعك .. الله يجزيك الخير :)

أخوي الكريم ...
واحد من خوياي عنده نفس المشاكل بالتفصيل اللي تقولها أنت
واليوم باذن الله أبرد لك خبر باذن الله أو بكرة بنطلع الموتر ومغيرين شوية قطع .. لعل وعسى
لأن عنده الكلتش جديد ومبرمج ولكن الحرارة مثلك بالضبط بالذات مع المكيف تلعب لعب مهب صاحي مع المشي

وعموماً أتمنى ان تكون مشاكلك انحلت

عليكم السلام

أعانك الله على هالمشكلة
بتقديري الحرارة عندك فيها مشكلة

لأن الطبيعي أن تكون على النصف
والسيارات الأمريكية تزيد عن النصف شرطة أو شرطتين مع المكيف أما بدون مكيف تكون على النصف

هل تأكدت بأن كل الأمور الخاصة بالحرارة سليمة ؟
بلف ، ريديتر ، .. إلخ

الأخ / tbz 02

سؤال لا هنت :

باتش كلتش المروحة الجديد كيف ممكن تنزيله ؟؟

انا لمن ركبت الكلتش الجديد .. الورشة عملو ريستارت لكمبيوتر السيارة .. ليس أكثر !

السلام عليكم ،،،

تم التوصل الى أن العطل هو من كلتش المروحة ، وتم تغيير الكلتش وسعره للمعلوميه كالتالي :
الجميح : 1100 ريال
التقوى : 950 ريال
بالبيد : 780 ريال
وتم شرائه من بالبيد ، وإجور التغيير 150 ريال

السيارة مشت تمام والحرارة على النص ، وهذا منذ اسبوعين ، ولكن من 3 أيام والحرارة ترتفع الى 3/4 في وقت الظهيرة ومع المكيف فقط ! ويخف التبريد في المكيف .
وإذا طفيت المكيف .. الحرارة تعود الى النصف + شرطه - شرطتين تقريبا !
هناك صوت صفير يصدر من جهة ثلاجة المكيف على ما أعتقد !

أنا بصراحة طفشت .. وأبراقب السيارة كم يوم .. واذا زودتها بروح للورشة مرة ثانية .. وربي يعين

تحليلكم للمستجدات فيه أفاده لي ولغيري .. فلا تبخلو علينا .. كراما أجاويد كما عهدناكم

موضوع رائع ومميز

ويهم شريحة كبيرة خصوصاً بعد انتشار سيارات التريل بليزر بشكل كبير

مشكلتي تتلخص في التالي :

مؤشر الحرارة الخارجية أصبح متذبذب فأحياناً في عز الظهيرة يعطي المؤشر إن الحرارة 10 :confused1:
هل هناك طريقة لمعرفة طريقة إصلاح هذا الخلل ؟

المكيف يشتغل بارد .. المشكلة أنني أول ما أمشي بالسيارة يفصل الكمبروسور ويشتغل بعد فترة ويستمر بالبرودة
تتم نفس العملية فيما لو وقفت عند إشارة مرور ثم اشتغلت الإشارة خضراء أول ما أمشي يفصل الكمبروسور

أنتظر ردودكم ،،،،

تحياتي