الجمعة 24 أبريل 2026
عاجل

ماخاب من استشار ...كامري GL والا كابريس LTZ

تقييم ومقارنة السيارات
17 رد 3,176 مشاهدة 14 مشارك الأقدم أولاً
و
وافي الوعد @user_101833 · 11-04-2009
السلام عليكم

كيفكم ويش اخباركم

ترى مدري اذا هذا القسم هو المناسب لموضوع مثل هذا

نبي شورتكم وارائكم

اخوي عنده كامري GL 2008

تاجير منتهي بالتمليك


يقول راس براس مع سيارتي كابريس LTZ 2006

مع شرط تحمله لاقساط الكامري وهذا الشرط متفق عليه

وانا محتار ...

يعني اترك الفخامه (فخامه مقارنه بالكامري) مقابل البقاء والتحمل والاستمراريه

ساعدووني


الرجاء من الاخوه الكرام ذكر الله

وقولوا ماشاء الله الله يحفظنا وياكم من شر العين والحسد



مواصفات الكامري :

ستاندر

4 سلندر

اللون اسود

قير اتوماتيك

شاشه اخوي مركبها باللمس مثل شاشة الاوريون

كاميرا خلفيه

حساسات اماميه وخلفيه

مخشبه بالكامل في الغرابي

هذي ابرز مواصفاتها



اما مواصفات الكابرس:

فئه وسط بين الــLSوبين الــSS

مخشب

مخمل

6 سلندر

اللون اسود

حساسات خلفيه

مكيف ومسجل الكتروني

3 شاشات في لوحة التحكم

شاشة في الوسط لمعلومات المكيف والمسجل

6 وسائد هوائيه

واسعه اوسع من الكامري واريح

ازرار تحكم في الطاره



تقريبا هذي مواصفات السيارتين


والان نبي شوركم وارائكم

لا احد يقول اخوي ويامر على عيني عارفين هذا الشي

بس هذي صفقه وتجاره لك مصلحه فيها توكل على الله

مالك مصلحه لا تقدم عليها والاخوه محفوظه

والود محفوظ



والله يكتب اللي فيه الخير


وافي الوعد
و
وافي الوعد @user_101833 صاحب الموضوع · 08-09-2009
شكرا للجميع

والله يكتب اللي فيه الخير
m
mso @user_92904 · 08-09-2009
بما انك ارتحت للكامري .. توكل على الله وخذها وبعها .. وبدراهمها شف لك موتر ثاني .

والكابريس ممتاز وحاول تتمسك فيه ..
ح
حسن النمس @user_175475 · 07-09-2009
لا اخوي الكامري هواية احسن
V
VIP 111 @user_111992 · 07-09-2009
حياك الله
انصحك تمسك سيارتك
الفرق سنتين لصالحه والمواصفات والراحة من صالحك
لذا نقاط الراحة والفخامة هنا هي الاهم لان سنتين قليلة
الله يوفقك ولاتنسى الاستخارة
l
lpl @user_37413 · 07-09-2009
ابقى الكابريس احسن لك او غير الى كابريس 2007 وما فووق وترك عنك الكامري
و
وافي الوعد @user_101833 صاحب الموضوع · 07-09-2009
للرفع

لان الموضوع اعيد طرحه بيني وين اخوي

ويعلم الله اني محتار حيره مابعدها


الكابرس ماشي الى الان 94000

الكامري 43000


افيدووني ؟؟



وافي الوعد
أ
أبوسدله @user_124007 · 15-04-2009
أنا أنصحك بالسوناتا واسمحلي إني طلعت من الموضوع:smile:
و
وافي الوعد @user_101833 صاحب الموضوع · 14-04-2009
الكابرس اللي معاي تعبني


احس فيه عين مدري


رغم ان الخرابات بسيطه اللي مرت علي


مثل السويتش..وطرمبة الفرامل ..واقمشة البريك


واقصد بالتحمل والبقاء ا الكامري تتحمل قد ماتكرفها بس الكابرس لا


واليوم وديته للفحص الدوري اخوي قال لي افحصه عشان تجديد الاستماره بعدين


ولقيت كل الفحوصات اجتييياز ماشاء الله تبارك الرحمن



ولازلت محتار



والله يعين



انا استخرت بالله واحسيت اني مرتاح للكامري



ومدري الى الان



شكرا لكم



وافي الوعد
ن
نـاصر @user_80714 · 13-04-2009
والله الكابرس افخم وارسم من الكامري ولا فيه مقارنه اصلا

واذا الكابرس معك خرابات خذ الكامري بس ماتوقع وخاصه لانه 6سلندر
م
مسري الكامري @user_81206 · 13-04-2009
انا اقول اذا تبي الفخامه والرساوه الكابرس وانا اقول بدل واذا بعتها تقدر تجيب فلوس كابرس وانت مرتاح وزود وخذلك 2008
ب
بلا حدود @user_24628 · 13-04-2009
من رأيي انك تبقى على الكابرس والله الموفق
L
LTZv6 @user_43263 · 13-04-2009
وعليكم السلام

اخوي وافي وش تقصد بـ البقاء والتحمل ؟؟؟

عانيت من الكابريس في شي ؟؟
وماهو السبب الي يخليك تبدل بسيارة من فئة أخرى
اهم مايميز الكابريس بدون دخول في تفاصيل هو الحجم والقوة والدفع الخلفي

وإذا تبي شوري جرب الكامري اسبوع وبترجع على الكابريس بدون ماتشاورنا :bigggrin:

تحياتي ،،،
و
وافي الوعد @user_101833 صاحب الموضوع · 13-04-2009
يعني تشوفون ان الكابرس افضل من الكامري؟؟



بلييز ساعدوني انا محتاااااااااااااااااااار



اخوي جرح الخطايا الكابرس مايتقارن بالكامري ...ايش تقصد وين الافضل؟؟

انا ابيكم تشرحون لي اسبابكم عشان اقدر اقرر




دمتم بخير




وافي الوعد
N
Night @user_14595 · 12-04-2009
تم نقل الموضوع من منتدى السيارات العام الى قسم التقييم
ج
جرح الخطآيا @user_153440 · 12-04-2009
الله يكون في عونك وخيي

شووف :)

اذا تبي تبدل

اخذ الكامري وبعها وزودها كم قرش و طلع لك سوناتا 2008 فل كامل :) جديد او 2009

لكن الكابرس مايتقارن بالكامري
وعيب الامريكي سعره ينزل على طوول خاصه الكابرس
الله يوفقك
N
Nice_Man @user_18730 · 12-04-2009
لا طبعا هه ... ما ابي اخرب على اخوك

بس انت اللي استشرت

وانا اقولك لا تبدل ,,,

تحياتي
ز
زاحف00 @user_120766 · 11-04-2009
و الله يأخوي انا محتار مثلك
سجّل دخول للرد...