شباب ابي تجاربكم عن تركيب بلاستيك مقوى لأرضية السوناتا كاملة

Ferrari F50 200 @user_10298 · 14-03-2009

السلام عليكم
شباب في بالي شىء ودي أسويه
ودي أركب بلاستيك لأرضية السيارة كاملة عشان يحافظ عليها من الغبار وبرضوا يسهل التنظيف وكذا
طبعاً رحت لمحل وجلست أسولف معه المهم قال لي ماعندك مشكلة أسويها لك بـ100ريال
طبعاً بعد المكاسرة لكن عرفت بعدين انه لالالازم يفك المراتب الأمامية(طبعاً ماودي أفكها لأني سيارتي جديدة توني ماشي فيها 10 الآف!! المهم قال لي لاتخاف احنا لنا خبرة بالسوناتا وقد سوينا للسوناتا بالهبل!!
وقال لي أي شىء يخرب راح نصلحه لك بالوكالة،،،
المهم ياشباب هو ضمن لي شغله وراح أخذ عليه تعهد لكن اللي مخليني متردد هو انه راح يفك المراتب وبصراحة ماودي يفكها لأنها جديدة:bigggrin:
فإيش رايكم؟

2-S0S0-8 @user_152218 · 10-04-2009

توكل على الله وركبها
انا مركبها بالسوناتا حقتي وعدادها 2000 يعني جديده بقووووووه
ريحة الوكاله فيها والى يومك هذا ما عندك احسن منها ومركبها بـ 100 ريال صار لي سنه واربع شهور وما شاء الله عليها ما تغير لونها ولا جاها صدا ولا غيره :c0038::c0038:
بعدين اريح لك اذا ركب معك احد ومعه عصير او بيبسي او اي شي
وكب على الارضية تلقاك يضيق صدرك وتقفل اخلاقك:smilie20::smilie20:
ودك ترجفه:emot93: <<<< قل على هونك
اما اذا ركبته على الارضيه عادي ما عندك اي مشكله بمنديل او اي شي امسحه فيه :c013:

m_k_l_6 @user_47371 · 10-04-2009

أخوي أنا مسويها والله زي الفل
بس في شي واحد
بعد فترة طلع في نفس الفرش من تحت في بقع بنية الظاهر انه صدأ
بس حبيت أعلمك
أنا عن نفسي قعدت شهر زعلان وبعدين رحت لمحل تلميع وشالها

خميسان @user_39796 · 17-03-2009

انا مثلك وبطلت من موضوع فك المراتب وبعدين ياخي هي هي لما تحط بلاستيك راح يكون في رمل ويكون في نظافة ادن ماله داعي الفك والتركيب فقط حافظ على سلامة ونظافة السيارة وتكنيسها بالمكنسة الكهربائية وليس بالهواء والحمد لله .

مسيرة حبي @user_132476 · 14-03-2009

سويها بس اذا ضمن لك

وخليه يفصل البطارية

ترى مهم يفصل البطاريه ويفك المقاعد ويسوي الارضيه نايوا وبعدين يرد المقاعد ويركب البطاريه وشغل السيارة

saleh22 @user_63794 · 14-03-2009

لا تخاف أخوي أنا مسويها
وزي الحلاوة
توكل بس على الله

lio45 @user_87955 · 14-03-2009

المراتب تهون بس الخوف من الطبلون من تحت الابواب

CLASSIC ¬» @user_101613 · 14-03-2009

يارجال فكها ما عندك أي مشكلة

بس أنتبة لا تخلية يدق سلف والمقاعد مفكوكة >> راح تطلع علامة الإيرباق وتبلش بها - خل المفتاح بجيبك :smilie16:

بالتوفيق لك