هذي صورة القير والماوس كما يقال بس ماهي مثل الماوس عبارة عن التنقل في الاختيارات في الشاشة فقط
مثل ما تشوفون القير اوتو وعادي 6 سرعات
أما الأزرار الي جنبه فهور تبريد وتدفئة للمقاعد الامامية واحد للسائق وواحد للراكب
والي تحتها زر لرفع السيارة بالهيدروليك والثاني لوضعية الرياضية الي تخليها بعد 120 على ما اعتقد تنزل السيارة بالهديروليك
أما الأزرار الي حولين الي نسميها الماوس
فهو اولا زر الماوس نفسه وهو تضغطه للأختيار وتلفه بالتدوير للتنقل بين الخيارات إذا جيت تبي تختار تضغط بزر نفسه للأسفل
أما الأزرار الي على الجوانب
1- زر FM
2-زر AM
3-زر DISC لإختيار السي دي
4- زر PHONE لإدخالك على الهاتف بالشاشة ويكون موصل عن طريق البلوتوث للجوال
5- زر INFO لإدخالك على القائمة الرئيسية لإعدادات الشاشة
6- زر AUX لتوصيل جهاز خارجي مثل أي بود ومدخل USB
7 - زر لجهه القير مكتوب عليه BACK للخروج من القائمة
الشاشة مو لمس
بالنسبة لرفع الصوت وخفضه من المقود أو من الزر الي موجود جنب فتحة السي دي
بالنسبة لركاب المقاعد الخلفية فلهم مثل الي في الأمامية بالضبط
شوفوا الصورة والمعذرة على عدم وضوح الصورة بسبب العجلة
هذي الأزرار أيضا أزرار تبريد وتدفئة المقاعد الخلفية مثل إلي في الأمام والتحكم بالتكييف بشكل مستقل يعني التحكم بالتكييف في 4 مناطق كل له تكييفه الخاص مع العلم بوجود فتحات تكييف على الجوانب للركاب بالخلف بين البابين وكذلك في الدرج الأوسط للمقصورة
وكذلك لهم القدرة على التحكم بالراديوا والسي دي والتنقل بين الأقراص الستة الي يقدر يحملها النظام الصوتي للسيارة
مع العلم إنه يوجد مقبس للطاقة داخل التكاية للمقاعد الخلفيين
هذا مدخل الـ AUX و USB ومقبس الكهرباء في الدرج الأوسط بين الركاب في الأمام
بالنسبة للدعسات للأرجل تيجي نخطط مثل جلد النمر بس الي اسغربته فيها وجود علامة الجينيسيس عليها ومو موجود على أي مكان بالسيارة غير الدعسات أما كل العلامات الي موجودة بالسيارة هي علامة هيونداي
وعلى فكرة كلمة الجينيسيس مكتوبه في كل مداخل السيارة في البيبان الأربعة وهي مضائة بلون أزرق
هذا المساعة للركاب بالخلف أحس إنها أصغر من الأزيرا أو انا غلطان حسب نظرتي لها بس شكلها أفخم بكثير
بالنسبة لشبابيك الأربعة كلها أوتو أما بالنسبة لسفط المرآة الجانبية فهي مثل الأزيرا لازم تضغط عليه وماهي على الريموت
بالنسبة للأنارة الداخلية للسيارة كلها زينون ومنظر اللمبات شيء يعطيك طابع الفخامة
ما عدا أنوار المرآة للركاب بالأمام إلي بالشماسية لونها عادي مثل أي سيارة
مع العلم إنه الشماسية لم تيجي تفتح المرآة عن طريق السحب مثل الكامري XLI جونيور يعني مو باب تفتحه وهذا الشيء اشوفه ينقص من فخامتها
مثل الي في الصورة
نسيت أذكر في حق الشاشة الكبيرة الي بالنص إنه توجد بها كاميرا للرجوع للخلف
وتشغل عند التعشيق في R مثل الأزيرا
وأحب أفيدكم إنه البطارية غير موجوده تحت غطاء المحرك بل موجوده بالشنطة جنب الكفر الاحتياطي
وهي كبيرة في الحجم كأنك حاط ثنتين بطاريات جنب بعض
أتمنى التقرير عجبكم ولو سلمت التجمهر كان أخذت راحتي في استكشاف السيارة بس انشاءالله أحاول مرة ثانية
أخوكم بندر
