ياشبـاب مطلوب رأيكم في G35 2008 من حيث السعر والمواصفات

انا سئلت عندها قبل فترة عند الحمراني بـ 144 الف كااش ..
صراحة افضل سيارة بهاذا السعر ..

الفل بـ 143 ألف و الثانية بـ 131 ألف تقريبا ، يمكن الأسعار تغيرت لأني من زمان ما سألت عن سعرها

الانفنتي كم سعره
الفئه الاولى والثانيه

وشكرا

عــذرا لرفع موضـوع قديم نوعا ما
لـكن جبت الخـبر الاكيـد من المسـعود للسـيارات اليـوم

راح تنزل الانفنتي جي 37 سيدان في يناير القادم 100%
و السـعر مبدئيا يتراوح بين 170 ألف الى 173 ألف درهم اماراتي :)

تحـياتي

^^^
حـسب كلام مندوب المبيعات ان الخـبر اكيد حتى كلمته بخصوص الترايدينق قالي ما عندهم هالشي بالشركه !!

و على فـكره انا من الاشخاص اللي ما اتمنى يطرح هالتغيير لان توي شاري ال 2008 و ما تهنيت فيه
التغييرات قير و مكينه و جنوط و المدعميه الخلفيه و الاماميه :)
اتوقع توصل ال 20 الف على هالاضافات
و طبعا قد يطرأ اي تغيير على المواصفات بعد من يعلم :)

عــموما نصـبر و نشوف اخي الكريم و الوعد ديسمبر و اتمنى يكون كلامك هو الصحيح :)

شـكرا لك

^
^
^
إلى الآن مو أكيد ان الـ G37 سيدان بتجي ، مجرد تخمينات

زيادة السعر لو جت السيارة للخليج راح تكون بفارق ما يتعدى الـ 10 الالآف لأن الشغلة تطوير مو إضافة ، يعني ما راح تشتري السيارة بقيرين مثلا أو محركين

^^^^
الفرق راح يكون مكينه و قير ياخوي لك ان تتخيل
المكينه هي نفسها اللي على الكوبيه و القير 7 غيارات جديد
يعني20 الف يعتبر ولا شي زيادة ولو قارنتها بزيادة شغله صغيره زادو 5000 الاف درهم
و السيارة هالسنه بس زاد سعرها مرتين
147 و بعدين 150 صارت عندنا يعني 165 شي طبيعي و خاصه ان كانت الكوبيه اللي بيستخدمون نفس محركها و صل سعرها عندنا 185 الف !!!

الاخوان كفو ووفو

و موديل 2009 راح يطرأ عليه التغييرات المذكوره و بيصير 37
و موعد وصوله في ديسمبر بالكثير بس السعر بيزيد بحدود 20 الف !!!

حبيت اضيف بعض النقاط عن السيارة

السـيارة رائعه جدا من ناحية الشكل و الاداء و العمليه و حتى الرساوه على سرعات عاليه !!
المسـاحه الداخليه فالامام ممتاز و فالخلف والله مقبوله و ليس كما يتصورها البعض خاصه لشخص اعزب او ذو اسرة صغيره
الهدوء على السـرعات العاليه ممتاز و الراحه ايضا
من ناحية عزل الهواء 99% لكن الزجاج محتاج زيادة سماكه لزيادة عزل الصوت
صـوت الاطارات موجود و ما انتبه له لانه يعتبر خفيف لو قارنته بمنافساتها و خاصه الاي اس و البي ام !!
ممم...
السماعات ادائها عالي الجوده و صوت الاقزوز يسليك و يطربك
عزم السيارة ما يبرد حتى و انت تمشي 200 زيد الضغط بشكل خفيف ما يحتاج تتحمس و تضغط كثير و بتلاحظ دفعه فالتسارع تخليك تقول وااااو !!

الجوده الداخليه جيده يعيبها بس وجود بعض القطع البلاستيكيه الا انها متماسكه و عاليه الجوده
الزجاج عازل للحرارة و المكيف ادائه خمس نجوم

يعيبها ثقل الطارة مع السرعه بس بتتعود عليه مع الوقت و هالشي يزيد من ثبات السيارة

فالنهايه و حسـب تجربتي لموتري :
تسارعها من 0-100 في افضل الحالات كان 5.56 ثانيه و الى 160 في 12.8 و الى 200 في 20.4
طبعا هالارقام و التراكشن شغال و القير عالسبورت
و في مجـال تجيب افضـل من هالارقام لو تستخدم shifter peddle و بدون التراكشن

قطع الغيار ما ادري عنها والله بس انا مسوي service contract لين 35 الف ب 2400درهم شامل كل شي ما عدا البطاريه

المشـاكل اللي واجهتني : لا يوجد بس عن الحلال و الحرام خف هواء الاطار و طلع لي علامة فالعداد فرحت عبيته هواء و راحت و كانت السيارة ماشيه 11000 الف
حاليا السيارة ماشيه 15000 الف و الحمد لله ما شفت منها الا كل خـير


ادري طولت فالكـلام بس حبيت اعطيك فـكره كامله عن السيارة
و اي استفسار انا حاظر

فــمان الله

و عليكم السلام و رحمة الله و بركاته

الاخوان ما قصروا

موديل 2009 للحين مو أكيد هل بيجي بالمحرك و القير الجدد أو لا ، اذا ما عندك مشكلة في هالشي فتوكل على الله و اشتر

الـ FX الجديد يستاهل سعره و زيادة ، جب لي سيارة فيها مواصفاتها و بالسعر هذا و بإسم فخم ، ما راح تلاقي

الله يوفقك

^
^
اخوي كلامك صحيح لكن ماظن عندنا في الخليج
تغيرت الى G37 سيدان وقير 7 نسب
اتوقع في 2010 بتكون عندنا

انصحك فيها ........ السبب ,, لانك ما رح تلقى سيارة بقوتها ومواصفاتها بنفس السعر
محرك سعه 3,5 حصان327 يعني طيارة التسارع من الصفر الى 100 في 5,4 ثانية

الالوان الخارجية كثير مثل الاسود,اللؤلؤي,احمر,بيج, فضي
الالوان الداخلية بيج ,, اسود فقط

المواصفات الداخلية رائعة جدا تقريبا فيها كل شي عدا تسخين وتبريد المراتب
نافيجيشن , بلوتوث , كاميرا , نظام صوتي من BOSE سيديات6 الخ....

جي 35 نالت الكثير من الجوائز هذا العام ابرزها تقييم منظمة جي دي باور
واحتلت المرتبة الثانية بعد بورشه متقدمه على لكزس وغيرها
في الجودة طبعا

بصراحة سيارة كاملة والكامل الله
يعني انت لو تغير علامتها وتحط بدالها لكزس ولا بي ام بتلقى سعرها 200 الف واكثر

وبالتوفيق
...

السيارة روعة ولا راح تندم انك اخذتها
كاملة والكامل وجهه سبحانه

ينقل الى القسم المختص

السياره ممتازه فعلاً .. وماتوقعتها بالفخامه والقوه هاذي إلين ماركبتها ..
سعرها في الجبر الآن .. 147 ألف ريال سعودي ..
يعيبها بنظري شيء واحد .. وهو صغر حجمها .. يعني فيها جمال بس هيبه مافيه , شخصياً تهمني النقطه هاذي .. يعني لو تقدر على الـ FX يالغالي لاتردد !

وبالتوفيق لك

السياره روعه وبقوووه

توكل على الله وخذها

ولاتنسى الاستخاره

سيارة رائعة جدا بكل المقاييس وانصحك فيها بكامل قواي العقلية >>>>جاب طبلونه الأخ


من ناحية الفرق تيجي نوعين نوع بدون نافيقيشن وبلوتوث ونع فيها نافيقيشن وبلوتوث

الفل أللي فيها نافي وبلوتوث سعرها تقريبا 143 الف ممكن عليها تخفيض بسبب الرمضان

القطع معقوله نوعا ما الاستهلاكية

حرااااااااام عليك الFX معوق صدق ان الناس اذواق

انا اشوفه افضل تصميم سيارة SUV بالعالم

سلام

الله يعطيك العافيه ياوسيم انا اقصد السيدان لانها 35 اما الكوبيه 37

وماقصـرت والله على ردك تسلم لي :)