مساكم سعيد.....
فيه كم استفسار عنها:
- تغير شي بالسياره داخل مثل واجهةالمكيف
- كم مقاس الكفر
- الانوار الاماميه هل هي زينون
- هل الكراسي بالكهرب
- وين فيه محل في الشرقيه يبيع اكسسواراته
أول ما طلع الشكل الجديد (ما اذكر بالظبط، لكن كان اما بداية 2006 أو بداية 2007) كانو يبونها بـ 92 الف..!!!!
انا عندي موديل 2000 شريتها جديدة من المعارض في بداية 2001 كانت في الوكالة 78 الف و يعطون ب 5 الآف اكسسوارات مجانية، دفعت 60 الف و كانت ع الزيرو (جديدة). و المعارض ما يخلونك تجرب. اذكر كنت ودّي بالسي آر في (هوندا) لكن كانت اغلى بحوالي 13 الف (73 و آخر حبة في الوكالة بعد التخفيض) و بعيدة المنال علي في وقتها. هذه (موديل 2000) غير مريحة في السفرات، لكن داخل المدينة تمشي الحال. و حلاوتها تبين في المواقف.:e058:
المشكلة كل السياريات صدقوا أنفسهم وقاموا يرفعون الأسعار بشكل غبي ومجنون !!! أجل فيتارا تطلع بـ 89 ألف أقسم بالله أكبر غبي اللي يشتريها بهالسعر ! والمستهلك الخليجي هو البقرة اللي يبون يحلبوها .. وكاننا أغبياء ! أحطللي كم ألف وآخذ برادو !
الله يجزاكم خير جميعاً. رحت لهم اليوم في شارع فلسطين في جدة. الشيء الغريب ان ما عندهم تجربة ..!!! الظاهر ان السيارة ماهي مريحة للغاية، و الا كان سمحوا بالتجربة. شيء عجبني مزودينه عن موديل 2008 وهو الشماسات. الشماسة فيها قطعة تمتد لخارج الشماسة. يعني اذا تحركها (السائق) و تدورها ربع دورة لليسار حيث انه تغطي الجهة اليسرى لوجهك من الشمس، تستطيع تسحب هذه القطعة للخلف فتظلل منطقة الأذن من الشمس. لكن الحلو ما يكمل، حيث انها لا زالت اقصر من الطول المطلوب (يعني لا زال هناك فجوة بينها و بين نهاية النافذة ممكن تدخلها الشمس). السعر 89.900 كاش لأعلى نوع و هو الوحيد عندهم بالمكينة 3200 سي سي. النوع اللي تحته 4 سلندر 2400 سي سي سعره 79.900. ماني فاهم كيف وكالة لشركة عالمية مثل سوزوكي تتوقع انها تبيع بدون تجربة ؟؟؟؟ وفقكم الله ...
الاربعه سلندر بقوة 166حصان و225نيوتن العزم مزود بالvvtiاقوى ب64%من السابق 2.0لتر وال v6نفس المحرك السابق المستعمل على سيارات سزوكي من عام 1999فقط كبرو سعته من 2.7الى L3.2ولم يزود بتقنيةالvvtiبعزم مقداره عزم 285نيوتن متر اقوى ب35نيوتن عن ال2.7L والتسارع حوالي8.5ثانيه الى 100ك قوته230حصان واضيف ان السياره زودت بنضام المساعده على صعود ونزول المنحدرات ل v6 وبقير ب5سرعات لتماتيك والعادي
لكن يالربع ترى المحركات اللي تجينا (و لو انها نفس عدد السلندرات و نفس الحجم - الـ سي سي) تكون مختلفة شوي بالقوة. خذ مثلاً المحرك اللي بدأو يجيبونه عندنا بالسعودية على السانتافيه (هيونداي) 6 سلندر 3300 سي سي. في امريكا يعلنونه (إعلاناتهم عنه) بـ 242 حصان على النت. بينما عندنا ما يدرون (البائعين) و اذا اصريت انهم يسألون، يقولون لك "يمكن" 230-235.
و الله المستعان.
أخوكم/ بو محمد.
هذا والله العالم يعود لاختلاف المفاهيم حول القوه
فهناك القوه الاجماليه للمحرك والقوه الصافيه
فمثلا الهوندا الأكورد مكتوب في الكاتلوج القوه الاجماليه 196 حصان
وبعد ذكر المعلومه ذكروا القوه الصافيه 178 حصان
وبعض الشركات تكتفي بذكر القوه الاجماليه فقط علشان تطلع سيارتهم قويه مره
لكن يالربع ترى المحركات اللي تجينا (و لو انها نفس عدد السلندرات و نفس الحجم - الـ سي سي) تكون مختلفة شوي بالقوة. خذ مثلاً المحرك اللي بدأو يجيبونه عندنا بالسعودية على السانتافيه (هيونداي) 6 سلندر 3300 سي سي. في امريكا يعلنونه (إعلاناتهم عنه) بـ 242 حصان على النت. بينما عندنا ما يدرون (البائعين) و اذا اصريت انهم يسألون، يقولون لك "يمكن" 230-235.
سيارة رائعة صراحة معجب بهذي الاسطورة بس يعيبها محركها الصغير
وصراحة السزوكي معروف بالكد والعراقة ويعيش معك
بس سؤالي انا شفت سزوكي عند واحد لكن 2007 اعتقد عليها شاشة
هل الشاشة تاتي من الوكالة ولا الصاحب مركبها؟؟
عالعموم ابدعت اخي العزيز
واصل مشوارك
