احترت و حيرتي زادت

اخ ابو عزام ::

هل توجهك للنيسان هو مجرد تعصب للنيسان ام ان فيه سبب يفضل الباترول على المازدا ؟

اسمح لي أخوي وش جاب المازدا للنيسان

شتان شتان ما بين الاثنان

حتى لو رحلاتك للبر قليله خذ باترول سيد المازدا الدلوعه وغيرها من السيارات

أو خذ لك أي سيارة أخرى من سيارات نيسان رباعية الدفع ما دام توجهك لنيسان

الله يوفقك بالسيارة الزينه

سلام

جزاكم الله خير يا اخوان

بالنسبة لمن تكلم على البرادو

فأنا اللي مخليني اطلعه من خياراتي هو انه بيتغير شكله

و الباجيرو شكله ما راق لي

جزاكم الله خير على المشورة

وعليكم السلام ورحمة الله وبركاته

لو كان الخيار لي لاخترت الباترول بدون ادنى تفكير
والبرادو خيار ممتاز يكون اريح واوفر بالوقود وقطع الغيار
والله يكتب لك اللي فيه الخير

يارجل..
احنا في السعودية للأسف اذا تلقنا بالشي ماراح نتركه..
المازدا من انجح وافضل السيارات في فئتها وتفوقت حتى على اكاديا في تجربة مجلة موتور تريند..
يكفيك صوت مكينتها الناعم وهي تعدي من جنبك..أضف الى ذلك ان قيرها من ست نمر مشترك بينها وبين سيارات لكزس..حيث ان مازدا اخذت تقنيته من لكزس..
جودة وفخامة وعملية..تعامل فرع الوكالة في المدينة جدا راقي..لكن صانتها غالية عند 30000(1200ريال)عند40000(1400ريال)
لكن افضل لك انك تدفع 3000ريال ويتحملون صياناتها طول الضمان..
الباترول راح يكون مميز جدا لك اذا كنت من هواة البر بشكل دائم..نقدر نقول مرة اسبوعيا..
مكينته جبارة وتعليقه ممتاز للبر..لكن يعيبه الهربدة ووكالته الزفت..
المازدا رسمي وكشخة وشكله روووووعة ومميز في الشارع..خاصة اذا جاك بالوان غامقة مثل العنابي والرصاصي الغامق..
عيب المازدا سرعتها محددة بـــ150 بس!!!محددينه بالكمبيوتر والأصل انه يقدر يجب 260بالراحه..لكن فلسفة الأمان عند مازدا تقول كذا..
على العموم..الله يبارك لك في اختيارك..
وانا صوتي للمازدا..

اذا انت منت راعي بر فانك حسمتها لصالح المازدا cx9 وبصارحه المازدا روعه ماشاء الله لكن استفسر عن قطع الغيار والصيانه ولا تسمع من اي احد يقول ان ان قطع الغيار غاليه او الصيانه تعبانه استفسر بنفسك

لاتحرق دمك حبيبي على شي مايسوى

بعض الناس تحب تتكلم وتفضض إذا كان حدهم ياريس يركبوها

انا امتلك مازدا وافتخر

اخوي كل كلمه وراها فايده وتجربه...،

ممكن نعرف ليش رميت المازدا بالفاسده على طول كذا ؟؟


الحين المازدا 6 الجديده صارت فاسده؟؟؟

ولا الجيب cx-9 اللي لم كل الجوائز في السلامه والجوده من اول سنه صار فاشل؟؟!!!


ننتظر ردك




عمرو

ممكن نعرف ليه المازدا فاسده حابين نستفيد من رايك اكثر من مجرد كلمه تكتبها وتروح

اما بالسبه لسؤالك مين الافضل فكل سياره مختلفه عن الاخرى
اما اذا ما كنت راعي بر فانا انصحك CX-9 افضل الموجود في هذه الفئه من غير منازع
والله الموفق ولا تنسى الاستخاره

الباترول أفضل وبكثير من الفاسدة مازدا :)

اخوي صدقني وعن تجربه انت منت راعي بر كثير...،
والدليل انك هونت عن الاف جيه...،

الباترول خراباته وارده دايما خصوصا طرمبه البنزين والقير،،، والله اعلم..،

اما المازدا والله اعلم خراباته خفيفه وسياره حلوه وشبابيه وهاااااديه والله كأنك راكب لكزس...،
واصلا لا سمح الله لو فيه خرابات الموتر ادفع عليه ٣ آلاف زياده عند الوكاله ويسير الزيوت والفحمات والسيور ومدري وشوو ببلاش يعني بالعربي الصيانه الدوريه ما تدفع فيها ريال زي الملك :)


نصيحة توكل على الله وخذ المازدا،،،


محبك
عمرو

ذهابي للبر نادر جدا

لكن بستفسر عن الباترول

انا دخلت اللي بالوكالة ما لقيت فيه

مدخل سيدي و لا حتى كاسيت

هل السفاري 2 نفس الطريقة
؟؟

الباترول والـcx-9 ليست من نفس الفئه

البرادو والاندكروزر والباجيرو هم قرائنه

والله لوكنت راعي بر مافي خلاف باترول :)



لومراعي بر يمكن تقدر تاخذ المازدا :)


لكن لو آنا بدالك لا هذا ولا ذاك :)

رأي شخي
-
-
-
:)