كفرات الجيوب: أنواع كثيرة....وخيارات محيّرة...أرجو مشاركة الجميع بتجاربهم الشخصية

لو الشركات تعطي الواحد كفر يجربه زين

وكالات السيارات ما اعتقد انها تهتم في نوع الكفرات وتخليها
مثل مناقصات فماتضمنهم

والبناشر يبي بس يمشي الي عنده ولا يزرفك
واصحاب السيارات ماتدري هو كيف استعماله ووش الطرق الي يمشي عليها
ووش معياره للنزلاق ولا الهدوء ولا عمرها الطويل

؟؟؟
الله يحفظنا يارب من شر السيارات بكل قطعها

انا عندي جيب متسوبيشي ناتيفا 2007 ماشي 43000 الف كيلو

الكفرات الي راكبة علية بريجستون شد بلدة بصراحة الان بدءت الكفرات تطلع صوت مزعج تسمع صوت
حنة قوية وانت مسرع

والله محتار دخلت النت ادور على اختيار مناسب وجدت الكل يدلي بدلوة زادت حيرتي

صاحبي يملك لاند كروزر يمدح في اليوكوهاما والبنشري جاري يقول ركب برجستون
ارجو لمن لدية خبرة يفيدنا

صدقت والله شيء يحير :confused:


الميشلان ممتاز لكنه تايلندي :mad: .......................... هل التايلندي جيد :confused: بجودة الفرنسي


الدنلوب جيد جدا ً لكن تحمله للحرارة B وتحمله للسرعة 180فقط والتراكشن B |5|

صدقت يوجد سعودي بضمان بن زقر |1| ويوجد إماراتي مستورد من دبي :mad: بدون ضمان وهذا إللي يتلاعبون فيه أبو يمن :mad:

الهانكوك غير جيد نهائيا ً :D

هالكفرات تحير وتشك في كلام راعين البناشرر
احس انهم نصابين مدري ليه

انا مركب على الكروزر جنط 17
فرجستون <-- اظاهر كذا اسمها واظاهر انها يابانيه ولا فرنسيه حده من الثنتين

بس احسها اطول من الدانلوب واثقل على الموتر

وفي المويه على طول تتزحلق مدري هل كل الاندات كذا ولا بس نوعية الكفرات

وصراحه لها يمكن سنتين رحت من الرياض لجده رايح جاي مرتين وقبلي في العاذريه
وردمياتهم الخايسه وبطانيجهم ودايم في هالطعوس احس انها تتحمل بس زي ماقلت قبل

احس انها ثقيله على الموتر .. سعرها اظاهر حول الـ 500 ريال

والدانلوب اخوي معه بليزر مايمدحها يقول على طول تتشقق
ونفس الكلام من ابو خويي معه كروزر دايم يطلع للشعبان ويقول الدانلوب ماتتحمل
الحصى تتشقق ..

وقالي مره راعي بنشر ان الدانلوب يجي منه صناعتين يابانيه واماراتيه

وخويي معه باث فاندر اول ماشراه ركب عليه هانكوك يقول انها لينه وممتازه للرمل
وتزحف في الشوارع المزفلته بس اظاهر تتشقق بسرعه في الطرق الحجريه

تحير هالكفرات ولا فيه احد يعطيك كلام اكيد

انا اقول كفرات دنلوب افضل وممتازة

للـــــــــرفـــــــــع

لأهــــمــــية الموضوع

موضوع رائع ومهم لكل مستخدم للدفع الرباعي

وقريباً .. بإذن الله .. سأكون منهم .. |1|

البيريللي سكوربيون الجديد STR موجود إلى 19" عند الوكالة أو الموزع في شارع الضباب في العليا ..(على كلام مندوب المبيعات)...

وأنا شخصياً أرى الدنلوب في الرمال أفضل من اليوكوهاما..وعلى الطرق المعبدة أيضاً.

ملحوظة:

نسبة المطاط في إطارات اليوكوهاما أعلى من نسبة المطاط في الدنلوب..ومن ذلك قد يكون هو (أريح) على الزفلت و"البطانيج".

من واقع التجربة الدنلوب عدة أنواع فيها السيء والجيد والنوع الجيد أعتقد يجي وكالة مع جيوب التويوتا

فيه اليوكوهاما الياباني ماأحد تطرق له جربته على الونيت كان لين على الطريق والبر ويتحمل الكرف ومشى معي أكثر من 100 ألف كيلو ( معظم قيادتي على الطرق المعبدة ونادراً ماأنزل للبر) وكان الهواء مابين 35__40 .

الأفضل من وجهة نظري : ميشلان _ دنلوب_ يوكوهاما.

شوف انا جربت الميجر دانلوب معي ربع نيسان ومنطقتنا كلهااا حجر والله هي كفرات قويه وممتازه وبعد اذا جيت بالرمل حلوه لوووووووووووووووول ولكن مثل ما قاولواااا انتبه ترى يمنفجر على الخطوط الطويله وخاصه بالصيف

اللي أعرفه ان الناس هابين في الدنلوب يركبونه للجيوب (بر وخطوط)

اول ما شريت سيارتي كفراتها ما مشت 1500 على طول غيرتها لأنها فاشلة جداً وقاسيه واخذت دنلوب بصراحه في الرمل والبطحاء نقص الهواء 20 وتمش على كيفك وعلى الخط الهواء لازم 40 أو 45 مع التحميل وإن شاء الله إنها زينه ومبروكه.

بالنسبة للمعايير والكتابه اللي على الكفر لا أعلم

ولكن الحراره A والتحميل B والسرعة 220

ومكتوب كذلك في مكان آخر M + S ولا أعرف معناها ويقول لي أحد الزملاء انها تعني الرمال والوحول.

الله يوفقكم جميعاً

سلام

يعطيك العافية اخوي على الموضوع الرائع بالنسبه للارمادا عليه برجستون 18-265-70 والصراحة هو مناسب للحجر ولكنه سيئ للطعوس بسبب قساوته وجيد للطرق.....تحياتي|3|

كفرات الــبيرللي وكفرات الشاهين لايوجد مقاس 17 للجيوب !!!




* وما الأفضل للجيب : هل (1) الدنلوب ... (2) اليوكوهاما ...




أفدني جزاك الله كل خير

كفرات بيريللي سكوربيون جيدة في البر وثابتة في الطرق المعبدة ولينة جداً على المطبات.
كفرات بريدجستون قاسية ومتعبة في الطرق المعبدة ولابأس بها في البر.
وسوميتومو (الشاهين) ممتازة جداً في البر لكن ماتتحمل الكرف الواجد.

السلام عليكم
الحقيقه الكفرات الى كانت مقاس 16 حجمهن نفس حجم كفرات الفورد شد البلد لاني لو اخذت اكبرت يحكن في رفرف السياره
اما الى على الددسن فأتا دخل المحل وكلت له ابي اكبر شي وعطان اياهن واذكر اني قلت له ماعجبتني نقشه الكفر وقالي انه مايجي الاكذا تبيه والا خله :D

السلام عليكم ورحمة الله وبركاته :

والله الي أعرفه ان دنلوب هو احسن شي للطعوس .. وللجيوب.......

مازلت بإنتظار الكثير من المشاركات
وين بقية الشباب؟ ولا الظاهر يمشون على الجنوط بدون كفراات؟ :D

أرجو التفاعل مع الموضوع....لانه مهم بشكل يفوق توقعات الكثيرين

ممتاز اخوي king22
معلومة مفيدة وتثري الموضوع, وياليت لو كان بالامكان تحدد اسم الكفر بالضبط لان هناك نوعان على حد علمي 4×4 من ميشلان وهي : Diamaris و Synchrone
لو فيه معلومات اضافية اكون من الشاكرين

تحياتي

يعطيك العافية اخوي مطنش وتجربة جديرة بالاهتمام
وياليتك ذكرت مواصفات كفر الدنلوب اللي معك حتى يكون النقاش بشكل علمي أكثر (تجد جميع المعلومات مكتوبة على جانب الكفر بخط صغير)

تحياتي لك