حصريا((نزول شاشه نفقيشن)) الوعلان

أنا أنصحك بصبر قليلا ولا تستعجل
بالنسبة للأدابتر بتلقى الشاشات التي لايعمل معها في نفس الموقع حتى لاتشتري وبعدين تتوهق ولوتراسلهم قبل أحسن , بالنسبة لتركيب عندك الرد كاب , والله يعينك

|5|
للأسف أتصلت على المهندس عبدالله اليوم
وطلع فعلا شاشة JVC يركب عليها GARMIN ولاكن التحكم بالكامل من الريموت
لأن اللي فهمته أنه جهاز خارجي للGARMIN ويوصل بالشاشه كأنه فيديو أو أي شيء للعرض آخر
على العموم ما أدري وش فيني كأنني بردت شوي عن السالفه كلها
أنا لي زيارة له مرة ثانيه إن شاء الله وراح أقرر بعدها
يا أخي أفكر أركب الشاشة وكل شيء ماعدا GPS مع أنه والله مهم
والله ما أدري ........!!!!؟؟؟
<<< أحس أشغلتكم معي
حياكم الله ياشباب
نبي آرآئكم شباب

بشوف أنا العصر بكلمه وأرد لكم خبر بخصوص الجارمين GARMIN
مع أني مستبعد مسألة الريموت هذا
لاكن بكلمه ليطمئن قلبي

وبخصوص أزرار الدركسيون فا المحل هذا قال ما أقدر اشبكه مع JVC أو اي شيء ثاني
إذا تخبر محل ثقه ويعرف يشبكها بالرياض طبعا
عطني اسمه
تحياتي لك

نعم يقدرون يركبونه هنا مايبليه شغل واجد لأنه مجهز مسبقا فقط فك تركيب
بالنسبة للجارمن تأكد لأنه على حسب كلام اليماني يقول بس الكينوود يجي الجارمن تبعها لمس لأنه خاص بكينوود فقط بس بقيه الشاشات يجي معه ريموت خاص به وممكن يركب على أي شاشة

بالله أخواني إذا تعرفون أحد يقدر يشبك أزرار الدركسيون بالمسجل الجديد JVC أو اي نوع
يعطيني أسم المحل
بس بشرط عدم التقطيع أو اللعب بالسيارة
<<<<<<< هذي الأوبيروس الغالية هههه

مشكوووووووووووور أخوي على المداخله الجميله والرائعه
والله تمام هذا الأدابتر
بس ما أدري يقدرون يركبونه هنا ولا لأ؟؟
وبخصوص GARMIN أنا شفت عرض لشاشة كيينوود باليوتيوب ومركب له نفس البرنامج وكان التحكم بالكامل بالشاشه
وهذا اللي انا أعرفه عن هذا الجهاز
تحياتي لكم

مشكور اخوي على المعلومات

هذا للأزيرا :
http://www.crutchfield.com/S-LLjGR7Uslbe/App/Product/Item/Main.aspx?I=127SWIX
وهذا للأوبريوس
http://www.crutchfield.com/App/Product/Group/ProductMenu.aspx?g=118900&tp=3405

لأخ / اسمح لي بمداخلة بسيطة
اولا: تأكد من أن الجارمن يمكن التحكم فيه من خلال اللمس وليس من خلال الريموت
ثانيا : بالنسبة للتحكم من الدركسون فيه قطعة تطلبها من الخارج عن طريق الأنترنت ولا يلغي عليك التحكم من الدركسون
ُثالثا : بالنسبة لأصحاب الأزيرات يصبروا شوي الناغي راح ينزل شاشة نفس شد البلد بسعر تقريبي 7000 ريال تركب مباشرة من دون أي تلفيق
وشكرا

تحياتي لك
مناسبة لديكور الأزيرا فقط بنسبة 100%|1|
أما الأوبيروس فلونها مايناسبها للأسف
والتلفزيون موجود
والخريطه من جارمين GARMIN والجرافيكس اللي فيها ارقى بكثير من اللي في AZERA
والضمان ما كنت أدري عنه:D
ولاكن فيها منفذ USB |1|
ويمكن تعديل وضع الشاشه وغيرها كثييييييييييير

ولاكن لو وجدت شاشة إنفنتي بفارق 500 ريال زياده لكان ركبتها بدون أي تفكير :rolleyes:

ولو لا عدم وجود التعريب والتحكم بالدركسيون بJVC لقلت أنها تفوقت وبمراحل على شاشة AZERA الأصلية من أنفنتي بكل امانه ،
هذا كل شيء عندي
تحياتي لكم
أخوكم أبو عبدالعزيز



اخوي

عاد هذي ما صدقت فيها

حتى لو كانت موجود فيها تعريب وتحكم بالدريكسون

يكفي ان الشاشه حقت الوكاله شكلها مناسب للديكور

ويكفي انها فيها تلفزيون

واتجاه القبله

والخريطه بالعربي

وضمانها 5 سنوات

ويكفي انها انفنتي

فصعبه يالغالي تقارنها بالي ضمانها سنه

عالعموم بالتوفيق بالاختيار

السلام عليكم........
أخوي أزيرا 2006
شفت واحد أمس يركب بأزيرا وكنت بروح اسلم عليه
بس قلت والله مالها داعي يطلع مو هو ههههههه
المهم :
السعر بينهم يفرق بقرابة 1000-1200ريال تقريبا
ولاكن راح أذكر لك مميزات لو اخذت الJVC
1- نظام البلوتوث :
بحيث تشبك جوالك فيه وتصير جميع مكالماتك منه ، تسمع جميع الملفات الصوتية اللي بجوالك عن
طريق النظام الصوتي ، أمكانية شبك سماعات لاسلكيه معاها لمشاهدة الأفلام بدون أزعاج قائد المركبة ، ..........ألخ من فوائد البلوتوث
2- نظام الملاحة :
وهو من نوع جارمين GARMIN وفيه من المميزات الشيء الكثيييييييييير أكثر منما تتوقع
أنا عندي جهازي الجوال وفيه برنامج جارمين وفيه خرائط المملكة وطبعا ما هي أخر تحديث
اللي مع JVC محدثه لآخر تحديث مع الصوت وجميع مدن المملكة ودول الخليج ومافي جهاز ملاحه أفضل منه لا من طريقة العرض ولا من دقة ولا من سهولة الاستخدام..
بإختصار هذا لوحده ميزة تستاهل فرق السعر
3- تنزيل ورفع الشاشة :
هذه ميزة لست متأكد من عدم وجودها من شاشة ((العربة الخارق))
وتمتاز بأنك ترفع الشاشة للأعلى بأكثر من 4 مستويات ، وهذي طبعا تفيدني انا خصوصا بالأوبيروس لأن موقع المسجل منخفض نسبيا عن مدى رؤيتي ...
4- عرض محتويات Flash Memory & Hard Desk :
وهذي برضوا لست متأكدا من عدم وجودها بالشاشة الأخرى
ويتم عرض أفلام DVD والأصوات والصور مع إمكانية تغيير خلفية الشاشة ووضع صورة سيارتك مثلا أو صورتك الشخصية لو كنت وسيم مثلي <<< أقول أعقل هههههه
5- كاميرا من نوع JVC :
نسيت أوضح لكم أن يوجد عدد كبير من الكاميرات الخلفية الصينية واليابانية وتتراوح أسعارها بين 150 - 700 ريال
وأفضلها وأصغرها حجما هي من نوع JVC 700ريال
في نوع ثاني نصحني فيه بسعر 300 ريال
ويقول الياماني أن JVC طبعا افضل بالمشاهده والله أعلم
6- بخصوص الضمان :
ضمان الجهاز سنة كاملة 12 شهرا
وضمان سنة كاملة على التركيب بعد وشغل يدهم
ويستغرق التركيب يوم كامل أو أقل على حسب كلامه
7- شكل الجهاز مجملا والأيقونات بالشاشه خصوصا :
يتميز عن الشاشة الأخرى ((العربة الخارقة)) بشكل خارجي أجمل قليلا
ويتميز بشكل همني كثيرا بأيقوناته وخلفياته وطريقة تحكمه التي بصراحه عجبتني كثيرا
من حيث طريقة العرض ومن حيث شكل والرسومات فهي افضل بمراااااااااحل
مايعيب شاشة العربة الخارقه أن الشاشة زرقاء صماء والأيقونات مجرد كتابه مفرغه باللون البنفسجي << أحس أنكم ضيعتوا ههههههه
بس زي ما اقول مو حلوه مره
<< احتمال انك تقدر تغيرها أنت الله أعلم

وبخصوص أزرار الدركسيون فقال لي الياماني إنسى أمرها مستحيل تركب معاه << هذا اللي ضيق صدري بصراحه
وفيها طبعا جميع مواصفات شاشة العربة الخارقة وزيادة البلوتوث والكاميرا عالية الجوده
وضمنوا لي أن تركيبها راح يكون مثل الوكالة إن شاء الله

بالنسبة لأخوي محمد فأنا أنصحك في JVC إذا كانت عندك قدره مادية لها
وأما شاة العربة الخارق فهي تعتبر درجه ثانية بعدها
ولو لا عدم وجود التعريب والتحكم بالدركسيون بJVC لقلت أنها تفوقت وبمراحل على شاشة AZERA الأصلية من أنفنتي بكل امانه ،
هذا كل شيء عندي
تحياتي لكم
أخوكم أبو عبدالعزيز

والله حيرتوني

والله الصراحه تقريرك حلو

بس تبي الجد

سعرها اغلى من حقت بدر

ومواصفاتها ما اشوف فيها فرق

سوى الماركه فقط

وهل عليها ضمان

وهل يوجد بها كميره خلفيه

وهل تناسب مع ديكور موترك

هل سيفكون التحكم عن طريق الدريكسون (حق المسجل) يعني ما تقدر تتحكم من الدركسون

وشاكر لك على معلوماتك

السلام عليكم...........
أخوي أزيرا 2006
أنا قبل المغرب كنت جازم بنسبة 80% أني راح اركب لشاشة للي تباع بالعربة الخارقةاللي قاله لي الشيخ بدر الله يحفظه
وهذا هو مقطع الأفالون اللي مركبه (( الله أعلم أنها نفس الشاشه إذا أنا مو غلطان))
http://www.youtube.com/watch?v=FoEr0N6pM7I&feature=related
وطبعا اح يحسبها لي تقريبا 6500 ريال مع كل شيء
شاملة الكاميرا الخلفية والأنتل الخارجي للتلفزيون والملاحة

ولاكن بعد زيارتي لمركز أحد اللي بالغرابي تغيرت وجهة نظري 180 درجه ......!!
حيث وجدت عندهم العديد والعديد من الأجهزة الجميلة والرائعة
واللي جذبني هو JVC
ويوجد منه نوعان :
1- بدون مشاهدة القنوات الأرضية
2- مع قنوات أرضية
وطبعا كلا النوعين تركب عليه الإكسسوارات وسوف أتحدث عنها بالتفصيل
الجهاز طبعا مع قنوات الارضية تقريبا 3600ريال والآخر أقل منه بـ 750 ريال
وجميعهم يقبلون زيادة أكسسوارات :
البلوتوث 500 ريال
Garmin المملكة ودول الخليج أو الصحراء 2500ريال
كاميرا خلفية من نوع JVC تكلفتها 700 ريال
سعر التركيب 350 ريال
((الأسعار تقريبيه مو متأكد أنا منها وورقة الأسعار عندي بالسيارة))<< بكره أتأكد لكم منها
تقريبا التكلفة الإجمالية 7550ريال

مقارنتها مع الشاشة اللي بمركز العربة الخارقة :
الشاشة هذي من نوع JVC وه ماركة مشهور جدا بهذا المجال
أيقونات الشاشة JVC أجمل بكثير من الأخرى مع مميزات أعلى
يمكن تحريك الشاشة للأعلى وللاسفل وذلك لرؤية أفضل
نظام ملاحة من نوع GARMIN وهو لأفضل على الطلاق وهو مستخدم من قبل مصنعي السيارات
يمكنك عرض محتويات الهارد ديسك وغيره
المحل من شكله ومن خلال تصفحي لسيارات زبائنه أعطاني إنطباع ممتاز عنهم بشكل يفوق محل العربة الخارقة
بحيث شفتهم أشتغلوا لمرسيدس ولمبرجيني وأودي لكزس وغيرها كثييييييييييييير
وكذلك بعد غعجابي الكبير لهذه الشاشة عملت بحث بالليوتيوب وشاهدة مشركات عنه كثييييييييييره ومنها:
http://www.youtube.com/watch?v=bXhJJ43lu10&feature=related
http://www.youtube.com/watch?v=c0K8T5J8OsU&feature=related
http://www.youtube.com/watch?v=cQG-R2aCWa8&feature=related
والفرق بين النوعين JVC بالشكل الخارجي هو وجود لون فضي اسفل الشاشة فقط بنوع ذو الإستقبال القنوات الأرضية
الشاشة بها مميزات جدا جدا خطيييييييييييره
ولو تبحثون بالنت راح تشوفون تقارير كثيره عنها بالذات

أتمنى أكون أفدتكم بالشيء الكثير
وإن شاء الله عندما تتوفر النقود أروح أركبها واعمل تقرير كامل عنها
ملاحظة: في حال شبك التلفون عن طريق البلوتوث يتم عرض الأسماء باللغة الإنجليزية فقط << على ذمة الياماني اللي فيه

تحياتي لكم
أبو عبدالعزيز

^^^^^^^^^

يعطيك العافية

اقول ابو عبدالعزيز

بالله عطنا المقطع حق الافنون الي مركبه الشاشه

وبسألك

انت بتركب حقت الوكا الا قال عنها بدر الوعلان الي سعرها اظن ب 7000

او

بتركب شاشه ثانيه

حياك الله اخوي
والله ماعرفت قصدك بالمحطة << يمكن اللي بالغرابي
المهم
محلي اللي اقصده هذا انا شرحت موقعه للشباب في ردود سابقه ومافي مانع لو عدته لك
لما تكون بالدائري الشرقي تطلع للغرب مع مخرج 15
وتمشي على طول بتواجه اشارة طبعا تتركها
وبعد الإشارة تطلع من طريق الخدمه وتمسك الطريق الرئيسي
وبعد مسافه مو طويله
بيجيك جسر مشاه حديدي
بعدها مباشرة طريق على اليمين
أمشي معاه
تمشي شويتين وتلاقي طريق على اليسار كبير نوعا ما
تمشي معاه مسافه معينه
وبعدها بتشوفه على يدك اليمين (العربة الخارقة)

شوف هناك وعطنا خبر أكثر عنهم وعن مميزات الشاشة عندهم
تحياتي لك
وياليت لو توصل تحياتي لهم بعد

^^^^^^^^^^^^

لا والله لغيره

رحت المحل الكبير اللي بالمحطة

وين المحل اللي تقول عنه ؟؟
معليش بتعبك شوي