شكرا لك على هذة المشاركة الرائعة اخ كاديلاك
ولكن يبقى الأف جي كروزر أقوى من الباجيرو حتى لو حطيت الفيديو
لاهي بقوة المكينة , ولا بالعزم , ولا بجودة التصنيع , ولا بثقة المستهلك , ولا بالتحمّل , ولا بنظام الدفع الرباعي , ولا حتى بالإعتمادية يستطيع الباجيرو مجارات الأف جي كروزر
حبيبي
انا ما اقولك من تجربه وحده
اقولك من عدة تجارب
شو رايك ان باجيرو الشكل 2005 3.8 في البر يقطع الاف جي و يبلحه
بعدين كيف تقول الاف جي محركه اقوى من الباجيرو
الباجيرو عزمه اكبر و اقوى من الاف جي ب 29 حصان
و كيف تقول الباجيرو نظام الدفع الرباعي فيه ما يجاري الاف جي
على فكره
الباجيرو فيه ميزات في البر ما تتوفر فأي سياره ثانيه
دور لي اي موتر فيه 4 انواع فالدبل غير الباجيرو
نظام الدفع الرباعي فالباجيرو من اكثر الانظمه متطوره فالعالم
على فكره ترا الاف جي مب مثل ما تضن انه دفع رباعي مستمر مثل البرادو
لا
الاف جي سنقل مثل الباجيرو
اقولك اخوي انت تراك تتكلم من غير خبره
اقولك اياها بصراحه
مع احترامي لصاحب الموضوع ما ابا اغير مجرى الموضوع
لكن حبيت اقولك في البر الباجيرو يتفوق على الاف جي
اما عن الاعتماديه و التحمل
جارنا شايب عنده اول موديل نزل من الباجيرو تقريبا 85 للحين يستخدمه مثل العسل
وايد ناس عندهم باجيرو فحياتي كلها ما سمعت حد يشتكي منه
لكن انا ما الومك
لانك ما تعرف شي عن ال 3.8
