العادم الرياضي والفلتر الرياضي

أهم حاجة انت توافق و توازن بين ضغط الهوا في الإكزوست و انسيابيته

و عربون الموضوع في الكولكتر حق الهدرز

تدري انك بدون كولكتر ممكن تخسر من 10 الى 60 حصان على حسب محركك و الأغراض اللي عليه و نوعية الهدرز فرق عن انك تتركه هدد ؟؟؟

السيارات اللي مستواها عالي جداً مثل اللي يدخلو بها الدراق تلاقيها بدون هالف باك و السبب أنه هذا البتاع يعيق حركة الهوا و خروجه

بينما السيارات اللي لك عليها مثل اللي محركاتها 1.8 و طختها لتحت لما تشيل الدبة الأخيرة و تبدلها بوحدة انفس بتشوف العزم نزل اغلب الأحيان و السبب انك خربت الضغط في الأكزوست و الحل هو انك تبدي تعدل من قدام بداية بالهدرز حتى لا يقل الضغط الموجود

و بين هذا و ذاك تشوف سيارات تبدل الهدرزات مع هالف باك بسيط تفرق لك بالعزم حتى بدون دبات

البعض على باله قوي لما يجي يبدل الدبة و يحس نفسه خلاص لاكنه ما يدري أنها حصانين لو ثلاث اذا ما كسبهم فيمكن انه خسرهم اصلاً

من الميزات القوية اللي انا لاحظتها للسيارة بدون اكزوست باك برشر هي تنزيل الحرارة

كان عندي بيجو 307 بدلت آخر دبة بدبة فلو ماستر و فلتر هوا K&N أصلي ( للحين عندي هالفلتر :D )

اللي حصل أن الحرارة نزلت بنص ما كان المفروض تستقر عليه

و لم يتغير التسارع ولا جزئ من مئة من الثانية لاكني تمتعت بالصوت ( الكنداسة كانت تبربق :D ) و تمتعت بحرارة منخفضة للغاية محد كان مصدقني الا اذا ركب معاي

المهم هذي معادلة حق تعرف طول الهدرز و قطر الكلكتر المثالي للمحركات الكلاسك V8

مكتوب Tube Diameter لاكن كل ما أحسب يطلع لي رقم كبير فرجحت انه الكلكتر يعني مش معقول محرك 5.0 و قطر الهدرز المطلوب 2.6 !!




Tube length = (Exhust cam Duration/360) X (277,500/RPM)


Tube Diameter = squar root of (ci x 1900) / (Tuble lenght x RPM)