هلابك أخوي .. وإن شاء الله أقدر أفيدك
أنا عندي باجيرو 2005 ربع فل كامل وماشي للحين 43 ألف تقريباً .. ومن واقع تعاملي مع العيسائي راح أجاوبك.
1- تشييك ال1000 كم - هل هو مجاني ؟ هل فعلا يشيكون على السيارة وكمبيوترها أو فقط السوائل والزيوت.
التشيك الأول غير مجاني .. وأنا فعلاً أنصدمت بصراحة .. وطلبوا مني مبلغ ما يتعدى الـ 200 ريال على أظن (حق الزيت والتشييك) على قولتهم.
2 - كل كم كيلومتر لازم تروح الصيانة الدورية - كل كم كيلومتر يتغير الزيت والفلتر، وكم التكلفة؟
يفترض كل 5000 كيلو تروح لهم .. لأنهم متقيدين في جدول .. بحيث كل مسافة تقطعها لها تشييك معين
مثلاً تشييك الـ 10000 يختلف عن الـ 15000 سواء في المبلغ أو القطع اللي يشيكون عليها ( على قولتهم ) :D
3- هل اللي شغالين في الصيانة عندهم كفائة ويلا من جمبها!؟
والله أنا سولفت مع كم واحد عندهم وبصراحة يقولونها وبالفم المليان إن الوكيل ذابحهم .. حتى الصندقة اللي مسميها ورشه .. لا فيها تكييف ولا شي يحفز للعمل .. خصوصاً بالحر .. وربي مساكين :mad:
أما من ناحية كفاءتهم .. ولله الحمد أنا أسوي التشييك المطلوب علشان الضمان .. ولله الحمد الباجيرو ما طلب شي يستلزم أوديه الوكالة وأختبر كفاءتهم |1|
4- هل لازم أسوي الصيانة الدورية عندهم علشان مايروح الضمان ؟
نعم .. والمثل يقولك .. أعط الخبز لخبازه .. وعلى فكرة هذا الشي متبع في كل مكان .. حتى في الجوالات ... لما تودي جوالك لمصلح غير حق الضمان .. يروح عليك الضمان سلام سلام.
عموماً أنا بعطيك نصيحة .. طول ما انت تسوي صيانة بإستمرار .. ترى راح يتعاونون معك لأبعد درجة .. خصوصاً في تبديل بعض القطع على حساب الضمان :)
5- كم أسعار القطع الاستهلاكية، مثل الفرامل والمساحات
والله بالنسبة للباجيرو اللي عندي الفرامل الأمامية أخذتها من عندك موزع معتمد وأصلية بـ 210 ريال
والخلفية بـ 170 ريال .. وفلتر الهواء بـ 80 ريال .. أما المساحات والبطارية ولله الحمد ما غيرتهم للحين وكفاءتهم عالية جداً.
6- في طلوع الطعوس والرمل الخفيف، هل سستم التماسك ASTC يعيق أم يساعد، في زر يطفيه ولا بدون ؟ لأني بصراحة جربت تاهو ماشاءالله عليه وحش طلع بسرعة، خايف سستم الباجيرو يبطء من عملية الصعود..
إذا تركته شغال .. راح يضايقك .. أما إذا طفيته رح يقل عمله جزءياً وليس كلياً .. ونصيحة لا تشيل همه .. تراااااااه أوكي.
وأكثر شي راح يفيدك في الطرق المعبده وبيعطيك ثبات غير طبيعي |1|
7- بصراحة التذهيب والعلامة اللي على الكبوت أحس مالهم داعي، السيارة شكلها رياضي والأشياء هذي خربت الشكل، تخيل لون السيارة فضي ومذهبة!، هل حيستمر الشي هذا ولا بس أول دفعة:confused:
والله يا أخي الكريم .. أنا أخبر الفئة المذهبة تكون على كامل المواصفات وعلى اللون الأبيض على ما أظن .. أما باقي الألون ما تجي مذهبه (بس أنا مو متأكد)
عموماً الناس أذواق .. وفيه ناس تعجبهم العلامات المذهبة .. لكن بالنسبة لي .. لا |6|
8- هل الكراسي مريحة في الخطوط الطويلة والسفريات ؟
الباجيرو مريح بصفة عامة .. والجديد أريح
لكن راح يضايقك فيه أو في أغلبية الجيوب .. ضجيج الهواء في السرعات العالية وعدم الإنسيابية ( بحكم إنه مرتفع) وهذي في أغلبية الجيوب تلقاها.
طولت عليكم |2| بس ان شاء الله كلكم تجاوبوني لأن السيارة خاشة مزاجي بقوة،
وحياك الله
Kenny
