قناة السيارات
انا حكايتي حكااااااااية .. من زمان عمي راح دبي .. و اشتراله كام سيارة .. و منها كانت رانج روفر موديل 84
المهم سوا توليف لمعظم قطع الغيار و باع السيارات ما عدا الرانج .. ( جلس في حلقه) .. فاعطالي الرانج روفر هدية (خخخخخخخخخخ)
قلت يلا احسن من ولا شيء .. المهم صرت اروح و اجي فيه و كان ماشاء الله 100 / 100
لكن لاحظت انه بيسخن في الحر مع الزحمة و الاماكن البعيدة .. ما علينا .. السيارة ماشاء الله كانت مرة قوية و مرة كنت طفشان قلت خليني اجرب ادعس فيها .. و صلت 160 لكن كنت احس اني لو دعست على حجر بطيييييييير .. طبعا الرانج القديم مرة ما ينفع سرعة ..
ما علينا .. شافتني دورية .. و طنشتني ..
عدت على خير .. دخلت على تفتيش و منا رابط الحزام .. قلت اكلنا هوا .. الرانج روفر قالي لا لسة .. العسكري اخذ الرخص و قالي هذا موديل كام؟ قلتله 84 .. قالي طيب اتفضل .. و سابني .. انا استغربت .. و بعدين عرفت من احد اصحابي انه ما يقدروا يعطونك مخالفة على سيارات موديل 84 و ما قبل .. انا الصراحة كشخت مررررررررررررة
و صرت اتباها بين اصحابي اني الوحيد الي يقدر يدخل على التفتيش و ما اخذ مخالفة حزام .. خخخخخخخخخخخخ
و طبعا كنت مرررررررررة مبسوط اني اقدر اطلع اي رصيف عشان اهرب من الزحمة او عشان اركن السيارة ( و مازلت حتى الان بسبب ان مواقف العمل زحمة اركن فوق الرصيف )
و طبعا كنت ادخل في اتخن مطب و اكبرها حفرة بدون اي مشاكل ( تضاريس مدينة جدة )
و طبعا بس ادخل الزحمة احاول اسقط على احد احصل الشارع كله يوقف .. (حقك يا كنج) .. لا طبعا مو عشان كدة لكن لانه اي مجنون يفكر يصدم رانج موديل 84 و سيارته تروح فيها؟
ماشاء الله تبارك الله
( الي طفش يمشي.. لسة مطول )
فترة صارت حرارة الرانج ترتفع بشكل جنوني .. طلع انه طرمبة الموية خربت .. رحت الشركة و يوم دخلت الصيانة حصلتهم كلهم في الارض فارطين ضحك .. ما علينا فتحت الكبوت .. و قالولي ايش هذا ؟؟ ايش مسوي في السيارة؟!!
طلع عمي تقريبا تقريبا مو مخلي قطعة في الماكينة الا و مولفها ..!!!!!!!!!!!!!!
قالولي يا حبيبي احنا ما نحط يدنا فيها .. هذه مو رانج روفر .. المهم طلعت و صرت ادور في كل مكان على طرمبة حجت رانج و بعد فترة حصلت و ركبتها و مشي الحال .. في يوم كنت ماشي بالرانج و نعست .. الا و اصدملي ديانا و الديانا تصدم سيارة شرطة .. ( كاااااااااااااااااااااااي .. حلوة ) الشرطي يقولي ايش .. نايم .. اقوله ايوة .. المهم تصليح المصيبة الي عملتها كلفني و الله مبلغ و قدره .. بس الحمد لله ..
و في مرة في واحد من الاعياد .. كانت الشوارع غرقانة من المطر .. ( طبيعي .. جدة) المهم طبعا سيارتي عالية ما عندي مشكلة .. و انا داعس .. اطرطشلك على سيارة .. و تطلع سيارة شرطة ( كاااااااااااااااي .. تاااااااااااني)
وقفني و قالي مجنون انت؟ اشبك داعس .. امشي عدل احسلك .. ( و الله العسكري طلع اخلاق و ما اعطاني مخالفة عشان عيد) و عشان هذه الحركة احترمت نفسي من جد .. و في يوم من الايام ركنته 4 ايام و سافرت .. و يوم رجعت و شغلته و دعست بنزين .. طلع مافي فرامل .. احي احي احييييي.. طبعا كان قدامي سيارة .. برادو .. و ما كذبت خبر رحت طيرته ( ايش اسوي مافي فرامل) بس الحمد لله كان البرادو مركب صدام حديد .. اضراره كلها في الصدام الحديد ( تقريبا
و اتصلت على صاحب السيارة جاري .. كل عام و انت بخير انا صدمت سيارة ابوك ( كان اول يوم عيد)
بصراحة تقبل الموضوع بكل سماحة و ما رضي يا خذ فلوس .. و طبعا بعذ سبع دوخات حصلت علبة زيت تبع الفرامل و ركبتها ..
(طبعا القطع كلها من التشليح)
و في يوم من الايام كنت في ابحر .. و انا راجع و ادعس فرامل .. ما في فرامل .. هاهاااااااااااااااي .. ( إشطة يا رنج )
هذه ابحر يا بابا يعني مشواااااااار لحد البيت و زحمة و اشارات .. المهم صرت امشي 40 .. 50 .. و يوم احصل زحمة ادعس فرامل على الاخر من بعييييييييييييييد عشان يادووووووووب يوقف على الاشارة.. ( طبعا مفتاح الفلشر خربان .. ايش الحل؟؟) الرانج كان مرة مغبر .. كتبت على الزجاج الي ورا .. مافي فرااااااااااممممممللللل .. و طبعا بس اوصل الاشارة الاقي امة لا اله الا الله تفرط ضحك .. واحد الله يسهل عليه دمه خفيف قالي عندك فرامل ؟؟ ههههههههههه ... قلتله لا اديني شوية ..
المهم طلعت في صامولة صغيرة طاحت من مكانها هيا السبب .. و انحلت .
اخر مشكلة مرت عليا هيا انه .. الرانج بعد مشوار لمدة 15 دقيقة بالظبط الفرامل تمسك على الهوبات .. و الرجال الي يخلي الرانج يتحرك تاني .. طبعا اذا ضغط عليها و مشيته .. بعد شوية تحصل الفرامل تطلع دخان ( برن أوت هاهاها)
المهم اروح بني مالك و اسمع انواع التأليف ... بعد ما طيرت حوالي 600 ريال على الفاضي .. قطع و لعب في السيارة .. واحد يماني قالي ما يبغالها غير وزن بسييييييط لضغط الهوا حج الفرامل .. ( ها هاااااي يا فرحتي)
المهم مشي حالها و الحمد لله له دحين حوالي 3 شهور بدون اي مشاكل .. ربنا يجعلها اخر المشاكل .. طبعا هتقولولي بيعه .. هقولكم حاولت و جاني في 1000 ريال .. قلت و الله لاخليه و خلينا نشوف .. يا انا يا سيارات جدة.
واحد من اصحابي قالي حرام علييييييييييك .. طيب صلحها .. اقولكم الوحيد الي يقدر يصلحها هوا اكزبت ( صاحب البرنامج المشهور حج السيارات) خخخخخخخخخ
المهم انا مبسوط فيه مرررررررررررة .. و منا ناوي اغير غير الى رانجلر 2007 او ارمادا
ادعولي يا شبيبة.. سوري طولت عليكو مرررررررة .. بس انشاء الله تكون عجبتكو الحكاية
توتة توتة فرغت الحدوتة
