معقوووووووولة ياشباب الأكسبديشن 2009 ينقص زيت ؟؟؟ وش الحل ؟؟

[أبو غلا2009]

معي أكسبديشن 2009 يوم مشى 4500 كيلو قلت خلني أشوف الزيت ولقيته ناقص نص علبة أو أكثر شوي والوكالة تقول تعال نغير الزيت على 8000 كيلو !!! لو انتظر الى 8000 كيلو ما يبقى فيه شي هههههههه
شكلي تورطت فيه

هل هذا عيب ؟؟ أو كلها تنقص السيارات الجديدة ؟؟

[hathoof]

اولا اخوي كانك انت اللي من قبل كم يوم طلعت الموتر اذا ماني غلطان

ثانيا ما شاء الله انه وصل بهالسرعة لهالمسافة اذا كنت انت اللي في بالي....

اما عن النقطة فمادري عن الفورد لكن التاهو عندنا مثلا الوكالة تقول غير الزيت على 10 الاف كيلو

اظن اذا انت تدعس عليه كثير ياكل زيت حسب ظني

ان شاء الله الاخوان يفيدونك في الفورد

الله يهينك فيه اخوي

تحياتي،،،

[ِِAseer]

اتوقع المشكلة من الزيت نفسه

اللي هو كاسترول

واعتقد الوكالة معتمدته عندها في الصيانة

[الوقدان]

شيء طبيعي ان المكينة تنقص زيت بمعدل معقول ..
لأن حرارة المحرك الداخلية عاااااااااااااااالية بشكل خيالي..وبالتالي تتعرض نسبة من الزيت للتبخر خاصة اذا كان خفيف والمكينة كبيرة 8 سلندر..
نفس الشيء في اكثر من سيارة..
شخصيا..جربتها في ونيت مازدا بي تي 50..ينقص نص علبة كل 5000 كيلو من يوم كان بالوكالة..والآن السيارة ماشية 149000 كيلو بدون مشاكل ما شاء الله..
اذا كانت الشغلة هذي مسببة لك عقدة فغير الزيت الى كاسترول ثقيل وشوف الفرق..
او انصحك بزيت فورد الخاص بسيارات فورد ومازدا واسمه موتور كرافت..ما راح تلقاه الا بالوكالة فقط..
يعيش بشكل مو طبيعي ما شاء الله..ويكمل عندي بالمازدا 6000 كيلو بدون ما ينقص او يتغير لونه بشكل كبير..
فلا توسوس من المشكلة..وكمزيد من الاطمئنان استشر الوكالة وشوف ايش يقولون لك..
وحط في بالك انه ممكن يكون ناقص من يوم طلعته من الوكالة..
لكني اعتبره نقص طبيعي..
بالتوفيق..

[عزيز قوم]

شي طبيعي في كل مكينه ينقص زيتها بعد المشي بفتره في كل مكينه يوجد شي يسمى لي التبخير
وما دام الزيت بين الحدين الي تكون مخططه فالوضع عندك سليم حتى لو لو نزل تحت FULL اهم شي ما ينزل تحت LOW


ما دام مستوى الزيت بين FULL و LOW فهو تمام


هنا مضبوط جدا



وهنا ناقص يجب زيادته او تغيره

الزيت الثقيل تبخره بطيه لكن يؤثر على طرمبه الزيت

[بلاك كفي]

أول ماغيرت الزيت عايرته ولا دقيت سلف ومشيت ؟
غيرت الزيت مع او بدون سيفون ؟
احتمال اللي غيرلك الزيت ماضبط قياسه
ع العموم لاتتعدى مركز قلف اللي بالشارع الاول بالدمام ارخص من الوكاله وشغلهم اوكيه ولا مواعيد ولاخربطه اذا كمل 5000 الاف غير الزيت وقبل لاتستلم السياره عايره اذا مضبوط امش على الموتر 5000 الآف وعايره اذا نقص راجع الوكيل

[+KoRn]

كل مراكز زيت قلف تحولت الى بترومين اكسبرس في الرياض

اشتري علبة زيت وزيد الناقص ومافي ضرر وبلتوفيق

[أبو غلا2009]

يعطيكم العافية جميعآ

الزيت اللي فيه هو زيت الوكالة باقي ما غيرته لأن الوكالة تقول لا تغيره الا اذا وصل 8000 كيلو
انا عايرت الزيت في الصباح بعد وقوفه لأكثر من 10 ساعات ولقيته ناقص
المشكلة اول ثلاثه الآف كيلو ما تعديت في السرعة 100 أو 110 بالكثير يعني ما هناك سرعة كبيرة عشان يتبخر الزيت وبعدها مشيت على السيارة 140 و 160

يعطيكم العافية

سؤااااااااااااااال؟
هل التاهو 2009 ينقص زيته ؟؟؟؟؟