قناة السيارات
مدري كيف أبدأ معاناتي
شريت سيارة يوكون 2009 ومن أول ماسقتها كان بها هزه خفيفة في الدركسيون اذا تعديت الـ 80
فحصت الالف وقلت لهم عنه قال لي الفني روح لخدمة السيارات في الدائري الشمالي مخرج 5
قلت مو مشكلة أخليها اذا جيت بفحص الـ 5 الاف
لكن بعد مامشت السيارة 3 الآف بديت أسمع صوت خبطه قوية في القير اذا بيغير من الاول للثاني او بيرجع من الثالث للثاني بعد فترة زاد الصوت وكانت ماشية تقريبا 3600
وديتها للوكالة وقلت لهم على المشكلتين الهزه والخبط القوية
وكان يوم الثلاثاء الماضي .....قال لي تعال السبت وان شاء الله كل شي بيكون مضبوط
جيتهم يوم السبت ( يعني 5 أيام بدون سيارة ) والسيارة لقيتها واقفه ويقولون كل شي تمام استلم سيارتك وللأسف كانت الساعه 4 يعني باقي نصف ساعة ويقفلون
طبعا السيارة كانت مغبرة وتحتاج لغسيل شفت عندهم غسيل مجاني والمكان مافيه الا سيارة وحده قلت ياولد أستغل الفرصة وغسلها
طلعت لواحد من اصدقاي لمدة نصف ساعة ورجعت لهم لقيت السيارة راشينها ماء فقط ومسح خرابيط يعني وسخوا السيارة بس .....مو هذا المهم
لما طلعت اجربها لقيت الخبطه صارت أقوى والسيارة فيها تقطيع !!!!
وبالنسبة للهزة عطوني ورقة عشان أفحص الكفرات عند الراشد وكيل الكفرات ويمكن يغيرها لي بجديده
والله قهر شلون 5 ايام وبالأخير ماصلحو شي أبدا ؟؟؟؟
وما ادري المشكلة كبيرة ولا بسيطه
والله شي يرفع الضغط ...خايف اوديها لهم ويقولن بتجلس اسبوع ثاني وبكذا بتكون السيارة جلست عندهم أكثر مما جلست عندي
ممكن أحد مرت عليه نفس المشكلة يفيدني
وهل اذا اتصلت على الوكيل في دبي بيفيدوني على الاقل يجبرون الوكالة انها تصلح السيارة بسرعه ...خلال يومين على الاكثر لأني أعتبر ماسك سرا من الاسبوع اللي قبله والسيارة طلعت ساعات فقط..
على فكرة قابلت واحد معه كابرس 2009 يقول والله العظيم ثلاث مرات أغير خرطوش تبريد القير( ماني متأكد بس يقول خرطوش ) وكل مره ألقى فيه تهريب
وانا بعد ماشفت سيارتي قلت أكيد انهم يدخلون السيارات ولا يشتغلون فيها بس يوقفونها وبعد ايام تعال خذها بدون فايده
حسبي الله ونعم الوكيل
رد مع اقتباس
المشاركة الأصلية كتبت بواسطة Magellan
