سيارتي يوكون 2009 وفيها صوت خبط بالقير

ياليت تعلمني موترك دفع رباعي ولا خلفي

السلام عليكم اخوي انا معي سييرا 2009 نفس قير اليوكن ونفس المكينه ونفس الدفرنس

مافيه اي مشاكل

ومتاكد مليون فالميه ان استعمالي اشد من استعمالك بكثير

انا ماخليت بر مارحت له وماخليت طعس مارقيته وموتري 2009 توه مكمل 20 الف رحت فيه رمل وحجر وطين وحتى سباقات سابقت عليه ولا فيه ولا مشكله ولله الحمد والمنه

اذا فيه مشكله بسيارتك فاتوقع انها من الكونترولر حق القير الي هو
TCM

Transmission Control Module

يبيله برمجه واتوقع الكمبيوتر منقص ضغط الزيت او رافعه فوق الحد المضبوط بسبب شي فالحساسات

اذا انت موجود فالرياض اقدر اشوف لك المشكله باذن الله اعلمك من وين طلعت ان اصبت فمن الله ان اخطأت فمن نفسي

سلام عليكم اخوي ترا اليوكون هذي الطقه فيه حتى سيارت اخوي اذا رد القير من 3 ل2 او من 2 1 المهم راح وكاله قالو طبيعي وراح ورشه متصخصص فني صح قال الله يصلحك موترك مافيه شي

هذا نصب الوكالة ولد عمي كان معه كابرس 2004 وفي صيانة 40 ألف راح للوكالة من ضمن الأشياء اللي يغيرونها الزيت ودفع قيمة الصيانة وعاد تعرفون أسعار الصيانة نار ولما أستلمها شيك على الزيت طلع ما غيروه نفس الأول ولزوجته تختلف عن الجديد ودخل على المدير وقال برفع شكوى قال له المدير تكفى لا ترفع شكوى حنا بنسوية لك ونعطيك سيارة تمشي وضعك لبكرة قال خلاص بس قيمة الصيانة ترجعونها لي ولا بروح أرفع شكوى وأعطوه فلاوسه يعني بدقة الخشوم زبطوها ببلاش

تحياتي

أخوي راجع موضوعي رجه - اهتزاز في اليوكن 2009 في قائمة مواضيعي للفائده ..
يمكن تكون مشكلتك غير .. بس قلت يمكن هالمعلومه تفيدك ..
المشكله ان سيارتك انلعب فيها لكن انشاء لله تضبط امورك ويزين موترك ..

جاني احباط من الموضوع

الكفرات تلقاها منتهيه وراجع تاريخ التصنيع انا متاكد تلقه تاريخ 2004
لان انا صارلي نفس المشكله مع الرجه والكفرات وراحت الراشد قل كفراتك منتهيه
وان سيارتي جديده وغيرتهاالسياره 2008 والكفرات 2004
المهم غيرتها

الزبده الكلام اشتك ولا عليك منهم عن طريق الاميل لشركه الام وعند طريق دبي والله لاتجيب نتيجه انا اخوي مجرب الطريقه هذااا مع وكيل دوج وشروكي

اخي العزيز انا حصلت معاي بالسيارة هونداي سنتافي موديل 2004 وكان الخلل في حساس صغير بالجير ما يكلف بس يمكن يعمل مصيبة للواحد بعض الاحيان تكون مسرع ويرجع التعشيقة الى رقم واحد والله يبعد الشر عنك وعنا
وتقبل مروري

الأخ صاحب المشكلة

أنا عندي يوكن SLT دفع رباعي 2009 وحسيت بالرجه من أول ما طلعت من باب الوكاله بس قلت لا توسوس انت ما بعد تتعود على السيارة حتى ، لكن بعدها باسبوع رجعت للوكاله وبدلو لي الكفرات بكفرات جديدة من قود يير ، مشكلة رجة الكفرات راحت ولله الحمد لكن في رجه ثانيه تبان عندي أثناء تبديلات القير وخصوصاً على الممشى الهاديء ، وأحس ان القير مو عارف يبدل على أي نمره ولازم أعطيه دعسه جامده حتى يتسنع ، أما إذا وزنت دعستي وخليت ممشاي سريع نوعاً ما ما أحس بالمشكله بتاتاً.

أنا بصراحة شاك ان عندي مشكله بالقير بس ما ودي أدخل الموتر الوكاله إلا متأكد خشية انهم يلعبون فيه وهو مافيه مشكله أصلاً وتطلع السالفه سالفة وزن رجلي على الدعسه والتعود لا أقل ولا أكثر ، شتشور علي أخوي خاصة ان الوسواس بياكل راسي؟!

اعتقد انهم ماغيروا ولاشيء

اللف والدوران في غالب الوكالات

الهزة صارت لي في الفورد والوكالة غيرت الكفرات وانتهت المشكلة

القير 6 سرعات ليس جديد فهو موجود فى دناللى والكدلك ولكن عيوب الامريكى كثيره ونسبه معتبره من المكائن والقيور فى كل الموديلات فيها مشكل فى الغالب القطع سيئة الصنع

اللهم لك الحمد على انتهاء المشكله

واختم واقول والله ان سعر الامريكى لا يساوى الهم والفتنه التى تأتى معها ....سعر هذه السيارات اقل بكثير من ما ندفع ....حسافه يكون شريت يابانى ولو كورولا!!

الحمد لله على كل حال ونسأل الله ان يغفر لنا ذنوبنا فقد يكون شراء الامريكى ذنب والعياذ بالله ...نسأل الله ان يلطف بنا وان يتجاوز عنا وان يبارك لنا

السلام عليكم ...

أخي العزيز ،،،،

حالتك صارت معي ومع واحد زميلي

بالنسبة للكفرات مفروض من أول يوم استلمت السيارة ، على طول راجعت الوكالة ( قسم التجهيز ) ، وكانوا أكيد بيعطونك كفرات جديدة ( كما حصل معي ) لأن الكفرات تخرب دعستها مع طول الوقوف عليها وعلى نفس الجهه ، يعني السيارة توقف فترة هناك في أمريكا وتوقف شهر في الباخرة ، وعند الوكالة شهر في الميناء .

أما بالنسبة للجير ، فهذي المشكلة موجودة في الـ GMC من موديل 2007 وغير موجودة في شيفرولية ( تاهو / سوبربان)

وفعلاً لوتعرف أحد مهندسين الوكالة ، إذا حب يقولك

بتلقى إنهم صارت عندهم حالات أعطال في الجير وخصوصاً
الـ GMC ما أدري ليه ، وكانوا يوقفوا السيارة عندهم اسبوعين
أقل شي ويجيبوا القطعة اللي فيها العطل من الامارات ( دبي ) ، لأنه المستودع المركزي لجنرال موترز هناك .

وأنا شخصياً أعرف واحد صارت معاه الحالة هذي .



الجير هذا عيب في الـ GMC ( يوكن / يوكن XL )


وما أقول غير الله يعينك ، ولا تسكت على موضوعك ، ونصيحة

لا تسمع كلام الموظفين الصغار لأنهم بيصرفونك وبس

روح للمسؤلين الكبار في الوكالة ، واشرحلهم الحالة علشان يوصوا عليك موظفينهم الملاحيس



تحياتي

ورب البيت لو اني زيك لخذ فلوسي *******


وربي لاخذ جديد ماشي كيلو وين يبو يبي لك قلب جامد وملعنه قل خلاص مبيه

بس الحمد لله انحلت مشكلتك ورضيت بالاصلاح

مودتيـ .......... والمعذره على الكلام بس من القهر وربي

والله خايف أنهم ما بدلوا لك القير ،،، وحتى لو شلون تقبل إنت تستلم سيارة موديل السنة مفكوكة ومغير القير مالها صراحة إنت غلطان كان المفروض تصر على أستبدال السيارة،، أنا صارت هالسالفة مع أخوى بس كانت الحرارة ترتفع قالوا بنحط مروحة إضافية،،، خلاهم يركبونها وبعدين طلب تبديل السيارة قال لهم أنا شاري سيارة جديدة مو مستعملة عشان أقعد أصلح فيها وطالما هالسيارة ملعوب فيها أنا ما أبيها وغيروها لع بسيارة جديدة ...

الحمد لله انهم غيرو لك القير بواحد جديد المشكله انها موديل 2009

والله من بداية قرائتي للموضوع حسيت ان فيه مشكله للقير

انا تعقدت من شي اسمه قير خصوصا بالسيارات الامريكيه

قبل شهر عندنا كراون فكتوريا 99 غيرنا القير مرتين مستعمل وكل واحد تطلع فيه مشكله اما رجه مع الدعسه الثانيه او تهريب ونتعه مع التبديل واخر شي غيرنا القير جديد ب 4500 مع الرجيع من واحد اعرفه يجيب قطع من امريكا والقير بالوكاله سعره 10 الاف ريال

خذها قاعدهـ خبط بالقير او نتع او تهريب زيت او رجه مع الدعسه الثانيه اعرف ان فيه مشكله بنفس القير حتى الرجه اللي كانت عندك اتوقع انها من عامود الجيربكس

والحمد لله ان مشكلتك انحلت

لكن الي يرفع الضغط معاملة الوكاله وهم عارفين انه القير لكن يصرفووون
والشي الثاني موديل السيارهـ جديد 2009 وتطلع مشكله مثل هذي

ومازالت السيارات الامريكيه تعاني من مشاكل مصنعيه

كان الله في عونك ياخوي والله يعوضك خير

اا تبي حقك لا زم تتعب ويبيلك تنشب لهم

يبدو لي انه وكلاء السيارات الامريكيه ملوا من كثر خرابات سياراتهم