روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


صفحة 4 من 75 الأولىالأولى ... 2 3 4 5 6 14 54 ... الأخيرةالأخيرة
النتائج 25 إلى 32 من 593
Like Tree13اعجابات

الموضوع: هل تعطلت سيارتك وصلحتها بنفسك أو بأقل الخساير (شاركنا بتجربتك )

  1. #25
    صالح الحيمود/مدير عام المنتدى الصورة الرمزية salehhd
    تاريخ التسجيل
    21-02-2005
    الدولة
    الدمام
    العمر
    49
    المشاركات
    28,237
    معدل تقييم المستوى
    100

    Re: اعطال سيارات الاعضاء واصلاحها



    السلام عليكم

    مرحباً بكم اخواني الاعزاء ويشرفني مروركم

    بالنسبة للكمبرس اعقد ان هناك خلل لديك في الاتمايك الخاص به والذي يقوم بوزن مقياس حرارة المقصورة
    انصحك بمراجعة الوكالة او احد فنيي التكييف وان شاء الله تحل المشكلة
    وياليت تخربنا كيف انحلت المشكلة وشكراً

    اخوكم صالح



  2. #26
    عميد المشرفين الفنيين الصورة الرمزية فني سيارات
    تاريخ التسجيل
    30-10-2003
    الدولة
    قطر
    المشاركات
    13,053
    معدل تقييم المستوى
    157

    رد: اعطال سيارات الاعضاء واصلاحها

    ارجوا عدم الخلط بين طرح موضوع مشكله صادفتك ووضع حل لها
    وبين استفسارات في هذا الموضوع لان الاستفسارات و المشاكل الميكانيكية في منتدى الورشة بشكل مستقل
    وليست في هذا الموضوع و ارجوا من الاجميع الاتزام بذلك

  3. #27
    عضو
    تاريخ التسجيل
    09-05-2005
    العمر
    50
    المشاركات
    134
    معدل تقييم المستوى
    39

    رد: اعطال سيارات الاعضاء واصلاحها

    السلام عليكم ورحمة الله وبركاته
    هذا الموضوع سبق وان نشرته في قسم ( ورشة السيارات ) ولكن نبهت انه من الافضل ان يكون هنا .
    في يوم من الايام كان السويتش لسيارتي كابريس موديل 2000 فيه مشكلة وهي عدم تشغيل السيارة ( مفروط ) ويترك السويتش مفتوح حتى بعد تطليع المفتاح واحترت ان اترك السويتش مفتوح لانه بيخلص على بطارية السيارة قمت بعمل حركة اسميها بصراحه ( غباء مؤقت ) قمت بفتح الكبوت وقفلت السيارة مرتين اي تشغيل الخمول او التامين ( اذا ضغطت على الريموت مرتين متتالية للتقفيل ) المهم . رحت بعدها مباشرتا وفصلت اصبع البطارية وبعدها قفلت الكبوت .
    جيت افتح الباب بالمفتاح فلم يفتح معي الباب لاني مأمنه بالريموت والكبوت مقفول ! كيف افتح الكبووووووووووووت وكيف اشبك البطارية علشان يشتغل الريموت ؟

    1. سالت اكثر من كهربائي قالوا ما معك الا كسر اي قزازة من قزاز السيارة ومن ثم يفتح الكبوت من الداخل لتغيير البطارية . جيت باكسر المثلث سعرة ( 700 ) ريال قلت لا . جيت ابغى اكسر قزاز السائق لقيت القزاز ب( 600 ) ريال بالطبع كلها وكالة .
    واخيرا فكرت اكسر قزاز الراكب واركّب تجاري ب ( 250 ) ريال . المهم نويت على الكسر حاولت والله يا اخوان بكل ما استطعت لكي اكسر قزاز الراكب ما انكسرت وكنت اضرب القزاز بماسورة بصراحة استحيت من الجيران الساعة 1 ليلا واكيد بيقولوا جارنا اكيد .......رايح فيها . المهم تركت القزاز الى الصباح ورحت لمحل قزازين وبغيت المشرط علشان يكسر القزاز قال لي القزاز يا اخي روح للكهربائي اللي بجنبنا قلت يالله توكلنا على الله رحت للكهربائي ( باكستاني ) قلت له القصة . قال افتح لك السيارة في عشر ثوان قلت بكم قال 100 ريال المهم اخذته الى البيت وعمل الاتي
    ارجوا الاستفادة يا اصحاب الكابرسات .
    1. بطارية سيارة .
    2. سلكين بطول 3 متر
    3. عفريته .
    الطريقة رفع السيارة من جهة الراكب وشبك الاسلاك في البطارية اللي جابها معه ودخل تحت السيارة فشبك سلك بالسلف وسلك بالبودي وقال لي اضغط زر الريموت وفي لحظه يا اخوان فتحت ازارير السيارة بدون كسر اي قزاز علما بان القزازة اللي حاولت كسرها ما زالت مخدّشة الى تاريخه . ولم تاخذ منه العمليه اكثر من 10 ثوان .
    حبيت اطرح هذه الطريقة لكم لكي تاخذوا حذركم وليس كل من قال اكسر القزاز كسرته .

    الملخص : اشبك سلكين في اي بطارية خارجية وارفع السيارة بعفريته لان السيارة نازلة ما تستطيع الدخول تحتها وبعد ذلك قم بشبك سلك في السلف وسلك في البودي . بالطبع هذه الطريقة ايضا للسيارة اللي خلصت بطاريتها وقد امن السيارة بزر الخمول .

  4. #28
    صالح الحيمود/مدير عام المنتدى الصورة الرمزية salehhd
    تاريخ التسجيل
    21-02-2005
    الدولة
    الدمام
    العمر
    49
    المشاركات
    28,237
    معدل تقييم المستوى
    100

    رد: اعطال سيارات الاعضاء واصلاحها

    السلام عليكم

    اهلا بك اخي البناوي واشكرك على مشاركتك الرائعة وهذه الفائدة

    مشكلة حصلت قبل فترة في سيارتيالسابقة للكزس موديل 2003 السيارة رحت مع ا لاهل محل في السوق وطفيت السيارة
    رجعت وحاولت تشغيل السيارة مارضت تشتغل والسلف ضعيف لاكن البوري والنور تمام

    كلمت احد الزملاء ووديت الاهل البيت ولما رجعت حاولت فيها مرة ثاينة الا واحد من الاخوان الله يجزاه خير شافنا وجا ومعاه قاروة ماء وقالي انتو تشربون ماء وتنسون تشربون سياراتكم

    وصب شوي ماء داخل البطارية اشتغلت على طول

    فائدة :

    البطاريات العادية اليابانية تحتاج الى صيانة دائمة وفحص للماء بين فترة واخرى

    فائدة اخرى :
    السيارات الجديدة بطارياتها عليها ضمان من الوكالة لاول سنة والوكيل يتحمل نصف قيمة البطارية بعد السنة الاولي لمدة سنة اخرى بمعنى اول سنة تغيير كامل ثاني سنة نصف القيمة

  5. #29
    مستشار إداري و مؤسس رابطة عشاق السوبارو الصورة الرمزية $المهندس$
    تاريخ التسجيل
    03-03-2005
    الدولة
    الكـــــــــــــــــــــــــــويت
    العمر
    39
    المشاركات
    4,659
    معدل تقييم المستوى
    126

    رد: اعطال سيارات الاعضاء واصلاحها

    السلام عليكم


    و هذا موضوع صارلي عشان salehhd ,,,,



    المهم يوم من الايام قاعدين بلورشه و جا واحد قال سيارتي تقطع و ترجف عن الوضع علي N


    و كلعاده تصفيه فلتر و ما اعرف ايش ...


    المهم صفيناها و كلع البواجي وصخين و حالتها حاله ...



    المهم شغلنه السياره و لله السياره تقطع و تقطع صارت اصفي بس فيها رجفه ؟؟؟


    انا ويه المكانيكي يعني انصدمني اشلون و الرجال الحين راح يذبحني


    الرجال قاط فلوس علي شان تتصلح بس ما ضبط ...



    جان يجي شايب منتهي جا و دش علينا و قال ممكن تسون السياره فيها كيت وكيت


    المهم انا مالي شغل فيه هههههه قاعد اعابل بسياره قبل لا يجي الرجال ...


    وله جاء الشايب قال اشفيها قلناله السالفه و شنو بدلنه ...


    قال تبون الحل قلنا له علي ايدك ..


    قال شيلو الحديده الي علي الوايرات مثل الي بصوره




    طبعاً هذي حق الومينا حقتي ...


    المهم شلناهم كلهم و ركبنه الوايرات و دقيناه سلف و طلع الموضوع



    و انا تعجبت من الشايب طلع مو هين مره ههههههههههه


    و اكتشفت في الاخير انه بعد مرور وقت علي السياره راح تتلاشي العازل و الحديد يسرب كهرباء و تضعف القوه .



    و ارجو اني افدتكم

  6. #30
    صالح الحيمود/مدير عام المنتدى الصورة الرمزية salehhd
    تاريخ التسجيل
    21-02-2005
    الدولة
    الدمام
    العمر
    49
    المشاركات
    28,237
    معدل تقييم المستوى
    100

    رد: اعطال سيارات الاعضاء واصلاحها

    السلام عليكم

    حياك الله اخي المهندس واشكرك على طرح تجربتك

    وصحيح بعض الاقات اشياء بسيطة تتسبب في مشاكل كثيرة

  7. #31
    عضو جديد
    تاريخ التسجيل
    29-01-2006
    العمر
    44
    المشاركات
    7
    معدل تقييم المستوى
    0

    رد: اعطال سيارات الاعضاء واصلاحها

    معليش يالمهندس عندي تفتفه بسيارتي وماخليت شي ماجربته

    لو تشرح لي بالبسيط وش هي ..الوايرات بالضبط اللي يبي لها تغيير

    (((قال شيلو الحديده الي علي الوايرات مثل الي بصوره ))))

  8. #32
    مستشار إداري و مؤسس رابطة عشاق السوبارو الصورة الرمزية $المهندس$
    تاريخ التسجيل
    03-03-2005
    الدولة
    الكـــــــــــــــــــــــــــويت
    العمر
    39
    المشاركات
    4,659
    معدل تقييم المستوى
    126

    رد: اعطال سيارات الاعضاء واصلاحها

    الواير الي مرتبط في البواجي


    سلك البواجي شيل الحديده طبعاً كلهم وشوف شنو راح يصير و الله كريم


    و حاظرين لك مشرفنه

X