رابطه عشاق ملاك شفروليه ماليبو (( Malibu ))

[هدير المحركات]

صحيح الجلنط لو كان يسار القير يكون افضل .. وتقريباً ياخذ له 3 ثوان عشان يشد او يفك
واكبر عيب بالسيارة الصراحة البودي ضعيف .. البودي وليس الشاصي .. شاصي السيارة قوي جداً وهو اللي مثقل السيارة لكن البودي " الصدامات والرفارف والابواب " ضعيفة نوعاً ما وتنعفط بسهولة

بالنسبة للعزل اكثر من ممتاز وجربت السيارة لين 200 مع اني ما أحب السرعة اطلاقاً بس جاني فضول أشوف أداء السيارة وقوتها
ما شاء الله رساوة وعزل وثبات عجيب الصراحة
والله مافرقتها عن التاهو من ناحية الرساوة اما العزل الماليبو احسن بمراحل

الصراحة انا استغربت يوم فتحت الكبوت ولقيت المكينة direct injection
اللي اعرفه الحقن المباشر يحتاج بانزين 98 عشان يشتغل !

الحقن المباشر اذكر جيب سوزو كان بهالميزة ، لكن يبدو أن بنزين 95 يفي بالغرض ربما !!

[هدير المحركات]

خذ 6 احسن لك الفرق بسيط والمكينه تكون مرتاحه وعزم حلو في الخطوط

كلام 100٪

انا جربت ال 4 سلندر داخل الديرة ممتاز

بس بالسفر عزمة تعبان شوي

[هدير المحركات]

بطرح تجربتي للماليبو 2013 4 سلندر

اخذتها آجار كان عدادها 2000 كيلو تقريبا

مشيت عليها 2300 كيلو سفر ، مدة الآجار اسبوع



العيوب :

1- الجلنط الالكتروني مااعجبني لثلاث أسباب :
الاول : مكانه بعيد عن اليد
الثاني: بطيء وغير عملي عند الشد والفك ، أقصد بطيء في عمله مقارنة بجلنط اليد
الثالث : الجلنط الكتروني ويعتمد على محرك كهربائي ، ولو تعطل راح أتغربل ، أو لو علق ومافك مثلا ؟

2- الشنطة ماتفتح يدوي ( لست متاكد) بحثت مالقيت غير زر الكتروني بنفس الشنطه ، بمعنى لو البطارية خلصت ماراح تقدر تفتح الشنطه ؟ ياليت يأكدون لنا الشباب هالسالفة

3- ال4 سلندر غير مناسب لي شخصيا ، صحيح قوي ونشيط بالقومة ، لكن بالخطوط رفع ضغطي ، خصوصا أني أغلب سرعتي مابين 150 و 170 ، والسيارة تماتيك 6 غيارات
الحاصل إني واجهت عواصف هوائية والسيارة كل الخط تمشي على ال5 وبعدين تعشق ال 6 لحظات بسيطة ، بعدين ترجع للخامس مرة أخرى فترة طويلة والار بي ام عااااالي ومزعج !!!

مع العلم أن السيارة ماتتعدى 210 بالغالب ، أنا ماأنصح بالسرعة لكن عشان أوريكم أن ال6 سلندر جبار وممتع ومريح للسيارة بالخطوط

4 - العيب الرابع ماراح اعتبره عيب الا للأشخاص اللي طول عمره متعود على مكيف الياباني
مكيف الماليبو جيد جدا ، لكن مايقارن بالياباني زي الكرولا اللي معي او مكيفات المتسوبيشي هذا للتوضيح فقط




المميزات :

1- صرفية ال4 سلندر حلوة داخل المدينة

2- العزل جبااااااار ، بدون مبالغة السيارة مابين 140 حتى وصولا ل 170 مانتبهت ، الا يوم وصلت
180 بديت احس اني مسرع ههههههههه

وانا لاحظت ان الباب العزل حقة مدبل ربل مع مادة زي المخمل

وبالنهاية السيارة تستاهل تحطها من ضمن الخيارات ، مع ملاحظة ضرورة السؤال عن قطع الغيار

تم نشر الرد مرة أخرى للفائدة

[raoi1]

صح انا قبل الـ 5 الاف كانت فيها شوي مشاكل
مثل رجفة وقساوة بالمطبات وغيرها .. بس من عديت ال 5 الاف راحت كل المشاكل لحالها . .
انتظر عليها ولا اتوسوس واجد واتلاحظ ..
كل المشاكل بعد ال 5000 تتعدل واتروح ..

بالتمااام
سافرت عليها اليوم وانا راجع للرياض من جدة للرياض
الان ممشى الموتر 6 الاف
متعة القيادة راحة ورساوة
امشي 170 كأني امشي 110
والوكاد اشوف السيارات البعيده اشطفها بثواني
واذا ضاق الخط والشاحنة محمله بجنبك امر بجنبها والسيارة ثابته وراحة
فرق جداً عما كانت القيادة قبل 5 الاف كيلو
احتمال لانها جديدة وكذا
وبعد 5 الاف متعة القيادة اثناء السفر والراحه ماشاء الله

[abo_jode]

دخلت السياره 5 الالف ولا ??????

نعم دخلتها يالغالي.. الفني اقتنع بعد لما قلت له عن عداد الزيت ظاهر عندي انه ما راح يكمل للعشرة ابد

[raoi1]

نعم دخلتها يالغالي.. الفني اقتنع بعد لما قلت له عن عداد الزيت ظاهر عندي انه ما راح يكمل للعشرة ابد

اذا عيار الزيت تشوفه مايكمل للعشرة كيلو

مالك الا انك تروح للصيانه ويغيرونه لك حتى لو ماكملت 10 كيلو يسوون لك اسثناء

[mo7areb]

لي ملاحظه على مسمى الرابطة <<< من أولها

المسمى كالآتي ( رابطه عشاق ملاك شفروليه ماليبو (( Malibu )) )
ملاحظتي كالآتي : حذف كلمة عشاق أو إضافة حرف العطف ( الواو )
يعني المسمى يكون
1/ رابطه ملاك شفروليه ماليبو (( Malibu ))
أو
2/ رابطه عشاق و ملاك شفروليه ماليبو (( Malibu ))

أتفق معك تماماً وكانت عندي الملاحظة من قبل
هذا المسمى معناه : أننا عشاق لملاك الماليبو
وليس للماليبو نفسها

[mo7areb]

سؤال أيها الأحبة :

هل يوجد صيانة للجميح في مكة ؟