هل درجة الهوا في الكفر الي بالصورة تخليه ينفصخ؟
وايش الكفر الي ينفصح أكثر؟ الأمامي او الخلفي؟
مع العلم ان الكفر بالصورة على درجة 10!
هل درجة الهوا في الكفر الي بالصورة تخليه ينفصخ؟
وايش الكفر الي ينفصح أكثر؟ الأمامي او الخلفي؟
مع العلم ان الكفر بالصورة على درجة 10!
في ارض مستوية ماتقدر تحكم فهنا اقول كانه مانزل واجد لكن لماتمشي بالبر وتطعس بشكل مائل أو تسايف به مرونة الكفر راح تكون مختلفة في سطحه فالضغط بيختلف بين اليمين واليسار بنفس الكفر الواحد والضغط من 10 وبالأخص 5 وأقل كافل أن الكفر ينفصخ بسهولة حتى 15 ممكن ينفصخ لان ساعات اثناء التطعيس ينقص هوى الكفر مع الاستخدام القاسي لكن حسب طريقة الاستخدام والقيادة
حقيقة منب متأكد وش الي ينفصخ أكثر لكن حسب طلعاتي القديمة وبعض الحديثة مع قروب مغامري الرياض ملاحظ أكثر شيء ينفصخ الكفر الأمامي لانه هو بالواجهة وهو التوجيه وضغط الموتر بالعادة يكون عليه أكثر من الخلفي ولو ان الوزن بالخلف أكثر بالعادة بالجيوب لكن أثناء التطعيس بنزول وماشابه ممكن الضغط الأكبر يكون على الكفرات الأمامية بسبب التوجيه وبالاخص النزول من قص قوي وتلاحظ أخر شيء انك تجبر تلف الموتر بسبب لو تنزل سيدة راح يضرب الصدام فتضطر تلف تغير الوجهة قبل النزول الحاد فهنا بيكون الضغط كله بالامام