الله يبارك لك في سيارتك ويرزقك ربي افضل منها
لكن انا اسرع بالخط واسابق بالخط وكنت احرج السيارات بدون ذكر اسامي لان فصلتهم لا تتعدى240 مقارنة بالالتيما ولا شى هذه وهي 13 كان فيها مشكلة ضخ الزيت
عيب 2010-2012 في 4 سلندر تسخن وانت تمشي فوق 200 عكس 6 سلندر ماتسخن بنفس الموديل
عيب 2013-2014 في 6 سلندر اهتزاز السيارة بسبب ضخ الزيت
باقي سيارات نيسان CVT مافيها اي ملاحظه
لان النسخ الامريكية من نيسان تجي عن طريق شركة مرخصه من جاتكو وسابقا ذكرت اسمها وهي امريكية جاتكو مستحيل ههههه تصدر جيور من اليابان لامريكا لا ولسيارات 6 سلندر لا تباع في اليابان
باقي سيارات نيسان CVT تصنع خارج امريكا تجي من جيور جاتكو ولا عليها ملاحظات لان محركاتها 4 سلندر
شف للامانة اتكلم وانا منتدب من الرياض الى الوجه وضبا و حقل بسبب ورفضت اروح بطيارة رحت بسيارة لسببين :
1-اختبر السنترا مرة ثانية بطريق جبلي وساحلي ووعرة وراح اكتبها بإذن الله
2-اشوف مناطق المملكة وأتمشى فيها واشوف طبيعة الناس الطيارة بتاخذ ساعة وربع وبعدها ارجع للرياض السيارة ب8 ساعات ونص هذه بس روحه
لقيت بترومين في معظم مناطق المملكة اللي مريت فيها لكن اني اروح لمحافظة الوجه مافيها الا محطة تحلية المياه التابعة لعملي و حرس الحدود ومنشأة الملك فهد البحرية وسكانها قليل اشوف فرع صيانة لعبداللطيف جميل هناك هو الوحيد اللي فاتح في الوجه !!! هذا اليوم السبت بتاريخ 21-10-2017
بصراحة مسكت خل عنك نيسان وارسلت لنيسان بترومين اللي اعرفهم وقلت شوفوا ما الوم محبين تويوتا يشترون تويوتا وهم كارهين سياراتها حتى لو قطعها ماوفرها وتأخر لكن يشفع له فروع الصيانة
بصراحة خطوة قوية من مازدا وشكل الحاج تفرغ لمازدا بعد ما تنازل لشركة بيجو لليمني صار يهتم لمازدا بشكل كبير وهذا الشى فعلا يستحقونه ملاك مازدا لانها من 2010 وهي مكثفة بالسوق
لازم يتعدل الحاج علشان لا تروح عليه مازدا مثل ماراحت منه ماركيز و كيا والان بيجو
ماشاء الله عليك طيب ياخوي دامك بالوجه مرني خلنا نسلم عليك
والله شوف انا مثلك احب امشي بسياره افضل من الطيران مشيت من الوجه لين الرياض بسيارتي وبعدها مشيت من هنا الى الجبيل وحفر الباطن بعد حقيقه صحيح المسافه طويله لكن تستمتع وتشوف الديار وحنا بلدنا ماشاء الله شبه قاره الله يعزها
واتفق معك تويوتا ووكيلها شغالين صح في كل مكان تحصل فرع مبيعات + صيانه + قطع غيار وهم اكثر من تجدهم يهتمون بالعميل
بالنسيه لمازدا الحاج حسين مافيه ماشي عنده الآن الا المازدا وهو وكيل ايضا استون مارتن و بيجو لكن تعرف مبيعاتهم جدا قليله فطبيعي بيهتم بالمازدا لأنها هي الافضل كمبيعات له
بالمناسبه فرع بيترومين لو بغيته تحصله في محطه امام المعهد المهني
ماشاء الله صدفة خير من الف ميعاد
انت من الوجه !!!
ماشاء الله على الوجه نظيفة جدا وخاصة البحر ماشاء الله من اجمل الواجهات اللي شفتها
بس مثل ماقلت ماشفت الا عبداللطيف جميل
أمشى على قوقل ماب
مازدا لي تجربة سابقا لها المحرك مريح وهادي واقتصادي وجميل لكن التوزيع الداخلي يحتاجون الى تطوير
خلاص ماعاد عنده الحاج غير مازدا و جيلي
وجاه الفرج بعد 2010 مازدا CX-9 هي الانطلاقة
اذا سمح وقتك و وقتي قابلتك لاني بكون بمحطة التحلية وانت تعرف كيف وضعها ومنها تجرب اذا سمحت الفرصة CVT ههههههه
.
حياك الله عزيزي وشكراً على المرور
القير في تحسن دائم بالتاكيد وهذا شيء ملحوظ في الموديلات الحديثة
بالنسبة لطلب الاستمارة بالعكس هذا شي لصالح حتى يتأكد من رقم الشاصي وان الزيت او القطعة مناسبة لسيارتك (لاتنسى ان هناك عدة اجيال من السيارة وربما تختلف تركيبة الزيت لكل جيل ) والوضع نفسة لقطع الغيار
يومين بس وبتحفظها لأنها مدينه صغيره وفعلا موجود فيها وجهات بحريه مقصد لكثير من السياح
ويشرفني التواصل معك ومقابلتك ياغالي وبالنسبه لقير CVT قريبا ان شاء الله سيكون هناك تجربه له وراح اعطي انطباعي عنه
بالمناسبه فرع تويوتا عبداللطيف جميل في محافظة ضبا تم اغلاقه بسبب قلة المبيعات الناس بدات تتوجه للخيارات الأخرى