بالنسبة للي تكلموا عن السي في تي في الفولفو في السبعينات كان مبدأ عملها كما هو ادناه
بالنسبة للي تكلموا عن السي في تي في الفولفو في السبعينات كان مبدأ عملها كما هو ادناه
السلام عليكم
موضوع طيب ان شاء الله
بالنسبه لي انا شخصيا .. بصراحه ماقد جربت هالقير من عرفت اسوق هالسيارات ..
كل السيارات الي كنت امتلكها كانت امريكي الصنع .. وبعدها كوري وبعدها نيسان
بالمختصر المفيد ...
الي خلاني اشتري نيسان ماكسيما .. 2017 كثر ماسمع الشعب يقولون القير حق الماكسيما يحتر وفيه حنه بالمكينه ويخرب ومادري ايش .. قلت اطب في النيسان
لاني اثق بالصانع الياباني .. سواء كان فيه مشاكل او لا .. لاني قد شفت التيما 2011 كانت تعاني من قير السي في تي لان المبرد حقها كان صغير.. وركب لها صديق مقرب لي مبرد كبير والان ماشيه 380 الف تقريبا وماعندها اي مشكله .. طبعا الموديلات السابقه كانت فيها مشاكل .. علما اني وقتها ماكنت امتلك اي سياره من نيسان
جربتها في الماكسيما و لاول مره استمتع بهالنظام الممتاز .. جدا مريح في تبديلاته .. واحسه يعطيني افضل عزم من القير العادي نظام التروس .. وايضا لاحظت انه موفر للبنزين بحاجه بسيطه .. قير السي في تي ممتاز .. واذا بتستخدم السياره مثل خلق الله وتحافظ بتعييش معك سواء كان قير تروس ولا سي في تي ولا قير بطيخ ..
اي سياره بتجلدها بتجلد وجهك وجيبك .. حديد الكترونيات كهرباء لازم يخرب .. بني ادم وهو بني ادم اذا ماتحافظ على صحتك الله يعينك .. بتحافظ على نفسك بتعيش سليم باذن الله
فما بالكم بالحديد ..
في النهايه حبيت الماكسيما اكثر عشان هالقير الجميل والله يكتب الي فيه الخير لي ولكم يارب
.
الله يجزاك الف خير ..
والله يالغالي لو سمعنا فلان وعلان .. ماشترينا سياره كان جلسنا على سياكل
الواحد يتوكل على الله .. اما اذا جلس يسمع هذا وهذا الله يعينه على الوسوسه ..
وثانيا الوكيل العيسى معطيني ضمان خمس سنوات كيالو مفتوحه .. وان حصل شي ولا حاجه وديها على الضمان وان شاء الله يصلحونها ..
وحبيت اذكر حاجه .. قبل لا انهي كلامي ..
بالنسبه للحنه الي يتكلمو عنها بعض الشباب .,, تصدقون اني انبسط فيها هههههههه .. اي والله اقولها وانا صادق .. لا مجامله ولا شي .. الفلوس فلوسي والسياره سيارتي .. وانتم فلوسكم عندكم والسيارات الي تمتلكونها عندكم .. يعني ماحد دفع من جيب الاخر شي ...
مره قلت اجرب اعزمها بعد مامشيت في السياره تقريبا 9 الاف كيلو .. وكنت حاط الوضع عادي مو السبورت ..
ودست لها من قلب هههههه نجرب عزم الماكسيما الجديده ..
طااااارت بسم الله ماشاء الله والضغط على 6 تقريبا والعداد حق السياره ناظرت فيه لقيته عن 130 مادري 120 في ثواني ماشاء الله .. قلت يعني لو كان احد جنبي في هذيك اللحظه ماتوقع بيجاريني لانها ماخذه عزما بدون تبديل بعدها ريح القير ..
واحيانا اذا ماشديت عليها واجد اشوفها تبدل عادي .. . بس اتوقع اذا تعطيها ريس جامد يعلق الضغط على 6
قلت بجرب الان نظام السبورت واشوف بدون استخدام التبديل الرياضي الي خلف المقود ,,
ماشاء الله تبارك الله .. تبديلاته سريعه بدون ماتحس ان السياره تاخذ عزمها ثم ترجع مره ثانيه تاخذ عزم مثل قير التروس .. هذا تبديلاته ورى بعض .. يعطيك قوة وسرعه اكثر .. وماتشوف نفسك الى واصل 180 ههههههههه .. لاحول ولا قوة الا بالله .. والله مالي في السرعه
لاني ادري انها هلاك .. بس قلت اجرب هالسياره واجرب نظام القير .. اكتشفت انه جميل ماشاء الله
والله يبارك لنا فيما شرينا وشريتو ..
بالتوفيق للجميع
الله يعطيك خيرها ويكفيك شرها
السيارة اهتم فيها سوائل وفلاتر وتجنب الحفر والمطبات قد ما تقدر
وما يمنع من الدعس بين فترة وفترة
.مع احترامي معلومات الموقع مغلوطة
اولا تكلفة صيانة الcvt اقل من الاوتو التقليدي
الاوتو التقليدي يتغير زيته كل 40 الى 60 الف والcvt كل 80 -100 الف
وسعر التغيير ب600 ريال تقريبا 300 شغل يد في بترومين مع جالون الزيت اخوي شرا علبه الزيت من محلات القطع الغيار حول ال200 ريال وغيره عن البنشري ب30 ريال
ايضا سعر الcvt في الالتيما ارخص من الكامري والمازدا
هذا من موقع امريكي سعر الجير اصلي جديد
https://www.quirkparts.com/oem-parts...bC1sNC1nYXM%3D
2,642.86 دولار واصل الي بيتك يشحن مباشر هذا الموقع
سعر جربوكس المازدا المشهورة برخص قطع الغيار
https://www.quirkparts.com/oem-parts...bC1sNC1nYXM%3D
3,917.45 دولار
الكامري من موقع اخر
https://www.toyotapartsdeal.com/oem/...500-06061.html
3752.52 دولار !!
واكيد قيور ال8 نمر راح يكون سعرها فلكي
ايضا الموقع لم يعطيني سبب علمي لتخبيط القير او اعطاني احصائيةعدد القيور المخبطة
بالمختصر دليل على صحة معلومة ان القير يخبط اسرع من الاوتو القليدي
الموقع الاخر موقع محاماة صح فيه قضايا رفعت على قيور الالتيمات والباثفندر 2013 و2014 الي فيها عيوب تصنيعه فعلا
لكن تم اصلاح الخلل في المودلات التالية من واقع تملك لباثفندر 2015 عندنا في البيت
والمحاماة مهنه رابحة في امريكا من اتفه سبب يطلعون تعويضات
بالنسبة للملل للقير القير يثبت الاربي ام على اقوى نقطة يطلع فيها احصنة
يعني لو شدت النمرة لا قير DSG ولا اوتو وعادي يجاريه في الاداء تابع الفديو
يعني توفير وقود واستجابة افضل وجودة من واقع تجربة واقل فترات صيانة من واقع تجربة
باقي السباكين حقين الورش يتعلمون اصلاحه فقط لاغير ...
هي مواقع وليس موقع واحد المصدر الي جبته ويوم دورت بتلك الفترة ماشفت موقع واحد أمتدح CVT أنه أطول عمر من التماتيك التقليدي, نعم CVT أفضل اقتصاد من التماتيك التقليدي وكثير من المصادر ذكرت أنه أفضل اقتصاد من التماتيك الدبل كلتش مثل الموجود بسيارات فولكسواجن وماشابه ... الخ رغم أن بعض المواقع تقول ان صرفية تماتيك الدبل كلتش افضل من CVT لكن قليلة
وبخصوص تغيير زيت التماتيك التقليدي انا اول مرة اسمع بها من 40 إلى 60 ألف! الحمراني يوم جيت اشتري الباترول قالولي بصيانتهم تغير الزيت من 80 ألف وأقصى شيء 100 ألف ونفس الشيء ون ستوب وكذلك نفس الشغلة عند وكالة هوندا وتويوتا تغيير الزيت عندهم ومعظم المقالات الي بحثت عنها ينصح بتغيير زيت القير التماتيك التقليدي مابين 30 ألف ميل إلى 60 ألف ميل وهو مايقارب 50 ألف كيلو إلى 96 ألف كيلو حتى بعض المواقع ذكرت عادي تمشي عليه 100 ألف ميل! (166 ألف كيلو) لكن لا ينصح به لأن الفترة كافية ان الزيت يفقد يلزوجته ويخرب عليك القير بسبب أن استخدام الناس مو متساوي
وشغلة كويسة موضوع قير الالتيما ارخص من قير المازدا ولو اني ودي بمصادر الاساسية للنيسان والمازدا مثل مصدر تويوتا الي جبته
لكن الحقيقة عندي اضمن قير مازدا يعيش اطول من قير الالتيما بدون مشاكل وان كان فعلا قير الالتيما أرخص والمازدا اغلى فانا استبعد تغييره بالمازدا لكن ما استبعد تغييره بالالتيما وطبعا هذي وجهة نظر شخصية