اقتباس المشاركة الأصلية كتبت بواسطة ARMADA xKINGx مشاهدة المشاركة
أي شيئ جديد الناس بتتخوف منه
مثله مثل الكوري
كذلك الصيني بشكل عام كسيارة او شيئ آخر المتعارف أنه سريع الخراب سيئ الجودة
وقد يكون الكلام خاطئ
بالتوفيق
.هذي النظره للناس السبب الأول فيها تجارنا الكرام
من يتابع الأسواق الصينية يعلم علم اليقين ان الشركات الصينية بكل المنتجات تتدرج بالجودة
تبي جودة مشي حالك موجود ولها سعرها
تبي جودة عالية موجوده ولها سعرها
وذالك لمراعاة حالة الموطان الصيني الا اغلبهم تحت خط الفقر
لكن تجارنا عاد تخبر وش يجيبون عندنا !
فيه حساب بالسناب شات اسمه الأسواق الصينية انصح الجميع بمتابعه
يتجول بالأسواق الصينية ويعرض المنتجات ويذكر اسعارها
على سبيل المثال
السراميك فيه انواع مشي حالك يبدأ سعرها من 4 ريال للمتر وهذا المنتشر في اسواقنا
وانواع افضل قليلا ب 7 ريال للمتر
وانواع افضل قليلا ب 10 ريال للمتر
ونوع عالي الجودة من 14 ريال للمتر وانواع جودة جداا عالية مصنعة من مواد عالية الجودة غير موجودة بالسعودية
محلات الأثاثات نفس الشي فيه محلات اثاث مشي حالك وفيه محلات اثاث جميع منتجاتهم من خشب طبيعي عالي الجودة صاج واللي يقهرك اسعارها جداا رخيصة مقارنة بالسوق المحلي
نفس الشي لمواد البناء والسباكة
دخل محل يبيع ادوات سباكة من نحاس خالص غير مخلوط بأي مواد اخرى والأدهى ان سعره رخيص جداا
عكس الا يجي عندنا انواع رديئة مصنعة من الألمنيوم كلها كم شهر ويبدأ يتهالك
نفس الشي لأكسسورات الجوال
البعض منها يبدأ سعره من هللات حتى لم يصل حتى ريال واحد
والبعض منها على ريالين و 5 ريال لكن خامات محترمة
الا منتشر عندنا بالسوق هو ابو هللات ويبيعه عليك ب 40 و 50 و حتى 80 ويحلف لك ان مكسبه 5 ريال او 3 ريال !!؟
كيابل الجوال يبع عندهم الــ 10 حبات ب اقل من ريال واحد للانواع اللي مشي حالك ويجي عندنا يبيعها بأسعار فلكية 50 و 60 ريال
سماعات الهاتف تبدأ من هللات وتنتهي ب 4 ريال للجودة العالية وعاد احسب كم يبيعها ربعنا
الشي الجميل بالصين مافي غش اللي جودته عالية موضح قدامك وله سعره
واللي جودته مشي حالك موضح قدامك وله سعره ولك الأختيار
الحساب الا ذكرته هو tamer9987