السيارة راح تنزل بمحرك اربعه سلندر 2.0 لتر تيربو بتقنية الضغط المتغير الاول من نوعه في العالم .. قوة المحرك نفس قوة محرك التيما 6 سلندر وهي حوالي 270 حصان واما العزم فأكثر بكثير من الالتيما .. والمحرك يتمتع بمزايا محرك 6 سلند من ناحية مستوى الضجيج والاهتزازات .. لما تسوق السيارة بهذا المحرك كأنك تقود سيارة سته سلندر من كل النواحي
بالنسبة للناقل فلست متأكد من نوعه ولكن انفينيتي قالت انه راح يكون بتقنية التنقيل السلكي والايقاف والتشغيل وهذي مزايا مو موجودة في السي في تي .. علشان كذا الارجح ان الناقل راح يكون 9G-tronic الي عند مرسيدس والي نيسان عندها رخصة تصنيعه وراح تبدي نيسان تصنعه في اليابان اواخر هذي السنة
السيارة راح تكون بتقنية القيادة شبه الذاتية .. يعني بإمكانك تنشغل بجوالك وتترك السيارة تتحرك في الشارع وتبدل مساراتها الى وجهتك دون لزوم تدخلك