السلام عليكم ورحمة الله
هذه بعض الصور التوضيحية للجنوط ولكن لاتغني عن رؤيتها ومقارنة وزنها بالأخرى، أما بخصوص المشترين من خارج الرياض فمن الممكن ان اطمنهم ان البائع ان شاءلله أمين و ذو خلق عالي نحسبه والله حسيبه ولانزكي على الله أحد، واستأذنته بنشر معلوماته وطلبت منه الخصم لإقل من سعر السوق قدر المستطاع ولن يقصر ان شاءلله
معلومات البائع:
إهداء للجميع
وعليكم السلام
مشكور اخوي المبقع على الموضوع والمعلومات
بخصوص كفر الدنلوب فيه عيب وهو انه سريع مسح الدعسة (تتمسح النقشة بسرعة) ولذلك البعض يشتكي بعد فترة من سوء المكابح فيها
جربت كفرات كونتينيتل صناعة امريكية من الوكيل (طبعا جنط 18) ولم ترضني أبدا سيئة وتحفرت نقشتها بوقت قصير جدا! وشاريها الواحد حول 780 ريال
حاليا ناوي اغير قريب ومحتار بين يوكوهاما والبرجستون ولا ادري وش اختار بالاخص ان ماعندي تجربة مسبقة مع اليوكوهاما لكن البرجستون جربته لكن بسيارة غير الباترول وفعلا قاسي جدا لكن يتحمل
والهانكوك مالي رغبه فيه
بخصوص جنوط البلاتينيوم موجود بالغرابي مقاس 18 ومكحلة! وطبعا الي بالغرابي اكاد اجزم لا يوجد وكالة مجرد صيني يا بجودة جيدة او بجودة رديئة وماراح احد يحصل الاصلي إلا أن كان مستعمل وعسى الواحد يعرف الاصلي من التجاري
.
بالضبط الغرابي او غيره لايووجد اصلي فيه صيني درجة اولى ودرجة ثانيه ..
والله البرجستون لا يعلى عليه حالياً لكن سعره غالي، الكفر ب1100 عند الوكيل وبالمحلات 910 لكن ماتضمنهم (نسخة خليجية درجة ثانية)، اما اذا انك موظف احدى الشركات الكبار مثل stc لهم خصم يطلع الكفر بعد الخصم 750 ريال 👍
ما حد ذكر القوديير
اليوكوهاما جربته من زمان وكان ناعم وهادي بس عيبه يمسح بسرعة
ثاني شي بخصوص الجنوط اعتقد كلما خف وزنها زاد سعرها ودل على جودة المواد المصنوعة طبعا اتكلم عن ماركات معروفة مثل AMERICAN RACING / ENKEI
مشكلة منب من موظفين خس تي سي ولا كان اخذت هذا الخصم
يبيلي اشوف وقت ترخص فيه الكفرات وطبعا مالي إلا الوكيل ما ابي اشتري من المحلات لاني لم اعد اثق بهم!
افا
يعني اليوكوهاما زي الدنلوب!
انا منحاش من الدنلوب لاني ملاحظه يتسحك بسرعة وتصير الفرامل سيئة مع كفر مايمسك بالارض بشكل المطلوب
هل اليوكوهاما حق جيب الي جربته؟ وما المقاس؟