تحذير لأصحاب الجينيسيس (هايدروليك)

[أبو سعود.]

مساعدات الهيدروليك في الجينيسيس مشاكلها كثير حتى لما كانت جديدة لاجل كذا الفيس ليفت نزلوا مساعدات عادية

اختلف معاك في موضوع المشاكل الكثيرة

يعني عطفاً على وضع شوارعنا وعدد سنوات استخدامي للسيارة اللي تجاوزت 7 سنوات فأشوف ان المساعد أعطاني أكثر مما كنت أتصور

مع العلم غير المساعد قبل كذا مرتين

المرة الأولى بعد سقوطي في حفرة كبيرة وتم تغييره على الضمان
المرة الثانية تم التغيير بدون ما أطلب وبعد سؤالهم أفادوا بأن الشركة الأم طلبت تغيير جميع المساعدات وكان هذا في ثالث سنة تقريباً من استخدامي للسيارة.

والشكل الحالي اللي هو 2015 مانزل فيه الهيدروليك أما الموديلات السابقة فجميعها كان بهيدروليك.

[أبو سعود.]

أحسن الله عزاك وعظم الله أجرك في مصيبتك على هالأسعار


كان عندي فياقرا, يكلفني تغييرالهيدروليك مع شغل اليد 3000 ريال جهة واحدة

ماوصلت للتعزية

لكن فعلاً سعر الهيدروليك مرتفع جداً، وهناك خيار بديل وهو المساعد العادي وإن شاء الله راح أغيره في أقرب فرصة .

[price]

ابو سعود صدقت شوارعنا ما ينفع معها الهيدروليك ولهذا السبب أنا أبتعد عن ميزة الهيدروليك بالسيارات لأن مهما كنت حريص لابد فطه حفرة ولا مطب مفاجئ اطيح فيه

والشباب سبق وغيروها لمساعدات عادية ومافيه مشاكل ابد وشغالة زي الحلاوة، عدا بعضهم ظهرت لمبة بالطبلون لكن ما تضر


على فكرة وحشتني يا ابو سعود

صديقك: عمر من القصيم وتبوك

تواصل معي لو حبيت افيدك اكثر بالتغيير

[الفاروق]

لا تستعجل ، يمكن برمجة فقط

[salehhd]

حياك الله ابو سعود وشرفت المنتدى

الحل الامثل هو تغيير الي مساعدات عادية وشوف اسعار القطع لدى الوعلان احتمال تكون ارخص او لدى محلات قطع الغيار خارج الوكالة فربما تجدها بسعر افضل
وياليت تفيدنا بالي يحصل معاك

[أبو سعود.]

ابو سعود صدقت شوارعنا ما ينفع معها الهيدروليك ولهذا السبب أنا أبتعد عن ميزة الهيدروليك بالسيارات لأن مهما كنت حريص لابد فطه حفرة ولا مطب مفاجئ اطيح فيه

والشباب سبق وغيروها لمساعدات عادية ومافيه مشاكل ابد وشغالة زي الحلاوة، عدا بعضهم ظهرت لمبة بالطبلون لكن ما تضر


على فكرة وحشتني يا ابو سعود

صديقك: عمر من القصيم وتبوك

تواصل معي لو حبيت افيدك اكثر بالتغيير

ياهلا والله بحبيب القلب عمر

هلا بالعريس

أكيد راح أتواصل معك وأعذرني على القصور فالدراسة شيبتنا فوق الشيب اللي انا فيه

تحياتي وتقديري لك ياعسل

[أبو سعود.]

لا تستعجل ، يمكن برمجة فقط

ليتها برمجة

طول الفترة السابقة والوضع كما هو

انشغلت في بعض الأمور لكن قريباً بدخلها الشركة وأشوف وش يقولون

[أبو سعود.]

حياك الله ابو سعود وشرفت المنتدى

الحل الامثل هو تغيير الي مساعدات عادية وشوف اسعار القطع لدى الوعلان احتمال تكون ارخص او لدى محلات قطع الغيار خارج الوكالة فربما تجدها بسعر افضل
وياليت تفيدنا بالي يحصل معاك

الله يبقيك أستاذ صالح والشرف لي بتواجدي بينكم

هذا اللي ناويه فعلاً والمشكلة حتى لو الوعلان أرخص أتوقع سعر الشحن بيتجاوز سعر المساعدات عندنا

أبشر أكيد راح أفيدكم حتى يستفيد غيري