بالأعتماديه الياباني أفضل وبسنين ضوئيه عن الموبار السيء حقك وطرق بعد
قال أوف رود قال !! خل الأوف رود لك ولناس الفاضيه اللي يركض من ورشه لورشه
ويلاحق الوكيل بالقطع الحمد لله والشكر وعلى شان أيش عشانه الأولى بالأوف رود !!
ياشاطر الغساله ذا بقد ماهو منافس هو والأكستيرا للرانجلر سيد أعطال الدفع الرباعي
إلا انهم أزين منه بالأعتماديه وسهولة الصيانه وأنا شخص هنا مجرب
الــ JEEP حقك وهو الأول والأفضل و و و وإلخ سنه وحده مسلسل أعطال وخرابات
والان معي FJ من 2009 وله 7 سنوات وماشاء الله ولا عطل كبير حصل مو مثل بعض الناس
كهرب , دينمو , سلف , الدبل يعلق , واخرتها القير خبط والكثير وكل ماتتمناه يجي مع JEEP
صف لي ألف رانجلر بأنواع مختلفه أو أف جي راح أخذ الاف جي وكأني أشوفه لحاله
اما سيارات خرده هدفه الناس الفاضيه اللي تركض وراها في الورشات خلها لك عزيزي المسوق
تحياتي
يتفوق مثل مايبي لكن مصير أصحابه الورشات نسأل الله السلامه
هي وحدة من الثنتين
ياقريت كلامي غلط او فهمتني غلط
قلت عندهم التاكوما٣.٥ لتر و عندهم الفورينر٤.٠ لتر افضل بالمساحة والمواصفات ونفس المحرك
ماسويت مقارنه !!!
ولا جبت طاري مبيعات اف جي كروزر ولا الرانجلر دقق بكلامي زين
بس مبيعات الباثفايندر اعلى من (اف جي و اكستيرا و الرانجلر ) وهم مجتمعين
تحياتي لك
وهم صادقين بمسألة الأعتمادية وأنا منهم
تويوتا اعترفت بسبب غبائها بعدم تطوير الاف جي بتلك الفترة ماخلوه نفس نظام الرانجلر من ناحية السقف ولا فيه تطورات جوهرية في السيارة مجرد اكسسوارات وخفايف طول فترة ظهورة, الفرق الوحيد الي طلعوه كان اضافة نظام الزحف فيه وكان طلبية خاصة وممكن مخصص لبعض الاسواق لا ادري عن الوق الامريكي لكن الاسترالي كان ممكن تطلب الاف جي مزود بنظام الزحف
السؤال المهم، هل تستطيع السيارات المذكورة انك فقط تبدل التواير والسبرنجات والمعاون وتدخل سباق رالي مثل اللي حاصل عندنا في الشرق الأوسط وحتى في دول أخرى؟ أو ليش منافسات الأوفرود في أستراليا 90% من السيارات نيسان باترول؟
الفرق إن هالسيارة تجيك جاهزة من المصنع على نسبة تروس 4.11 إلى 4.375 في الفتك فقط ركب تايرك وارفع وبدل أشياء قليلة وتحصل نفسك جاهز للمغامرة. الاف جي أصلا سيارة ما تعتبر heavy duty وتعتبر مدنية أكثر، مش عيب فيها لأنها تستهدف شريحة أكبر لأن الأوفرودر الحقيقيين معدودين على الأصابع، التويوتا الربع والأربع أبواب كان ممكن يحصل شريحة مبيعات أكبر ولكن سمعته معروفة حول العالم بأنه ينقلب بسهولة، لكن يجي بالمرتبة الثانية بعد الباترول، مش تعصب ولكن حقيقة كنت باشتري ربع تويوتا قبل سنوات قبل أقرأ عنه في مواقع أجنبية ومراجعات وهذا أخطر عيب فيه، غير كذا يعتبر ممتاز جدا.
الجيب رانجلر أجمل سيارة في هالفئة، عندي كثير أعرفهم معهم السيارة وواحد منهم كان معه نسخة موبار الخاصة، عليها تواير 34 انش ميكي ثومبسون ورنجات ميكي ثومبسون وترفيع موبار. اللي قهره إنه بعد شهور من استخدام أغلبه خفايف انكسر سبرنج! أول مرة في حياتي أسمع عن سيارة انكسر فيها السبرنج، راح الوكالة ما بدلوه راح آخر شي بدل كل السبرنجات من الصناعية مستعمل بسبب إن "موبار" ما عليه ضمان!
النقطة الثانية أنها كانت ثقيلة جدا ومافيها عزم ويشتكي من ضعفها، مش لأن المكينة ضعيفة لأن فيها كرونة 3.21 أظن لأن الجير الأول من 6 جيرات يوصل حوالي 78 كم/س!!! يعني سيارة جديدة من الوكالة لازم تشتري قطع تبدل كروناتها وتعدل فيها وهي سعرها بالوكالة 18 ألف رع. ضيف إنها على صغرها فيها عيب آخر أن نظام معاوناتها وسبرنجاتها مستقيم أمام وخلف:
مما يزيد خطورة الانقلاب ويقلل المرونة فوق الصخور، المسطحات الرخوة (رمل/وحل).
الجيب شيروكي XJ أفضل من الرانجلر في هالناحية بس أيضا يعيبه سهولة الانقلاب بسبب توزيع الوزن وهندسته بالمقام الأول، بس يجي بمعاونات مائلة. البعض يقوم تغيير النظام حق الوكالة ويفصل وحتى يزيد حدة ميلان المعاون لتسلق صخور أفضل ومرونة ومقاومة أقل في الرمال والوحول:
مثلما قلت من أول هذا مش لأنهم ما يعرفون يصنعون، هذا لأنهم متعمدين يصمموها بهذا الشكل لأن يعرفون الشريحة الكبرى من مشتري السيارة مالهم علاقة بشيء اسمه أوفرود من جهة ويشتروها لجمالها وتعديل شكلها الأنيق، ومن جهة ثانية الأوفرودر نفسهم ينشغلون بشراء قطع إضافية أو تصليح مستمر = فلوس زيادة. لو كانت الرانجلر مش ناجحة في المبيعات كان اضطروا إلى زيادة صلابة أغراض السيارة.
سيارات مثل لاند كروزر LC70 وباترول Y61 تعتبر سيارات غير مربحة بمافيه الكفاية للوكالة لأن أعطالها الكبرى نادرة، لكن مبيعاتها في القطاعات العسكرية وغيرها تغطي على هذي النقطة.
ومثلما قلت سابقا الرانجلر يعجبني كثير بس سالفة العملانية والتحمل الواحد يطلعها من راسه، مدير المبيعات في الوكالة رحت مرة معه لأن صاحبي كان بياخذ دودج رام وسألته عن الرانجلر وكان صريح وقال يستخدم في بلده هايلوكس قديم للأوفرود، الرانجلر تستخدمه بس تجنب تسوي حركات النياسين والكروزر وتقلص الناس المغرزين لأن الأكسلات ونظام التعليق ما يتحمل وراح تنكسر.
التعديل الأخير تم بواسطة بوحازم الشنفري ; 26-08-2016 الساعة 02:36 PM
^^ صار عندنا سكوت ارحم ثاني بس بنسخة اوف رود
النسخة الي تتكلم عنها أعتقد هي حقت موديل 2010؟ الي تجي مساعداتها مدبلة ورفعة 3 انش وبعض الإكسسوارات (إصدار محدود)
شكلها جداً جميل وأذكرها عند وكالة المتحدة بسعر 158
لكن اي موديلات الرانجلر تقصد بهذا؟
أعتقد انك تقصد الموديلات العادية مثل صحارى وغيره تحمل نفس النسبة الي ذكرتها والمقاس الآخر المعروف 3.73 وطبعاً كلها سيئة ولاتجمل مع الكفرات الكبيرة
لكن هذه متطلبات السوق الأمريكي وعلى الشركة ان تراعي هذا الطلب لأن صرفيته عالية,وتكلفت تغييرها هناك ما تتعدى 300 دولار
الفئة الي عليها الكلام هي الروبيكون تجي بمقاس 4.1 دفرنشات DANA 40 في الأمام و60 في الخلف مايحتاج نوضح عنها شي ,ماعليها غبار في التحمل فهي #1 عند الهواة,أضف إلى ذالك ثلاث أقفال دفرنش+فصل عامود التوازن إلكترونياً زين وشين
لأن رواد ومتسلقي منطقة moab عانوا منه
لكن وش أبي أكثر من كذا
العملانية صعب تصنيفها,إستخدامك ونوع السيارة يحدد هالشي,كل واحد وتجاربه وقناعاته خصوصاً ملاك الدفع الرباعي طريقة معاملتهم وإستخدامهم لسياراتهم يبين لنا مدى عملانيتها لان هذا هذ هو المطلوب منها خصوصاً في هذه البيئة الصعبة
جربت وإمتلكت سيارات من نيسان وتويوتا سيدان و 4×4 وهذه تجربتين لمدة تزيد عن سنتين للأمريكي البك اب, معاي F150 من اشتريته إلى مسافة 120 الف كيلو غيرت زيت القير وفلتر الهواء فقط,لافحمات لا بواجي ولاشي ثاني وماشاء الله نسخة تويوتا,رام 2005 اشتريته ماشي 18 الف كيلو والآن 84 الف ماشاء الله استخدمه في البر فقط وفي الرملة تحديداً ولاعليه دفلوك او شي ثاني,مشكلة وحدة واجهتها أيام الطيش مثل بعض الشباب أطلع على طلعوس شاهقة بالدبل وعلى آخره أفصل الدبل ورجلي على الدعسة(تكرم) عشان اسوي حركات بعد فترة خرب عامود الدبل وصلحته بـ400 ريال
الأمريكي حالياً (بداية الـ2000s) وبشكل عام مشاكله إلكترونية/كهربائية في الغالب سخيفة وإن كانت ميكانيكية يا أن تكون عيب مصنعي كعادة الأمريكي أو سوء إستخدام
وقبل كم سنة ولأول مرة شفنا مشاكل في الياباني كهربائية/إلكترونية وفي الغالب تكون في أول دفعة للموديل الجديد من السنة أو حتى ميكانيكية
عموماً,هذي ضريبة تكنالوجيا وسياسة المصنعين في هذا الوقت,إلا من رحم ربي!
ولك بالمثل شاص التويوتا
والمعذرة على الإسهاب