أهلا وسهلا بك العزيز وشرفني مرورك وإن شاء الله هذي التجربة تعجبك، يمكن تكون بطيئة من حيث التطوير بس بإذن الله تشوفوا معنا المناظر والأمور الطيبة
حياك الله
فعلا الباترول تعدل أمور بسيطة ويكون جاهز وأيضا راكد ما يقلب بسهولة فيخدمك في المناطق الوعرة
يا هلا وسهلا وشرفتنا الغالي وأتشرف بوجودي معكم، بصراحة دخلت عالموقع بالصدفة كنت أدور عن تفاصيل للفتك كبسولة وتعرف ماينزل غير في الخليج بمكينة الفتك فتفاجأت إن في منتدى للسيارات عربي لازال نشط نسبيا سابقا كنت في منتديات ثانية بعضها مات كليا وبعضها يمشي مثل الحلزون مع تطور برامج الهواتف.
إيوة لي مشاركات بمكشات وحتى أكون صادق معك سحبت نفسي من الموقع لأن الموقع داعم للصيد الجائر وأخوك رجل بيئي بشكل عام انتقلت لتغطيات لتلفزيون عمان وصرت قليل المشاركة بهذا الصدد في المواقع العربية أو تقدر تقول انقطعت.
وأما بخصوص الترفيع هذا تقريبا 4 انش وأنا ناوي 2-3 إنش وهو مركب تواير Simex Creepy Crawlers قياس 36 انش على ما أعتقد والنية عندي 35 إنش كوبر STT. السيارة مش للاستخدام اليومي في الأساس الموتر السابق بعته بسبب أذية الشرطة والفحص السنوي الإجباري (للسيارات الأقدم من 10 سنين) وأيضا بسبب عدم قدرة إعادة تأهيل السيارة كليا كما لو كانت جديدة بسهولة فتظل مثل مكينة شفط فلوس. بس معي من 2010 كان "رعد" تحياتي لك عزيزي. الترفيع والتواير ضرورة ملحة للوصول لأماكن صعبة عندنا وقت موسم الخريف اللي أغلب السيارات ما توصلها أو يستحيل توصلها بالتواير العادية حقت الشارع. أما مميزات الفل أغلبها مش مهمة حقيقة، ماحصلت ستاندرد، عيب الفل توجع قلبك وانت تقلبها سيارة كرف ههههه.
حياك الله الغالي وأتشرف بوجودي معكم، لك مني أجمل التحايا
حياك الله الغالي، همممم أتوقع يمكن انت ما عملت ريفريش لمعلوماتك، الجير الأوتو يجيك 3.545 يعتبر ثقيل فتحصل بعضهم يغير دفريشنات أوتو عشان التزويد يعطيك سرعات عالية، وأيضا مكينة 4.5 اللي البعض يسميها البقرة هههههه كانت تجي 4.111 نفس الجير العادي لمكينة انجكتر 97 ونفس الكبسولة إلى 2011، الجير العادي لمكينة 4.8 يجيك 4.375 واللي يعتبر خفيف جدا وهذا أيضا في مكينة الديزل 3.0 توربو سواء عادي أو أوتو، تفضل:
http://www.nissan-aid.com/en/web/mod...9735593972.htm
بشكل عام إذا تقصد تسارع الخ هذي ماتهمني أبدا وأغلب سرعاتي تكون بين 80-100، حلاتها تمشي وانت مرعب في الطريق
التواير الكبيرة هذي مزعجة، وهذا شي يعجبني يعطيك احساس السيارات العسكرية بس ثبات خيالي سواء في الشارع جاف أو ممطر وفي الوحول وصخور، وتنسم التاير 8-5 psi مثل في الصورة تجي كأنك منسم 20، بعدين تمشى كأنك تروح فوق اسفلت حتى لو 4 سلندر أمورك طيبة.
الوجهة القادمة من يجي الموتر بإذن الله النية هنا: