الصراحه سيارات تويوتا من اول صحيح تكرف لكن القطع الاستهلاكيه سريعه الخراب
من الي شفته من اقاربي الي تملكو سيارات من تويوتا من 83 الى 2008 تقريبا
لازم كل فتره يامغير فحمات هوبات قطع صغيره حول المكينه و المشكله يغيرها و تخرب الي جنبها مثلا و فوق كذا يغيرها وهو مبسوط ليش !!! السر في السعر و العمل القصير فكانو يدفعون على الفحمات و لا البواجي مبلغ بسيط مقارنه بالامريكي او حتى بالسيارات اليبانيه الثانيه مثل متسوبيشي بما اني من مستخدمينها
كنت اشوف فرق السعر مهول ولاكن تعال نحسبها
تدفع كثير مقابل سعر تكلفه قليل للاصلاح لكن لو نحسبها على مدى طويل بيكون دفع مبلغ محترم
لكن عطل نادر و سعر غالي لكن انسى يخرب ثاني
هنا الفرق فالي يدفع كثير لكن مبالغ بسيطه تحصله مبسوط اكثر من الثاني بينما في الحقيقه هو دافع اكثر
كانت عندنا متسوبيشي لنسر 94 استخدمها الوالد ثم انا ايام الثنويه ( مايحتاج اقول عن السواقه في ذيك الفتره ) و ماشاء الله الى 2003 او 2004 لما بعناها اخترب حاجه و حده وهي طرمبه الماي تصليحها ب 350 تقريبا فقط ماتذكر غيرنا لها اي حاجه ميكانيكيه او حاجه ثانيه غير البواجي و الفحمات الي تجلس بالسنين مايحتاج اي تغيير
بينما اخوي عنده كامري 2000 من النوع المحافظ جدا اخترب عنده السلف و الكمبرسر و الجنبينات و مادري اذا في حاجه ثانيه
لكن نقول الي يميز تويوتا خاصه الكوريلا البساطه فقط محرك بسيط بعيد عن التكنلوجا و االحساسات و غيرها