الكامري xse افضل
الكامري xse افضل
تقوله صادق
يمين بالله ان المنتدى صار يحوم الكبد من تالي
كمية تعصب يارجل مو طبيعيه الرجال يسأل عن سيارتين معينه
والعالم جايبه له سيارات ابو كلب افتي في السيارتين الا ذكرها والا اسكت وامسك الباب وبلا فلسفه زياده
عزيزي صاحب الموضوع المازدا افضل مع اني اميل للكامري صراحه
من ناحية توفر القطع والوكيل والمواصفات تقريبا متشابها
سعر المازدا في الوكاله 98 الف والكامري XSE البريميوم في المعارض 97 الف بس نادر ماتحصلها
XSE العاديه عند عبداللطيف جميل 102 الف والبريميوم 110
استخر والله يدلك
شخصيا الخيار الأول كامري بشرط XSE
أما إذا GLX فمازدا فل أوبشن أفضل
أما الكوري شخصيا لاأحبذه
طالما وصلت 109 ألف عندك خيارات أخري أفضل في السفر:
ماكسيما سياحي
أفالون سياحي
توروس SLE
أمبالا LT
التعديل الأخير تم بواسطة techmate ; 17-07-2016 الساعة 01:28 PM
في هذه الفئه تكثر الخيارات والاسعار تختلف والمواصفات
لكن الافضل من ناحية السعر مقابل المواصفات هي المازدا 6
المازدا 6 تتفوق على كامري بعدة اشياء :
- جنوط اكبر مقاس 19 انش
- محرك اقوى
- شاصي اطول
- فيها تقنيات كثيره ماهي موجوده في كامري :
موجوده في هذا الفيديو
بالاضافه الى
- هيد اب ديسبلاي وموجود فوق الطبلون يعرض لك السرعه واشياء اخرى عشان لا تروح عينك عن الطريق
- شاشه 7 انش بنظام اندرويد + نظام ملاحه متطور + يمديك تتصفح فيها الانترنت وتدخل منها فيس بوك او تويتر وفيها اشياء اضافيه كثير
- صناعه يابانيه ( تجيك من هيروشيما مالمسها الوكيل ولا لعب فيها )
بالاخير السعر 97 الف ريال في المقابل الكامري تقريبا 109 الف ريال
كامري تتفوق على مازدا 6 بـ :
- الوكيل اقوى ومنتشر اكثر ( لكن هذي مابتفرق عند اللي عايش في مدينه كبيره موجوده كافة الوكالات )
- سعر اعادة البيع افضل
وكيل مازدا جربته من ناحية توفر القطع متوفره + اسعارها رخيصه وفي متناول اليد
مثل فحمات امامي اخذتها اخر مره بـ 230 ريال و الخلفي بسعر 220 ريال
فلتر هواء 70 ريال فلتر مكيف 80 ريال
فلتر زيت 20 ريال
السياره جربتها شخصيا من افضل مايمكن من ناحية الجوده والعمليه مااشتكيت منها ولها معاي سنتين ونص وماشيه اكثر من 100 الف ومن اجمل مايمكن مسكت فيها خطوط لين قلت امين وفي البلد استخدمها يوميا والحمدلله تمام
ومن ناحية الرساوه والثبات حدث ولا حرج وهذا الكلام انا مسؤول عنه
عيب المازدا 6 ان تعليقها قاسي شوي في البلد في السرعات الخفيفه لكن مع الخطوط مريح لان نظام تعليقها رياضي صحيح انه قاسي لكن يعطيك ثبات ورساوه ممتازين وهذي ضريبة التعليق الرياضي ، في المقابل فيه بعض السيارات ومشهوره منها ( تويوتا ) يجيك نظام تعليقها مريح لكن كثبات ورساوه تكون اقل من التعليق الرياضي .
بالاخير تبقى الكامري سياره جيده مااقول انها سيئه خصوصا الفل كامل لكن انا حبيت اعطيك خيار افضل من ناحية المواصفات مقابل السعر
مواصفات الكامري من الوكيل السعودي اضغط هنا
مواصفات مازدا 6 من الوكيل السعودي اضغط هنا
والله يكتب لك الخيره فيما ستختاره
ياعزيزي المتعصب قلنا تويوتا ماتنفع بريال لكن مو تاكل حقها
اولا الكامري اوسع من مازدا
ثانيا اريح
ثالث اعتمادية الكامري والاكورد ماينافسهم فيها اي صانع غير هيونداي اما مازدا جودتها قريبة للسيارات الامريكية ولاتحصل فرق بين عمر الامريكي وعمر المازدا
المازدا صح ياباني لكن قطعها كوري وصيني وماتعيش معك ,, اجل وش استفدت ؟
رابعا الكامري عزلها افضل من مازدا
خامسا سعر اعادة البيع للكامري سبب رئيسي ومرجح
سادسا الكامري لو تخرب تلقى قطعها اما مازدا بتتبهدل اذا مانت فمكة او جدةة