بيض الله وجيهكم
وشكر الله سعيكم
وعليكم السلام
شوف عزيزي
كل السيارات ولها عيوب ومشاكل
لو تاخذ لفة بمنتدى تويوتا العربية قسم اللاندكروزر ونيسان أريبيا قسم الباترول بتشوف من يشتكي من السيارتين
وثم عادي يجي من يقولك أن السيارة ماتخرب أبد
قد أرى أن الاند أفضل أعتمادية من الباترول بفرق بسيط
لكن كأستخدام من سعر مقابل ماتحصل من ميزات او مقارنة عامة العكس تماما وبمراحل
تمشي الباترول كويس, روضات كشتات رمال
لكن جبال أو صبخة أرى تفوق اللاندكروزر من هذي الناحية
الصبخة ليست مشكلة أن المحور/الدفرنس الباترول الأمامي والخلفي مستقل بل لأن المساعدات ماتستمر لفترة طويلة جدا راح تخرب بدري إلا أذا كنت تبي تبدلها بنوع أسترالي (على فكرة مجربه بصبخة والحمدالله ماشفت شيء لكن أنتهت المساعدات بدري)
بخصوص الجبال
حقيقة يعتمد على مدى صعوبة المنطقة الجبلية الي بتروح لها
يعني من سهلة وممهدة إلى متوسطة الباترول راح يعجبك
لكن من متوسطة إلى صعبة قد أرى اللاندكروزر أفضل
والسبب المحور في الباترول (وأعني تحديدا المحور الخلفي) مستقل فماراح يعطيك مرونة أطول من المحور المتصل
صورة لمقصدي بين المحور المتصل والمستقل
ميزة المستقل يقدر يتمدد معك كثير دون تحرك جسم السيارة بشكل كبير بسبب كل ذراع منفصل الحركة عن الاخر لكن مرونته محدودة
الباترول لن يكون سيء بذلك بالاستخدام الجبلي لكن أقصد تفوق اللاند من هذي الناحية
عموما أذا كان فلوسك ماتجيب إلا 6 سلندر لاندكروزر خلك على الباترول أصرف لك
ان بغيت باترول للجلد ينافس اللاندكروزر في الاداء على الطرق الوعرة عليك بهذا
اما ان بغيت شكل وراحة ولكن اداء اقل وتحمل اقل في الطرق الوعرة من الباترول القديم خذ الجديد
ما حددت أي نوع من الباترول هل هو بطل الدروب او الـV-TC
وعوره شديده ومطامر وأغلب وقتك في البراري والجبال والصحاري أنصحك بالـvtc ولن تندم ..
في الأماكن الوعره البسيطة والمتوسطة والتمشيات الرايقه أنصحك ببطل الدروب ، والله يوفقك .
بصراحة اخوي ابو اسدقد أرى أن الاند أفضل أعتمادية من الباترول بفرق بسيط
ارى ان الاندكروزر عيوبه اكثر من الباترول
قد يكون البرادو والاف جي في قلة الاعطال افضل من اللاندكروزر والباترول
واتوقع السبب ان البرادو والاف جي من صنع هينوا
كنا نملك لاندكروزر سابقا وبرادو
الاندكروزر تم بيعه من فتره طويله
والبرادو الى الان معنا
من تجربتنا البرادو افضل في قلة الخرابات مع انهم يشتركوا بنفس المحرك 4.0
واغلب الانظمة لاكنه اقل خرابات تخيل من 2005 وماغيرنا فيه قطع استهلاكية الا اشياء قليله جدا
بعكس الاندكروزر تم بيعه في 2010 موديل 2008 وكان به بعض العيوب
طبعا ذكرت البرادو لان اعتقد لك تجربة فيه او احد اقاربك
لو منك وبغض النظر عن سلبيات وايجابيات كل سياره وهذي تصلح لكذا وهذي تصلح لكذا .. انت في النهايه تبي ترتاح في مركب سياره منهم وقد يعجبونك الاثنين ... فأرى انك تستاجر كل سياره منهم يوم على حده .. يعني قد يعجبك الباترول وتقول باخذه رغم تفوق اللند عليه في حكاية الجبال هذي .. ويلبي رغباتك فيها وقد يكون العكس ..
والله الموفق