طيب حاول أنك تفتح القفل وبدون ماتفتح الباب وبعدها ادخل السيارة عن طريق باب الراكب وافتح السويتش مباشرة وبدون ماتشغل السيارة وجرب بعدها ايش يصير معاك عن طريق الدخول للسيارة من باب السائق
مرحبا اخي
السموحة الظاهر اني ما ركزت في لما متى يشتغل لاني كنت افتح القفل وعلى طول افتح الباب
قبل شوي كنت أريد اجرب الحركة اللي انت خبرتني عنها. رحت اجرب افتح قفل باب السائق وبمرة اشتغل النظام يعني بمجرد ما افتح القفل بدون ما افتح الباب
هل عندك فكرة عنه؟
والسموحة اتعبتك معي
التعديل الأخير تم بواسطة صقر الخليج 90 ; 05-02-2016 الساعة 02:11 PM
بس عندي فكرة بس ما اعرف اذا تنجح أو لا
وهي أن أبطل الباب وافصل الواير اللي راكب في القفل ( لما افتح بالمفتاح القفل يفتح الباب لأنه توجد فيه حديدة أو سلك صغير هو اللي يفتح القفل)
ولما افصل الواير ما اعتقد راح يشتغل النظام لأن كذا الكهرباء مفصولة
لدي تعليق على بعض استفساراتك وماقرأته من كتيب الصيانه الخاص باللكزس es300 موديل 2000
- أنت تقول أنه لما تفتح باب السائق بواسطة المفتاح الأبواب الثلاثة الباقية لاتنفتح وهذا طبيعي لأنه المفترض اذا تبي باقي الأبواب الثلاثة تفتح معاك لازم تدور وتلف المفتاح الى وضع الفتح مره ثانية "يعني لازم مرتين ورى بعض " واذا مانفتحت باقي الأبواب الثلاثة معناته عندك مشكلة
- الفيوز الخاص بنظام الحماية Theft deterrent system راح تجده في علبة وصندوق الفيوزات الموجود في غرفة المحرك "في كبوت السيارة " وبالتحديد فوق الرفرف من جهة اليسار "جهة السائق " ورقم وترتيبه هو 10 وطبعا أنا ما أنصحك بفصل الفيوز لأنه راح تطفي عندك أمور أخرى من ضمنها (الساعة - لمبة سويتش التشغيل .....إلخ)
جربت افتح مرتين وراء بعض بس ما تفتح بقية الأبواب يعني موجودة مشكلة في السنتر لوك
وبخصوص الفيوز يمكن راح افصله كحل مؤقت كم يوم لأن الحين معي ظروف ما اقدر اروح الصناعية واركب سنتر لوك وأصلح المشكلة ومن اصلحها أن شاء الله راح ارجع الفيوز مكانه
بس حد من الاخوة معه نفس السيارة وقال هذا بسبب ان المفتاح منسوخ ما هو الأصلي وكما قرأت في مواقع أجنبية بعد نفس الشي لما يكون المفتاح ما مسجل في الكمبيوتر راح يشتغل نظام التنبية
هذا والله أعلم
تقريبا بنسبة كبيرة صحيح هذا الكلام لأنه المفتاح الأصلي طريقة تعتبر لالغاء نظام السيكورتي والحماية ضد السرقة وهذا موجود نصا في كتيب الصيانه "يعني اذا تفتح السيارة بالمفتاح سواء كان باب أو الشنطة المفترض النظام مايكون مفعل "إطفاء وعدم تفعيل تلقائيا وبدون ماتسوي أي خطوة أو طريقة لالغاء النظام "