حصريا:تجربتي لفورد F150 و مقارنة مع سيلفرادو 2015

[C A D I L L A C]

ماشاء الله
امتعتنا .. بصراحه افضل تقرير من غير تعصب لعمالقه البيك اب ! شكرا لك ياغالي

لا شكر على واجب

اخوي حسن الف شكر لك على الجهد الجبار المبذول في هذا الموضوع

لكن ما ادري ليه ميولي الى السلفرادو رغم تفوق الفورد اف 150

تقبل تحياتي

شكرا لك ، شرفني مرورك

وعليكم السلام ورحمة الله وبركاته

أرحتني من هم كتابة تقرير عن فورد F150 لأني كنت أبحث عنه في محلات الايجار وماحصلته ...

تقرير مميز للغاية كعادتك أخوي حسن ... يعجبني فيك بساطة أسلوبك ... ماعندك تكلف


بالمقطع تقول ياحسن ان السيارة رشيقة ... وتقارنها بالسيلفرادو وتقول استجابة السيلفرادو أفضل !!!

انا جربت السييرا .... ثقييييل دم على قولتك يوم توصف السوبربان ... كنه ديناصور !!

هل خفة الدعسة وسلاستها في الاف 150 أفضل أم السيلفرادو ...

بشكل عام فورد معروف بأنه خفيف نفس في كل سياراته ...!!


موضوع مميز ... يختم بالتميز ويثبت بعد أخذ حقه من الردود ...

بالنسبه لخفة الدعسه و الله انا للحين مب مستوعب هل الشفر فعلا فزته افضل من الفورد مع اني سويت سباق بسيط بين السيارتين و كان أدائهم متشابه ما في سياره راحت عن الثانيه و لكن الإحساس في الشفر الظاهر يعطيك احساس بالسرعه اكثر و الله اعلم .

لكن الفورد بشكل عام تحسه اخف من الشفر من ناحية حساسية المقود ما تحس انك تسوق سياره كبيره
اشكرك على مرورك اخوي عبد الله و شرفتني و ان شاء الله تكون التجربه على قد المستوى

تقرير رايع

السلفرادو في نظري اجمل.... من ناحيه الشكل والمكينه... لكن لو حطو فيه ركن آلي و العتبات المتحركه.... وتوقف اوتوماتيكي.. كذا راح يكبر في عيني السلفرادو..


واحتمال كبير اخذ لي واحد .... لكن بعد الفيس لفت احس انه ما يبشر بخير... شكله خربوه شوي او احول اللي صممه نفس الكلام لسييرا

ننتظر الفيس ليفت و نشوفه عالطبيعه يمكن يكون اجمل ؟
انا بالنسبه لي افضل شكل فيهم كلهم عندي هو شكل الجمس احلى من الشفر و ان شا الله ما يخربونه

بصراحه بالنسبه لسوبربان والتاهو انا مجربها سواقتها ممتعه و جدا بعد...!
واعتقد السلفرادو افضل منهم...... بس هالشي يفرق من شخص لشخص...

انا احب سواقه هذا وفي المدن تكون امتع لزياده

خلاص خذلك واحد و حاول دخل فيه مراكز التسوق المزدحمه

الله يعطيك العافية على التقرير الاكثر من رائع و ياريتك كملت و جربت الرام عشان يكون مرجع للمقارنة بين السيارات .. و لا تخاف باقي لك وقت جرب و اطرح لنا تجربتك مع ان كرايسلر الشرق الاوسط ما حولك احد يمكن يعطونك داكوتا و يزحلقونك فعلا الرام مهضوم حقة بقوة في التقارير

كلمت كرايسلر الشرق الاوسط كذا مره ما في استجابه من صوبهم و الحين كلمت واحد علشان يتوسط لي يمكن يجيب نتيجه ولا انا كان ودي اجرب الرام لكن مو بيدي اما الداكوا اعتقد انها ما تنزل في الخليج اصلا

رائع

والفورد ابداع
مواصفات فارهة جدا

والسعر اتوقع مرتفع بسبب الوكلاء المحليين نفس طريقة الموستنق

والشيفر طالع عند الفورد كأنه ترك من التسعينييات عشان كذا استعجلت جي ام بالفيسلفت

ننتظر جديد الرام

الرام انا ما جربته لكن احس انه بيكون مثل الفورد من ناحية القياده

تقرير جميل ويغني عن جميع التقارير

لكنه كان مستعجل ومختصر عن السيلفرادو

الفورد افضل واضح مافيها كلام .. وبالنسبه للتصميم ارى السيلفرادو افضل من الخلف

ليتك دخلت الدوج رام معهم عشان اخونا laramie

انا اختصرت موضوع السلفرادو لان الاساس انها تجربة فورد اما الرام انا بعد كنت اتمنى احصله و ادخله في المقارنه علشان اخونا لارامي لكن ان شاء الله ما تقصر معانا شركة كرايسلر

تقرير جداً ممتاز و شامل للسيارتين

لكن لو كان محرك الفورد 3.5 توين توربو و الشفر 6.2

بيكون تقرير ناري

و الفورد أنا جربته شخصياً (لكن ما جربت قيادته) ..
الحقيقة أنه أبهرني كمواصفات و تصميم و كرهني في السييرا دينالي

اكثر شيء كرهني في الجي ا م ان ما فيه تكييف خلفي
مع ان الافالنش 2003-2013 كان فيه و الهمر الحوض 2003-2009 كان فيه


و هذي عادة الفورد من زمان
يتفوق في مواصفات الفشخرة الزايدة عن اللزوم

على العموم سعره في توكيلات الجزيرة بـ239 ألف ريال كاش
سعره عالي جداً مقارنة بالمنافسين أقربهم له السييرا الدينالي بحوالي 220 الف ريال كاش (محرك 5.3) و في امريكا اغلى بقليل (الظاهر ما يعادل 245 الف ريال سعودي)

و لو خيرتني بينهم سأختار الشفر لكن بعلامة الجمس
السبب إنتشار قطع غياره وصيانته عندنا في المنطقة مقارنة بالفورد




هو المطلوب من تصميمه انه يرجع للتسعينات
هم بأنفسهم قالوا هذا الشيء

حتى انا النسبه لي احلى شي الجمس خاصه اذا كان غماره و لونه احمر مع ترفيعه و اطارات بالون بيطلع شكله اجرام

اولا قبل التعليق الف شكر على كل حرف كتبته والتجربه فعلا مميزه واافة كبيرة للمنتدى ان فيه تقارير من هذا النوع تخص المنتدى

بالنسبه للفورد f150 هي شاحنه خفيفة وضعت فوردفيها خبرتها على مدى تاريخ شركة فورد اتذكر واحد من الاقارب كان موجود بكندا ماين عام 2006 الى 2010 تقريبا وقال لي انه مره سافر بر لمسافه تزيد عن 500 كلم ويقول على الطريق جميع القرى والبيوت اللي على طريقي كل بيت واقف عنده f150

فعلا في امريكا اعتقد نفس الشي يبيعون الفورد اف 150 مثل بيع الحلويات

اشكرك اخوي حسن على التجربه المميز وعلى الجهد المبذول ودائماً ننتظر جديدك .

تمنياتي لك بالتوفيق .

العفو

.


ما أجمل حضورك أخي حسن ،، راقي وأصيل وخفيف ظل وشخصية ممتعة ،، منجم ثمين للوطن العربي وللمنتدى خصوصا

سلمت اناملك لا عدمنا حضورك الجميل والمميز دوما

و الله المنتدى هو المنجم الثمين و انا هنا تعلمت كل شي و هذا جزء بسيط من رد الجميل لهذا المنتدى

تجربه رائده وجمييله
ابدااااع يسلمووو يالمبدع شرح وافي وكافي

شكرا لك

تستاهل تتربع على عرش السيارات كألأعلى مبيعاً

تقرير ممتع اخونا حسن

شكراً لك

شكرا لك و شرفني مرورك

[m__power]

شخصيا افضل الفورد تماما وما اشوف في منافسة
من جميع النواحي ابدعت فورد
تصميم داخلي وخارجي رائع توفر المواصفات والتكنلوجيا تنوع خيارات المحركات ... الخ
ولكن اعيب عليه شيئين
كون البدي المنيوم بالتالي قيمة اصلاح اعلى
وارتفاع الاسعار

اما السيلفرادو كان رائع جداً حتى نزول الفورد

عموما يعطيك العافية على التجربة
اول مرة اقرا تقرير بالكامل
اسلوبك جميل

[NA.w.AF]

يعطيك العافيه اخوي حسن تقرير مفصل وكامل والكامل وجهه

بنسبه للـF ابدعت فورد فيه صراحه وياليتك قارنته مع الوحش دودج رام

اما سيارات قاربج موتورز لا تعليق لا شكل ولا مواصفات

[انا وسيارتي]

نسخة من الموضوع لمنتدى المواضيع المميزة