قناة السيارات
26اعجابات
تسلم أخوي مايباخ اس على المشاركة والمرورالمشاركة الأصلية كتبت بواسطة مايباخ اس
أشكرك اخوي عاشق دايو على الاطراء والمرور
وللأسف مندوبين المبيعات للأسف يخدعون المستهلكين الغير مطلعين بغبائهم وجهلهموممكن يكونون متعمدين أيضا خداعهم يعني غش عيني عينك
وبخصوص شغله الدفلوك ما أعتقد أنه ممنوع تلف فيه فالظروف الطريق تحكمك أصلا أذا بتلف أو لا هذا أولا وثانيا ترى أن كانت بالرمل بالأخص أو طين ماراح يكون فيه ضغط سواء لفيت أو لا لأن الارض بالاساس متحركة لكن الأهم من هذا كله انك ماتسرع عليه لأن سرعته القصوى قد لا تتجاوز 18 كيلومتر/ساعة يعني يستخدم لتجاوز أصعب الطرق ثم تطفيه فقط وليس أنك تتمشى فيه طوال الوقت
وأن كنت شغله أخرى تميز الدفلوك وقلتها سابقا بالاعلى
هو أنه يقفل على طول فيوزع قوة العزم باليمين واليسار بشكل متساوي وأيضا يكونون متساوين نفس السرعة في الكفر اليمين واليسار
كذلك لو دخلت طريق طويل جدا وكله صعب جدا جدا أضطريت أنك أصلا ماتسرع فالدفلوك بيكون أفضل من أي تراك (A-TRAC) والسبب لأن الإي تراك وهو الأكتيف تراكشن كنترول بيحتمي الفحمات مع كثرة الاستخدام والضغط والتدخل أضافة أنه بيكون أبطاء من أستجابة الدفلوك لأنه بيجلس يتحسس كل كفر لحاله ثم يقوم بعملية الكبح للكفر الي يمشي أسرع بينما الدفلوك لما تقفل الدفرنس خلاص مافي تحسس أو لا, فبيكون مقفول إلى أن تنتهي من تجاوز الصعب للطرق الوعرة ثم تطفيه
هلا أخوي w9yh أشكرك على المشاركة وبالنسبة لأسئلتك
الأولى الأي تراك (A-TRAC) هو الأكتف تراكشن كنترول الي شرحته بالأعلى أو مايسمى بالعربي التراكشن كنترول النشط Active Traction Control
وبخصوص مانع الأنزلاق هو بالأساس التراكشن كنترول Traction Control الي شرحته بأول الموضوع والبعض يلخبط بينها وبين مكابح ABS لأن ساعات تسمى مكابح منع الأنزلاق ولا الأسم الحقيقي لها مكابح منع الأنغلاق لأنها تمنع من أنغلاق المكابح تماما أثناء الكبح فهي تكبح وتفصل بسرعة عالية ومكررة في الثانية الواحدة Anti-lock Braking System
أما بخصوص نظام الزحف فهو خاص بتويوتا(كما يوجد أيضا باللكزس) ويسمى Crawl Control
طبعا هذا النظام ليس موجود بجميع سيارات تويوتا أو لكزس محصور على أنواع معينة فقط مثلا:
تويوتا اللاندكروزر فئة VXR فقط
جيب لكزس LX570
جيب لكزس LX460
تويوتا برادو VX أعلى فئة
تويوتا فورنر الأمريكي
تويوتا أف جي كروزر الموديلات الأخيرة لبعض الدول في الخارج وليس عندنا وطبعا أختياري كطلبية وليس أساسي
وهو نظام مخصص أساسا لتجاوز الطرق الصخرية وطبعا يصلح للطرق الأخرى لكن بالأساس للطرق الصخرية
طبعا الفكرة بأختصار يعمل بتحكم بدواسة الوقود مع المكابح حيث يتحكم بثلاث سرعات بطيء أو متوسط أو سريع (ترى حتى سريع فعلياً بطيء)
فهو يتحكم بصعود وخروج السيارة من العوائق بأستخدام المكابح وبنفس الوقت مايخلي الموتر يدحدر وأنت تطلع بعض الصخور وتصير زلقه بسبب أن نزلت أو صعدت
يعني لا تستغرب أثناء دفع يكون فيه كبح ورى بعض بنفس الوقت! بحيث تكون قوة الدفع منتظمة بين جميع الأطارات تمنع حتى من الدوران الزائد بين الكفرات الي ماله أي فائدة بالدفع
النظام جميل وينفع للي ماله خبرة كبيرة بالبر ولا يعرف يتصرف بالضبط كيف يطلع الموتر أو يستخدم الأكتيف تراكشن كنترول أو الدفلوك
وبنفس الوقت لا تستغربون أن ممكن خبراء الطرق الوعرة مايحبون مثل هذا النظام ليس لحقد على الانجاز الي يسويه لكن كأنه ماخذ المتعة من أخراج السيارة من الطرق الوعرة وتجاوزها أضافة أنه ممكن يطلع السيارة أسرع من النظام
طبعا أثناء أستخدامه لا تستغربون أصوات الغريبة علشان العملية الكبح الي تسمعونها بأسفل السيارة لأن بتطلع أصوات زي أصوات التراكشن كنترول.
وشغلة ثانية هذا النظام بالأغلب مايجي معه دفلوك لأن النظام مكفي عن تواجده
والنظام يشتغل على الدبل الثقيل فقط
حقيقة أنا بصراحة ما جربت النظام لكن واضح من بعض المقاطع أنه أبطئ من الخروج من بعض العوائق في حال أن دفلوكين أمامي وخلفي + سائق خبير يطلع السيارة أسرع من نفس النظام يحتاج تحسس للجميع الكفرات بأستمرار أضافة أنه محدد السرعة فأنت ماتتحكم بدعسة السيارة بل النظام فقط من يتحكم بها
مقطع فيديو لشرح توضيحي لنفس النظام
أرجو كتم الصوت فلا يوجد غير الموسيقى
طبعا لفيت لفة سريعة على بعض المنتديات لأشوف الي مجربين النظام بنفس السيارة وش يقولون وواحد قال ترى النظام ماله أي فايدة بالرمل إلا لازم تنسم! أو بياخذ وقت أطول بكثير جدا من المطلوب وممكن أيضا مايطلع حالك حال أي واحد بيدخل البر لازم تنسم
فيه هذا شرح لكن تراه أنجليزي
أختصار للي ماله باللغة واجد
لازم تحط الموترى على N ثم تشبك الثقيل ثم تشغل نظام الزحف ثم تحط القير على D
طبعا أحب أخبركم معلومة
كثيرين أنتشر بينهم مقطع فيديو أن فيه الباترول الشكل الجديد فيه نظام الزحف وكيف الباترول يطلع من تغريزة ومع مقطع الفيديو قصيدة
الي أحب أقوله ترى الباترول مافيه نظام الزحف خير شر!!! ولا يوجد نظام مماثل له بمثل الموجود باللاندكروزر
الي بالمقطع مجرد دبل ثقيل مع دفلوك ومثبت الدعسة ويلف يمين ويسار لين طلع وأنتهى
كمعفولة بالفعل نفس الموجود بطريقة جميع السيارات أنه يقفل الدفرنس ويعطي قوة متساوية بين اليسار واليمين الفرق انه فقط يشتغل إلكترونيا دون تدخل السائق وهذا الي قريت عنه أنه مو عملي جدا والسبب مثل ماقلت لكم أنه يشبك والكفرات تمشي وهذا غلط! وهذا الي يخلي التروس تتأكل وتخرب مع الوقت حتى أن فيه بعض السيارات قد أشتغل عليها وهو يجر على الموتر!
أنا عندي باليوكون GT الي شريته من أمريكا أول ماجبته رحت جربت كم مرة تجربة الدفلوك ولا مرة أشتغل مع الخبراء أخوياي أبووسن والخل الوفي حتى أيقنى أنه مافيه دفلوك مع الوقت رحت وشريت دفلوك له لكن للحين ماركبته من نفس الشركة الي تسوي دفلوكات لشركة جنرال موتروز وهي شركة إيتون EATON لكن يفرق عن G80 شي واحد الي شريته وهو أنه يشتغل بزر (يعني متى ما أبي) وليس تلقائي مع الوقت حصلت لصقة المواصفات حقت موتري رحبت بحثت عن المواصفات والصدمة أن صار فيه دفلوك!!! الي هو رمز G80 ولكن ولا مرة أشتغل يعني أن النظام متعطل لكن الموتر يمشي مافيه أي مشكلة أو أصوات لكن مايشتغل الدفلوك ولا استغرب أن طريقة عملة التلقائية هي الي مخليته يخرب
.gif "A120(82)")
رد مع اقتباس
