ياحليلهم يرحبون بالعميل الجديد عندهم
ياحليلهم يرحبون بالعميل الجديد عندهم
بارك الله فيك أخي "cx9 2013" لإنشائك هذا الموضوع، و بارك الله في كل المشاركين و المشاركات.
الله يعطيكم خيرها و يكفيكم شرها ان شاءالله.
انا افكر في الـ CX-5 منذ زمن. و وصلتهم الآن 2014 و لكن سعرها في جدة أكثر من 112 ألف ريال فل أوبشن (بدون نافيجيشن و لا مكيف خلفي و لا ثلاجة)، بينما الـ CX-9 دفع أمامي ومخمل و كاميرا بأقل من 105 ألاف، والفل اوبشن (ما ينقصها غير ثلاجة و حساسات أمامية) بأقل من 125 ألف.
عجبني في الـ CX-9:
- هدوؤ المقصورة.
- مريحة و وثيرة حتى في الحفر و المطبات.
- تحكم السائق الممتاز (رغم كبر حجمها) و كذلك التسارع، المكينة ملائمة لحجمها (273 حصان).
- اشوف ان طولها مبالغ فيه 5.1 متر (اكثر من 5 متر). اعتقد يبغى لها وقت الواحد يتعود عليها خاصة اذا سيارتك الحالية صغيرة مثلي (طولها 4.2 متر).
وعجبني في الـ CX-5:
- خلوصها من الأرض ممتازة 8.5 بوصة (ground clearance) بينما ال (CX-9) ثمانية بوصة فقط، إرتفاع الخلوص مفيد للسعودية عامة و خاصة لمدينة جدة (مدينة الحفر و المطبات).
- حجمها وخاصة طولها حوالي 5.5 متر.
المالكين الحاليين لـ CX-9 ممكن نتناقش في النقاط التي ذكرتها أو أي نقاط أخرى لم اذكرها، لأني اصبحت افكر في ال 9 بدلا من ال 5 نظرا لفارق السعر.
و عندي طلب الله يسعدكم، ولا عليكم أمر، احد يعطينا الأسعار لـ CX-9 (كاش) من الشرقية و الرياض، واذا أمكن ايضا لـ CX-5 موديل 2014.
مرة أخرى شكرا لصاحب الموضوع.
التعديل الأخير تم بواسطة Wanderer ; 14-09-2013 الساعة 04:52 PM
حياك اخوي wanderer
راح اجاوبك على جزء من استفسارك واللي انا اعرفه وهو سعر السيارة وهو 125100 ريال
باقي الاستفسارات انا والله لا اعرفها وجديد على المازدا
Cx5. شفته بالوكالة لكن ماسألت عن سعرة
هذا رقم الفرع اللي استخرجته منه السيارة
وهو على طريق الملك فهد بإتجاه الجنوب
0112671111
استفسر عن ماتريد الموظفين حبيبين
والله يكتب لنا ولك الخير
مشكور يالغالي، الله يجزاك الجنة.
بغيت اسأل هل الفل اوبشن يجي معاه ريموت يشغل المكينة عن بعد؟
مدري ليش الرياض أغلى من جدة. كنت في الرياض قبل كم شهر، السي اكس 5 زايدين سعرها حوالي 650 ريال.
الغريب ان الشرقية اسعارها ارخص حسب ما ذكر لي احد الأخوان في هذا المنتدى. قال انها بـ 110 ألف بينما في جدة بـ 112 ألف.
اذا احد بالشرقية تكفون يعطينا اسعار السي اكس 9 عندكم هالأيام.
والله ياخي التشغيل عن بعد لايوجد في جميع فئات السيارة
بس فيها الدخول الذكي بدون مفتاح وفيها التشغيل بسويتش بدون مفتاح
يعني مافيها التشغيل الذكي المسمى بصمة
يعني مافيها ضغط زر بس فيها فر سويتش اهم شي الريموت ماتطلعه
بس التشغيل بالبصمة احلى شكل واكشخ .
السعر انا رحت لأحد الفروع في القصيم والفرق خمسين ريال بس انزل من الرياض
مشكورين على الموضوع ،، انا املك جيب مازدا CX-9 2013 والسيارة ماشاء الله ممتازة جدا على سعرها المعقول
طبعا بكل سيارة فيها عيوب
ابرز عيب او مشكلة بالنسبة لي في السيارة هي عزل الابواب ليس بالمستوى المطلوب !!
سؤالي ياشباب
هل فيه حل لمشكلة عزل الابواب ؟؟
التعديل الأخير تم بواسطة انا وسيارتي ; 15-09-2013 الساعة 12:32 AM
هلا فيك اخوي ونبيك معنا في هالموضوع. انت وجميع ملاك السيارة
اولاً كم ماشي موترك
ثانياً وش المقصود بالمشكلة اصوات الخط او دخول الهوا تنسيم مثلا في الجلد او ضرب الهوا في جنبيات الزجاج الامامي والمرايا وتسمع صوته او غيره
ثالثا هل عرضت المشكلة على الوكيل في الصيانة ولم يحلها.
هذي استفساراتي منك.
وسؤال خارج عن مشكلتك بس انتبه لا احد يدري.
الشنطة وشلون تفتح بالريموت عجزت ياولد لي يومين احاول فيها
يوم استلمتها علمني المندوب وقال لازم تضغط الريموت مرتين .
وانا ضغطت على الريموت لين عجزت ولا فيه فايدة