المشاركة الأصلية كتبت بواسطة super_safari
بالنسبة للعزم: كم حجم مكينة السيارة عندك 1.6 أو 1.4 أو 2.0 ؟ لأن السيفيك لها عدة مرحكات و هذي الخيارات المذكورة بعضها و ليس كلها.
و ثانيًا الأوتوماتيك بطبيعة الحال يكون أداؤه أقل بفارق بسيط عن العادي من ناحية التسارع و السرعة القصوى كذلك , إلا إذا عندك العزم ضعيف بشكل غير معقول فهنا نقول توجد مشكلة. لكن أنت قول كم حجم ميكنة سيارتك؟
الأصوات الي تتكلم عنها بسبب جلد المقصات و الله أعلم. الي يثبت هذا الكلام أنك تروح تكشف مجاني عند عدة محلات ميزان و أنت شوف بنفسك السيارة من تحت لما الفني يشخص العطل.
النقطة الثالثة أنا ما فهمت تعبيرك (الكوره الي تجيك على الرصيف) فهل تقصد النقاط المعدنية الصفراء -عيون القطط بالمسمى الصحيح- ؟؟ سبب الانحراف و تحرّك الدركسون لما تمشي عليها قد يكون من الأذرعة ربما تحتاج وزن فقط. أيضًا خلي الميزان يكشف لك عليها.