تأكد أخوي من بلف الثلاجه وعدم وجود إنسداد للفريون وتأكد أن الكمبريسور أصلي 100 % وياكثر الغشاشين الأيام هذه
تأكد أخوي من بلف الثلاجه وعدم وجود إنسداد للفريون وتأكد أن الكمبريسور أصلي 100 % وياكثر الغشاشين الأيام هذه
عزيزي al-mlaak
انا كان عندي نفس سيارتك وكنت احافظ عليها يعني حاطها بعيوني لاني كنت احب هيئتها وفخامتها
المهم اذكر اخترب عندي السيرفو فقلت يالله خير ان شاء الله نبدله بدلته وعقبها كل يوم والثاني
محترق البليتين وابدله وبالاخير طفت السيارة ونقلتها الكراج بسطحه وقالي انها تبي كمبيوتر شريت
كمبيوتر وبرمجته وركبته وماشتغلت المهم بالاخير صلحها مادري شنو كان فيها المهم طلعت فيها
وبعد فتره بسيطة اكتشفت ان التانكي يهرب بنزين قلت انا لله وانا اليه راجعون شريت تانكي ركبته
وقلت خلاص الحين ارتاح وفجأة صار المكيف حار واكتشفت تهريب بالهوزات وبدلت الهوز اللي يهرب
وعبيتها غاز وبعد فترة بسيطة اخترب الديلكو قلت يالله مكتوب خير رحت شريت ديلكو جديد وركبته
وقلت خلاص ان شاء الله الموتر ضبط الحين وعقب تقريبا 5 شهور اخترب الديلكو ثاني مرة
ووديتها الورشة وصلحته وطلعت بالموتر وبنفس اليوم طفت ورجعتها لنفس الورشة وطلع
السبب طرمبة البنزين خربانه وبدلتها بوحده جديدة وبعد وقت بسيط وانا طالع من دوامي الظهر
وراد البيت انفجر التاير الامامي والمشكلة اني قبل فترة بسيطة مركب التواير يعني جدد
وقفت السيارة وجيكت على التاير لقيت اثر صخرة او شي جذي يمكن شقت التاير المهم حطيت السبير
وبدلت التاير وقلت خلاص الحين وقت الراحة وتفاجأت عقب فترة جدا بسيطة ان القير بدأ يبوش
انا قلت ماصارت SS هذي فاسلمت امري لله سبحانه وركبت جير ثاني وحسيت ان السيارة
ترجف فحصتها لقيت واير بلاك ( سلك من اسلاك البواجي ) خربان بدلتهم بالكامل وسويت تصفيه
وانا رايح البر ذاك اليوم وقفت عند الاشارة وبعد ما شبت ( ولعت خضرا ) مشينا ولا فجأة يوقفون
وانا اطق بريك بسرعة وعلى فكرة انا من اشد المعجبين ببريك الموتر هذا عليه بريك يكسر الصخر
ماشالله عليه المهم يوم طقيت بريك بسرعة ضغطت عليه بقوة لان السيارات وقفوا فجأة جان تزلق
رجولي من البريك لاني مع سرعة الضغط والوقوف المفاجيء الضغطة صارت على زاوية البريك
ويوم زلقت رجلي كفخت بالوانيت اللي جدامي طبعا الاس اس نازل دشيت تحت دعاميته وتكسرت واجهة
سيارتي بالكامل المهم وباختصار ( بقى فيها اختصار ) صلحت السيارة واهي واقفه وانا جاي
باركبها علشان امشي من الكراج جان يجي واحد غشيم ويصقع المراية الجانبية ويفلشها وينحاش
رحت بدلت المراية بوحدة ثانية وعقب جم يوم اخترب علي السلف بدلته وعقبها اخترب الدينمو وبدلته
وعقبها لاحظت رجة قوية بالسيارة اذا مسكت بريك قلت انا السيارة هذي ماني بالعها ببيعها قال اخوي
انا ابيها قلتله كيفك خذاها ومن اخذ السيارة واهو يشتكي منها لحد الان هذا ثاني سلف يخترب
عليه ناهيك عن الخرابات اللي كل يوم والثاني طالعة فيها والحين اهو موقفها يم البيت لانها
ماتشتغل والسبب :
1- طرمبة البنزين تشكل
2- السلف عطاكم عمره
3-الكمبريسر اخترب
4-السيارة تحتر والسبب غير معروف
وانا ماذكرت قصتي هذي الا علشان اللي عنده نفس الموتر مايستغرب من خراباته ويظن انه اهو الوحيد
اللي تخترب عنده السيارة هذي وبالشكل هذا واخر شي ابي راي العقلاء يا ناس يا اعضاء واداريين
مو لو بقيمة القطع وتكلفة التصليح شاريلي aston martin جان احسن لي واسف على الاطالة
والسلام عليكم
التعديل الأخير تم بواسطة bo_3zeez ; 15-06-2010 الساعة 12:56 AM
بتالنسبه للطرمبه ياجماعه حقت البنزين حلها تشتري لك حقت جيب فكسار وانسى التوقف والخراب بمشيئة الله
وعليكم السلام
مشكلتك واضحه وهو غشش عيني عينك
ترى مو شرط ان يكون شكل الكمبروسر مثل القديم فتصدقه و تقول هو نفسه و خلاص تركبه احتمال كبير جدا في تلاعب بالكمبروسر اللي باعوك اياه حسبي الله عليهم
ثانيا المهندسين اللي على قولك ينظفون كل شي باسيد حق البلاط هذي اول مره اسمعها و ان كان من جد انه اسيد فهذي كارثه و طامه كبرى
تنظيف نظام التبريد اما بالفريون 11 وحسب علمي انه نادرا تلقاه لانه منع دوليا او بالفريون العادي 134a بس يظغطونه في السستم من احدى الطرفين و الانبوبه مقلوبه عشان يدخل الفريون بشكل سائل و بكميه حسب الوسخ الموجود داخل السستم وبعدها يتم استخدام النتروجين لوقت ظغطه فيقوم بدفع سائل الفريون مع الاوساخ الى خارج السستم وتتم العمليه اكثر من مرة حتى يكون اللي طالع نظيف و بعدها لازم يتم تفريغ السستم بمضخه تفريغ الى ظغط 30- psi تحت الصفر لسحب الهوا و الرطوبه من السستم بعدها يتم شحن الزيت ويتم التفريغ مره اخر و بعدها يشحن الفريون
لو فرضنا انهم فنانين وعملوها بالطريقه ذي يبقى احتمال اخير انه كان يعبي الفريون و الانبوبه مقلوبه و هذي تظر الكمبروسر و تكسر بساتمه الداخليه و جيم و يجيب العيد لانه راح يظغط سائل الفريون والمعروف ان السوائل ما تنظغط
ولو فرضنا انه عبا بطريقه صحيحه يبقى احتمال ان السستم ما تنظف و لا تم التفريغ بشكل كامل و بقى عندك بقايا من الاسيد و الاوساخ داخل السستم وهي اللي جابت العيد
وعلى فكره الكمبروسر يتوظب مثل المكينه وتستخدمه مره اخرى او تخليه اسبير عندك
نصيحيتي انك تشوف واحد فاهم وانصح انك تروح للسعودي اللي قالك عليه احد الاخوان
وتقدر تولف اي كمبروسر تبيه على السياره بس بيكون هناك تعديلات و المشاكل ماراح تخلص
واي معلومات واستفسار حاضرين وفي معلومات اخرى في موضوعي اللي في التوقيع و بالتوفيق
التعديل الأخير تم بواسطة wellwell_32 ; 15-06-2010 الساعة 08:11 AM
اشكركم احبتي جميعا ً
واشكرك استاذي wellwell_32
اللي فهمت منك الله يسلمك ان الفريون اذا جيت تعبيه ماتكون الدبه مقلوبه
معلومه حلوه ولكن ياغالي ابيك تنصحني وش اركب كمبروسر ؟
ووين القى الكمبروسر الكويس ووش افضلهم وكم تقريبا ً تتوقع راح يكلفني؟
لا شكر على واجب اخوي بس على فكره ماني استاذ<<<اها يعني مدرس>>> لالا يا بو تراني عادي جدا
المهم
شف يا حبيبي لكل سياره كمبروسرها وتقدر تولف بس لازم يكون واحد محترف
المهم اي كمبروسر جديد لاي سياره سعره قريب من حاجز الـ 1000 ريال هذا الرخيص ولا غالبية السيارات فوق الـ 1000
بس السيارات الامريكيه اعرف التقوى والبراهيم
اولا عند تركيب الكمبريسر مستقبلا لابد من شرح انه كذا مره بدلت كمبريسر وهخرب علشان الفني يحط في باله بعض الاعتبارات قبل مايركب لك الكمبريسر منها تنظيف الانابيب كلها وبتديل صمامات او علبه الفريون قد تكون متصلبه او حتى دوران السير
هل عندما تركب كمبريسر جديد تركبه كامل او تاخذ مثلا الكلتش او راس المكيف القديم
قد يكون خلل في الراس للمكيف القديم
او الكهرباء الي رايحه لكويل المكيف تجي قويه وتحتاج فحص لطبيعة التيار
هذا و الله اعلم