ياسلام سلم والله
اني من اشد المعجبين بالموديل
الي من جد يذكرني باسكايلان 94
بس يبغاله ار بي 20 وطير
الله يعطيك العافيه والى الامام
يابطل سلام
ايه ياالتيما عني موديل 91 سماوي لونها فل كامل 6 سلندر
GTS-R طلعها الوالد فل كامل وصرنا نار على علم الله يرحم زيك الايام اما الحين ماقد شف وحدة سليمة بس حقين الكامري اول ماطلعت والجراندي يعرفون وش كانت تسوي فيهم..........
^^^^^^^^^^^^^^
خخخخخخخخخ دائما نيسان في المقدمة مع اني كنت اموت في شي اسمه grandr g
لاكن الالتيما غير تعطيها يالبى قلبها
ههههههههههه ولد خالي عنده التيما 92 ومراضي يتخلى عنهــا مع انه كبير في السن ويملك لاندكروزر جديد بس الالتيما ما قدر يتخلى عنها
وأنا أشوفها مع فلبينـــــــــــــــو في الرياض واجد وتلاحظهم مضبطينها تضبيط صح جنووووووط وحركات ههههههههههههههههههه
ولا تنسون بعد الــ200L ترى صااااااار لها عز ياهي قويه وفيها تقنية ( مفتاح السيارة في مكان خطير ) ههههههههه ياخي ماهم سهلين نيسان حتى مهتمين باللغة العربية في سيارتهم يعني محترمين ثقافتنا ماهو مثل بعض الوكالات الثانية سلم لي على كارلوس غصـــن
السلام عليكم ورحمة الله وبركاته
الحمد لله اني لقيت موضوع للالتيما القديمه ويوفر كتابه موضوع جديد
انا اشتريت التيما موديل 89 واللي راح تكون مشروعي باذن الله
السياره اللي اشتريتها كسره بمعنى الكلمه كل شي فيها تقريبا خربان
ثاني يوم من اشتريتها انكسر عمود الدوران وغيرته
اللحين يبغالي مقصات وطرمبه بور ومساعدات ويايات
المساعدات واليايات لقيت ياباني لكن اصلي مافيه
طرمبه البور جديده ب850 مدري تنصحون اشتري جديد ولا تشليح
المقصات مادورت الصراحه
المهم بشكل عام السياره يبغالها تجديد كااااااامل مافيها شي صاحي الا المكينه والقير والدفرنش
وين احصل لها قطع؟ هل فيه محل معين او تشليح معين تنصحون فيه؟
مكاني بالشرقيه
وماننحرم من نصايحكم في اي شي يخص السياره من ناحيه التعديل والقطع وكل شي
بانتظاركم اخواني
لبى قلبها ..
عندنا واحدة م89
الوالد رافض يبيعها
طبيعا السليم فيها المكينة والقير والدفرنس وشوية حاجات بس ..
وماشية أكثر من 450 ألف
والحمدلله المكينة + القير نظيف ..
الرابع أوصل عليه 184 كلم / س
ماشاء الله
ودلوقتي مستانسين قير الجينيس ال8 سرعات الرابع يوصل 185 ..!
اذا فيه احد متابع الموضوع
تم تغيير عمود الدوران والمقصات الاماميه وجلد المقصات الخلفيه وجلد الكمر الخلفي فصلتها تفصيل لانه مافيه في محلات قطع الغيار
الكربريتر غيرته بواحد من التشليح
المساعدات واليايات غيرتها والبواجي كذلك
يبيلها الان طرمبه بور ودوده للدريكسون
ويبيلها جنوط وكفرات ويبيلها تغيير اسلاك بواجي وبويبينه وبليتين والمروحه الكبيره منشعره يبيلها تغيير وفيه صوت بالكلتش مدري منه ولا من رمانات القير
بس هذي الخطه حاليا
مع اني متحسف اغيرها بما اني بغير المكينه مستقبلا الى ار بي او تو جي