صوت ازييييييز في اليوكون2009؟؟؟!!!!

[أبوهذال]

^^^

فعلا الجمس اذا دققت فيه فما راح تتهنى فيه

و هي مثل اغلب الأعضاء اما طرمبة البنزين او دينمو المساعدات الخلفية

[ابومحمودالفارسي]

هذا صوت الهيدروليك واح تحصلة خلف الاطار وتحت تانكي البترول مغطى بجلد

[قناص الرياض]

الصوت و انت ماشي ولا إذا حطيت المفتاح بالسويتش بس ؟

[SIERRA_HD]

الحين وش السالفه الموضوع عن صوت الازيز وفجأه تحول على صوت طقه القير صح ولا لا .؟

عموما صوت الازيز قلتها في ردودي السابقه بتلقاه في كل الجموس . اما القير وش نوع الطقه اللي فيه .؟ هل هي قويه لدرجه انك فعلا تشك فيه .؟ لان قير موديلات 2007 و2008 4 نمر والتعشيق حقه مافيه لا طقه ولا شي , اما الـ 2009 فـ تحس انه فيه سرعه بالتعشيق او سرعه في تجاوب القير وخصوصا في النمره من 1 الى 2 فاللي مايعرف للجمس بيتوقع انها زي طقه او ان القير فيه شي .

[سهمي نازل]

الصوت و انت ماشي ولا إذا حطيت المفتاح بالسويتش بس ؟

الصوت بعد ما اشغل السياره ب3 ثواني يطلع الصوت اززززززز قررررررررر لمدة 3 ثواني

الحين وش السالفه الموضوع عن صوت الازيز وفجأه تحول على صوت طقه القير صح ولا لا .؟

عموما صوت الازيز قلتها في ردودي السابقه بتلقاه في كل الجموس . اما القير وش نوع الطقه اللي فيه .؟ هل هي قويه لدرجه انك فعلا تشك فيه .؟ لان قير موديلات 2007 و2008 4 نمر والتعشيق حقه مافيه لا طقه ولا شي , اما الـ 2009 فـ تحس انه فيه سرعه بالتعشيق او سرعه في تجاوب القير وخصوصا في النمره من 1 الى 2 فاللي مايعرف للجمس بيتوقع انها زي طقه او ان القير فيه شي .

الشيء بالشيء يذكر اخوي هههههههه
يعني افهم منك ان الصوت هذا عادي اللي هو الازيز حق الهيدروليك؟

بالنسبه لصوت القير بعد 300 كيلو اذا شغلت السياره اول ما احرك النمره الاولى والثانيه احسها بالمكينه من تحت وبدعاسة البنزيزين لدرجه بترجف رجلي وبعدين عادي يروح الطقه هذي اوقف امشي بشرط ما اطفيء السياره لما اطفي السياره لو دقيقه والا يوم واجي اشغلها ثانيه ترجع الطقه والصوت لما احرك بالنمره الاولى والثانيه

اتمنى اني اعرف وش السبب لاني رميتها عليهم العيسى وقلت بالحرف الواحد((لا اجي يوم الاحد الا وكل شي تمام )) عشان كذا ابي اعرف من خبرتكم لا يهكون علي ابي اصير على وضح النقا

[أبو ديـــــالا]

السلام عليكم

قبل لحظات رحت لسيارتي وفعلاً الصوت موجود لمده ثلاثه ثواني

والحقيقة أنا ما أعرف الصوت حق إيش
بس مادام إنه موجود بسيارات الشباب كلها فهذا يدل على أنه طبيعي إحتمال يكون طرمبة بنزين وإحتمال يكون هيدروليك مع إني مع أتوقع السيارة فيها هيدروليك ( سيارتي lt1)
مهما كان سبب الصوت المهم إنه عادي ولا يعتبر خراب .

بالنسبة للقير فسيارتي 4 نمر ولا عندي خلفية عن القير 6 نمر

هذا بالنسبة لطقة القير

أما إهتزاز دعسة البنزين فأكيد إن فيه شي بالسيارة ولا بد يتصلح

هذا إذا كنت ما أنت موسوس

أتمنى إني أكون أفدتك بما لدي من معلومات ويبقى الرأي الصائب لأصحاب الخبره

وعندي نصيحة قلتها لكثير من الشباب (((لا توسوس)))
لأنك إذا وسوست كل حاجة بالسيارة بتحس إنها خراب

[سهمي نازل]

بارك الله فيك ابواياد

لا والله ما ني بموسوس سيارتي السابقه اللي معي فكتوريا لاعنن ابو جدها وما شاء الله اروح فيها واسافر وما فيه اي مشكله ما ادقق واضحك على الشباب اللي يتحسسون عرفت وشلون هذا من ناحية الوسوسه...........

وبالنسبة لصوت القير والطقه هذي الشباب بالعيسى استغربوا منها وعلى فكره كانت سليمه بس بعد ما مشت 300كيلو بدأت الطقه واللي أكد لي ذلك واحد من العيال معه نفس سيارتي شاريها من الجميح ركبت سيارته وفريت بها وما فيها شيء ما شاء الله تبارك الله

الوكاد ما قصرتوا والله لا يحرمني من الجميع وان شاء الله اوافيكم اول باول بعد ما اطلعها

الله لا يحرمكم الاجر ............ آمين

[SIERRA_HD]

الصوت بعد ما اشغل السياره ب3 ثواني يطلع الصوت اززززززز قررررررررر لمدة 3 ثواني

الشيء بالشيء يذكر اخوي هههههههه
يعني افهم منك ان الصوت هذا عادي اللي هو الازيز حق الهيدروليك؟

لحظه لحظه , انا اللي فهمته في اول الموضوع انك لما تحط المفتاح وتحط وضع الاستعداد للتشغيل ( اللي هو تشغيل انوار الطبلون ) فقط بدون ما تشغل السياره . في هذي اللحظه هي اللي قصدي فيها ان الصوت اللي يطلع من طرمبه البنزين , لكن اذا على كلامك بعد ما تشغل السياره فـ صراحه ما ادري , لكن قد مرت علي في ميركوري 2009 يطلع نفس اللي وصفته لمده خمس ثواني ويروح وطبعا هو صوت الهيدروليك . لكن في سيارتك ما ادري صراحه , واللي اعرفه ان الهيدروليك يجي في فئه ( يوكون دينالي ) فقط .