شباب ابي اسال عن جنوط سوناتا مقاس 17 انش وين القاها جديده واصليه
وكم سعرها عند الوعلان والناغي والمجدوعي ؟
والي مركبينها وش نوع الكفر ومقاسه وهل هو مريح ولا تطلع رجه مع السرعه؟
شباب ابي اسال عن جنوط سوناتا مقاس 17 انش وين القاها جديده واصليه
وكم سعرها عند الوعلان والناغي والمجدوعي ؟
والي مركبينها وش نوع الكفر ومقاسه وهل هو مريح ولا تطلع رجه مع السرعه؟
ياهلا اخوي زعيم ,
سعرها طال عمرك , 3350 ريال عند الوعلان !!
و2200 عند الناغي ( تخيل الفرق حول الـ 1150)
ومقاس الكفرات: 225 / 55 / 17
أقول , ماتبي نطلبها أنا وياك مع بعض , لأني ناوي عليها .
.
.
تسلم يا ابو بدران وماقصرت
انا رحت للتشليح وحصلت ممخشه وسعرها ب 2500
ورحت للغرابي وحصلتها بحود 2500 مع كفرات مستعمله <<<< بس ماتدري اليمني وش مسوي فيها (مرشوشه او مخروطه عند الصناعيه
ولقيت في الغرابي جديد لاكن موب اصلي <<< صيني وسعره 1200
طيب فيه فرع للناغي في الرياض؟
ونروح مع بعض ليه لا <<< يمكن يعطونا خصم بعد
نسيت اقول الجنوط اربع او خمس
طبعا مع المسامير والاكواع <<<< يعني علامه الهونداي الي في الجنط
ياهلا زعيم , يكون احسن لو نروح مشان الخصم .. مع اني اظن ان مافيه ريحة خصم !
بعدين بسألك/ موترك جنوط الوكاله حقته بـ 2200 بس , ليش تفكر بالتجاري؟؟!
خلك من التجاري , ومن المستعمل ومن الهم كله !
بعدين بحسبه بسيطه: لو تشتري جنوط تجاريه بتخلي جنوطك القديمه عندك تحسبآ لأي حدث !!
لآكن لو تشتري أصليه بتبيع اللي عندك !!
وأنا سمت جنوطي اليوم جابت 600 بدون كفرات
اختصارآ :
الفرق بين التجاري والأصلي 400 ريال فقط فقط !! ( وأنت يمكن يكون الفرق اقل لأن يمكن كفراتك احسن مني)
* أصلي + كفرات + بيع الجنوط القديمه = ( 2200 + 1400مثلآ - ناقص 600 = 3000 ريال)
* تجاري + كفرات + عدم بيع الجنوط = ( 1200 + 1400مثلآ - يساوي = 2600 ريال !! )
الفرق 400 ريال
( ادري طولت مررره , لآكن ابي اوصل لك المعلومه )
.
.
يا ابو بدران انا اول مارحت للتشليح بعدين الغرابي وبعدها غسلت يدي منهم عشان كذا جيت ادور اصلي (حبيت اوريك طمع التشليح وغش المستعمل)
واعذرني يا ابو بدران اذا تاخرت عليك بالرد