المشاركة الأصلية كتبت بواسطة iasdt
بالنسبة للأخ محتار 2008
وكلامه عن أن شاشة الأزيرا مو وكالة..!! (ضحكني)
أقول له لا تتكلم بدون علم..
شاشة الأزيرا وكالة وأصلية وشد بلد وصنعت وركبت في كوريا بالتعاون مع شركة LG للإلكترونيات لسيارات هونداي أزيرا وفيراكروز وبعض موديلات هونداي الأخرى..
اتفضل وافتح الدرايفر مانويل (أو كتيب السائق) حق الأزيرا 2008 وتحصل معلومات عن الشاشة
وصورتها.. وطبعاً يتوفر باللعتين العربية والإنجليزية ويجي مطبوع من هونداي في كوريا..
وبعدها اضحك على نفسك وافرح بالأفالون حقتك اللي ما تجي بشاشة أصلاً.. وادفع فيها 128 ألف ريال..!!
وبالمرة شوف لي سيارة من نفس الفئة فيها شاشة أصلية لمس بتلفزيون ومشغل دي في دي وإم بي ثري وثلاثة FM ونظام صوتي جبار مثل (إنفينيتي) (للتوضيح إنفينيتي مو السيارة اليابانية)..
ولا وش رايك تاخذ أوريون بشاشة تلفيق صينية حتى لونها غير لون الطبلون (تجي سوداء والطبلون رصاصي..!!) أرخص لك من الأفالون مع أنها كلها مصنوعة في استراليا.. هههههه.. يعني (تجميع)..
وبالنسبة لطيحة السعر.. فإذا أنت شريطي أو مو واثق من اختيارك وتحب تبيع السيارة وهي جديدة أو شبه جديدة فاشتري لك هايلوكس أو كورولا تمسك سعرها أكثر من الأفالون.. لأن من يشتري الأزيرا فهو يقدر قيمتها وخدمتها ورساوتها وهدوئها وفخامتها وهيبتها ويرغب في الاستمتاع بها لا التفاخر بمسكها لسعر معين بعد الشراء
نسيت أقول لك.. الأزيرا اللي تقول إنها بـ110 آلاف تراها بـ 106 آلاف (الوعلان) وفيها مع الشاشة كاميرا خلفية مع نظام للرؤية في الظلام (أي أزيرا بشاشة تجي فيها كاميرا)
والعديد من المزايا اللي ما تجدها في التويوتا والهوندا..
على طاري الهوندا ودام إنك تحب الياباني خذ لك أكورد 2008 الجديدة الفل منها بدون شاشة وبدون أنوار زينون بل حتى بدون حساسات خلفية أو أمامية وبدون تخشيبة دريكسون ومكينة ضعيفة جدا 4 سلندر.. وش رايك.. كل هذا في الأكورد بـ95 ألف ريال.. يا بلاش لا و صناعتها تايلندية.. أحلى شي..
ياخي قول ما شاء الله (كلكم قولوا ما شاء الله)
إذا شفت أزيرا واعلم أنك لست أهلاً لأن تجلس في مقعد سائقها لأن عرقك الياباني ضارب بقوة.. أو دعني أقول (عرقك الأسترالي).. بما أن معظم سيارات تويوتا الحالية باستثناء اللاندكروزر والإف جي كروزر واللكزس تصنع في استراليا أو تايوان وتايلند..
تحياتي..