قناة السيارات
المشاركة الأصلية كتبت بواسطة S.p.e.e.d
تصميم المكيف سيء جدا
أنصحك تروح تشوف التكييف بالفورتشنر بنفسك
صعب شرحه
عندي صديق يشتكي من عدة مشاكل بالفورتشنر منها الفرامل و أمور كثيره
أنصحك بالإستخاره و بخيارات أخرى غير الفورتشنر
بالتوفيق
إللي يشتكي من فرامل الفورتشنر والبرادو ما يعرف وش هو الـ ABS
مرحبا
بالنسبه لصوت الهوا المسموع من جهة النوافذ الامامية والمرايا اثناء السرعه تقريبا 120 واكثر
هذي الظاهره صحية جدااااااا في السيارات المرتفعه اولا وسيارات الجيب بشكل عام وتتفاوت النسبة من جيب الى اخر ، اما بالنسبة لصوت الهوا في الوفرتنشر نوعا ما مسموع ولكن في حل وانا جربته وان شاءالله في اقرب فرصه راح ازودك في المنتدى توضح فيها الطريقة اللي قل فيها صوت الضجيج
طال عمرك تروح ابو جميل وتشتري لك من قسم الاكسسوارات حاجه اسمها ردادات هوا للنوافذ الاربعة ، وطبعا هذي مصنوعه في تايلند يعني نفس مصنع السياره ومختوم عليها برند تويوتا ومفصله بحيث تركب بشكل انيق جدااااااااااااا على النوافذ الاربعه
وانا شخصيا شريتها وركبتها والحمدلله العزل راااائع جدااااا والضجيج ما شاء الله تبارك الله قل بشكل ملحووظ وسعر الردادات مغري جدا ب 113 ريال فقط لاحظت هذي ايضا ميزه اخرى تكشف لك مدى رخص قطع غيار هذي السياره وتوفر الاكسسورات المصنعه في نفس مصنع السياره وبجوده جيده جداوسعر مغري ايضا
استخر واعقل وتوكل على ربك ونصيحة من جرب افضل من راي و ذوق ما جرب مع احترامي لآراءالجميع
فمان الله
انصحك بالسيارة اللي في توقيعي
مميزات أفضل وسعر أرخص
ياشباب ما أنصح فيها لأنها تصنع في تايلند
بعدين الشكل مو مرّه
والبرادو أحسن بما أنه أجود منه صناعة
شخصيا لم الاحظ اي مشاكل تذكر في السيارة منذ شرائي لها والحين السيارة ماشية حدود 7000 كلم وكل شي تمام .....هذا من واقع تجربة وليس من واقع فلان سمع او قالوا له!!!!!!!!!!
التجربة خير برهان
السلام عليكم .. اخي سبيد ممكن تقول باقي المشاكل بارك الله فيك ؟؟
مشكورييين يا اخواني على المشاركات الطيبة .. بس يا ريت من اصحاب السيارة يعلقوا عن المشاكل الي قالها العضو الكريم ( سبيد )
وكيف تنكي البترول معقولة اقل من السيدان ؟؟
مشكوريين يا اخواني مرة ثانية " وما خاب من استشار " وجزاكم الله خيرا على التعليق
وبخصوص المكيف بالنسبة عندي عادي لان الكامري عندي رقم (3) نفس الحركة تقريبا بس ياريت اتكون الكتروني يعني باللمس .. ترا نحن بالنهاية ندفع فلوس!! !
وانا انصح من الي يقلل م شان الفورتشينر يفتح موقع اليوتيوب ويكتب " تويوتا فورتشنر " طبعا بالانجليزي وشوف وقول ما شاء الله ل قوة إلا بالله ..
ماعرف بالضبط المشاكل الاخرى و لكن صاحبي باعها
اساله و اكتب لك هنا
البرادو احسن بكثير من الفورتشنر
و اوسع
صناعة البرادو صناعة يابانيه
البرادو قديم في التصنيع و ليس جديد مثل الفورتشنر
تكييف البرادو فتحات كامله للكراسي كلها
بس عيبه يقلب بسرعه و يبيله واحد سياقته راكده و ما يسرع
الفورتشنر فتحة تكييف واحده مكانها غبي في الخلف , أتمنى انك تروح تشوفها بنفسك
روح أسال بالوكاله وين التكييف الخلفي بالفورتشنر
بس لاتضحك لما تشوفه
اللي يقول لك ان الفورتشنر يتسع ل 7 اشخاص يكذب عليك
فهو يتسع ل 5 اشخاص و طفلين بالخلف
مع ذلك متضايقين
اذا تبي الوسع شيل الفورتشنر و البرادو من القائمه و توجه للامريكي فقط
فهناك تجد الجوده و أصوات المكائن التي تطرب الآذان و الوسع و المكان الشرح و ربما غرف النوم المتنقله
نعم، وأنا أيضاً مركبها في سيارتي وبالفعل رائعة وتعطي منظر رائع للسيارة؛ وهاك صورة:
أتفق معك إن الأمريكي أوسع بكثير، لكن من ناحية الجودة لا يقارن بالياباني.اذا تبي الوسع شيل الفورتشنر و البرادو من القائمه و توجه للامريكي فقط
والفورتشنر تجميعه تايلندي وأندنوسي، لكن مكينته، قيره، دفرنساته، وتصميمه كله ياباني 100%.
يا رجال خذلك اف جي كروزر اقوى واحسن شك ومصنوع باليبان
