أبي رأيكم في التالي :

بصراحه انا سويت لها تست درايف انا مع واحد من الاصدقاء

السياره روعه بمعنى الكلمه ماودك تنزل من السياره

وانا قررت انشاء الله انى اخذ وحده

وحتى الى معى جربها قال وده ياخذ له وحده طبعا هو مايعرف عن السياره شئ من قبل.........

ومن يوم شافها تهبل عليها

وناانصحك بالسياره من جد تستاهل كل ريال يندفع فيها واكثر

صراحه اشوفها غويليه ولا فيها مواصفات ..

يعني لا بلوتوث ولا نافيقيشن ولا ذاكرة ولا التفاف انوار ولا تسخين ولا تبريد ولا كمره بـ125 ؟!
اجل وش فرقها عن 2006 ؟ غير الشكل مع اني اشوفه نفسه الا المقدمه
ولا تنسـى وكـيلها الجمــــــيل

واذا نزلت 2008 بكامل المواصفات بكم بيصك سعرها ؟
صراحه حسنتها الوحيده مكينتها والا الباقي مافيه تميز .. وهذا رأيي ومانبي تعصب يرحم والديكم

أخوي السيارات واجد ولا تستعجل أمامك خيارات كثيره ..

أخي سيف نجد أشكر تفاعلك وصدقني مايهمني هل السياره منتشره أو لا لإني لي وجهة نظر في هذا الأمر فالشيئ المنتشر معناته انه جيد ولايعيبه هذا الأمر بس الي أعنيه أن الإنفينتي مقارنه بواصفاتها تعتبر سعر جيد

أخي massari 6.1 أشكر تفاعلك وتوضيحك وصدقني يهمني تكون السياره متوفر بها كل المواصفات ولكن ما باليد حيله لابد أشتري الآن

أشكركم جميعاً إخوتي

بصراحه فعلا سياره روعه وخصوصا انها صغيره وجميله و فخمه ومتماسكه وااهم محركقوي ودفع خلفي على الرغم من صغر حجمها وسعرها معقول جدا بنظري مقارنتا مع الي من فئتها

وصعب تلقاها مع سواقين عكس معظم موديلات اللكزس وخصوصا ال إ اس محلاك مطلع الجي اس وعند الاشاره انتم ثلاثه ولا اربعه جنب بعض

انا ما الوم احد بس اللكزس منتشره بزياده واستغرب كيف انها تعتبر من السيارات الفخمه المميزه اذا الكل عنده لكزس


وهذه وجهة نظري فقط

أخي عذب الإحساس أشكر لك تفاعلك ورأيك نحترمه ونقدره بس بصراحه الشكل الجديد برأيي أفضل بكثير ويستاهل السعر

اخي العزيز اذا عندك قدرة انك تدفع 80 الف كاش فلاتفوتك الجي 35 2006 توكل على الله وخذها

اما اذا تبي 2007 فالاي اس رائعة وافضل من صيانة وسمعة ولا انقص في حق الانفنتي لكن الكفة ترجح للكزس

تحياتي

أخي العزيز مشعل1
الله يردكك لنا سالم غانم
بخصوص السياره أنا من الناحيه النظريه عاجبتني مره ومن حيث سمعة نيسان من حيث القوه والمتانه عاجبتني أكثر
أما بخصوص الكزس فالكل يعرف من هي لكزس ولكن كذوق شخصي أميل الى الإنفينتي أكثر
أخوي ابو صالح أقدر لك إضافتك وأحترم رأيك وللعلم قد شاهدت الكزس أكثر من

هذا احد الاشياء اللي مخليني بعد اتردد في السيارة

ياخوي تبي نصيحتي

رح لفرع لكزس وجرب قيادة سيارة ES راح تغير رايك عن الانفينتي

لاتنسى ان اللكزس متى مامليت منها راح تلقى لها مليون مشتري

اما الانفينتي صعب تصرفها ؟؟؟؟؟؟؟

والله انا اللحين في أمريكا
وانشاء الله بعد شهرين راجع
ومن جد حاط السيارة هذي من ضمن الاختيارات
طبعا مواصفاتها ما عليها كلام

انا حاط في بالي يا g35او ال ES350

بس اللي سمعته ان الكزس طلعت كنها لمزين في كل مكان
فضلا على الذبه اللي مطلعينها عليها انها كامري شيوخ لا \في المملكة ولا في امريكا
انا ما اقول اللكزس مو كويس الا بطل بس المشكلة انه منتشر

الشي الحلو في الانفينيتي انها ماهي منتشره

واستخر وتوكل على الله

وعلى فكرة كنت من زمان ادور السعر الرسمي للسيارة في المملكة والله يعطيك العافية وفرت على التعب

الا على فكرة فيها نافيقيشن وبلوتوث والا لا ؟
واذا لا كمم تدفع زيادة عشان يكون فيها؟

شكرا لك أخي العزيز z28001
والشيئ المشجع أن الكل يمدح في السياره الله يكتب مافيه الصالح

عرض جميل و السياره تستاهل كل ريال في وجهة نظري الخاصه. انا عندي لكزس 2007 بس والله داخله مزاجي الجي 35.
الله يكتبلك اللي فيه الخير.

نعم أخي سيف نجد عن موديل 2007
شرفتنا بتواجدك

سؤال الكلام هنا عن الشكل الجديد صح

هلا بيك أخوي ولد هجر شرفتني بمرورك

السياره كاش بي 126000 ريال
والإجمالي مع الأقساط 155120 ريال
وهذا آخر شيئ يقولوا لي مافيه أقل من كذا حسب كلامهم

عموماً شجعتني يومك تقول بتاخذ لك وحده
الله يسهل لناجميع
أخوكم ...