اصحاب الماركيز والفكتوريا ضروري جدا....؟؟؟

أخوي يا غالي نصيحة بحكم خبرتي شفت يومك تقول خاصه اذ لفيت الكفر على الاخر اسمع الطقه اسمع الجهة الي تسمع معها الطقه الحق عليها شوف الركبه الي تحت خله يكشف عليها تراه منتهية الان تعطيك صوت وبكره لا سمح الله تطيح بك السيارة مثل ماصار لي مع سيارتي الماركيز هملتها وقلت مثلك ممكن جلد وووالخ ولكن ستر الله طاح علي الكفر وكنت امشي عشرين والسبب الركبه الي تحت روح افحصها وخله يفك الصاموله حقت الركبه الي تحت ثم يجرب مسمار الركبه ويحركه وراح تسمع بنفسك الصوت يطقطق مافيه شحم وصادق الركبه الشد بلد مافيها مشاحم ولكن اذ صار منها السبب خذلك ركبه من نوع موج أفضل شركه وفيها مشاحم لان لو بغيتها وكاله ماتجي لوحدها تجي والمقص كامل وسعر خيالي ولا فيها مسمار لتشحيم لذلك نصيحة لو غيرت اليوم او بعد فتره خذلك ركبه نوعها موج او اذ حتاجة مقصات اذرعه كذلك موج انا مجربها والحمدلله تمام اسعارهم مناسبه وكذلك جودة تمام وتحصل منتجات موج في جميع محلات قطع غيار فورد

والله على هذه الشوارع والحفر والعوائق

لاتستغربوا على اي سياره حتى لو 2006 2007 م
ان يظهر بها مشاكل اصوات وغيرها

الله يعين

اخوي : درب العنا .

انا عندي كراون فكتوريا 2004 وصارت عندي نفس المشكلة تقريباً وصارت فجأة وانا ماشي لكن بعد فترة يعني تقريبا ثلاث

اسابيع مع المشكلة صار القير ما يرجع للخلف (تريوس) ابد وديتها الوكالة وقالوا المشكلة في القير ويحتاج توضيب وصلحتها عندهم

والحمد لله صارت تمام الحين مرت سنة و مافي مشكلة الحمد لله.

هذا اللي صار لي و ان شاء الله انت غير و تكون ابسط.

الله يعطيكم العافيه على هذه المعلومات

شكرا لكم

الاخ درب العنا


من الصعب تحديد مشكلتك المكانيكيه حت يتم الاطلاع عليها على الطبيعة


الفكتوريا والماركيز فيها اخطاء مصنعيه هي ليست بذات الاهمية لان طرقهم جيده


اما الطرق التي عندنا فهي تتميز بالحفر والمطبات الفجائيه بحيث تشتري سيارة جديده وبعد 6 اشهر

تصبح كانها موديل 90 من التفكك والاصوات ( الله يعين على هالمطبات والحفر الي تمرض الواحد من كثرتها)


بالنسبة للاخطاء التي ذكرتها اعلاه فهي عبارة عن المشكوبيات التي بالصدام الخلفي من جهة اليمين واليسار

فهي تخرج صوت مع

المطبات وكذلك بالنسبة للصدام الخلفي في الوسط تحت اللوحة ولكن في اخر الصدام يوجد وصله من الداخل ولكنها ملغيه

وحل الاولى بان تفك تلك المشكوبيات وتركيب مسمار وصاموله وتربط جيد وحل الثانية بان تركب وصله حديد من الجسر الى الربله

كي يثبت الصدام تماما

اما بالنسبة للجهة الامامية فيوجد ربله امامية التي توضع على الاديتر والتي تخفي الجسر الذي يربط الرفرف الايمن بالايسار

وهي دائما تصدر صوت فحلها بوضع لاصق بلاستيكي على طول الجسر ومن ثم تركيب الربله البلاستيكيه وربطها بالمشكوبيات

اما بالنسبة للرفرف الامامي الداخلي هو عبارة عن ربله بلاستيك ومع المطبات يصدر صوت


كانه شي مرتخي في السيارة وعلاجه بان تضغط على البلاستيك على الشاص وتربطه ولكن من الصعب

ان اشرح لك بالضبط كيفيه الطريقه بالكتابه والحل هو ان تتصل بي على الجوال او اذا كنت من سكان

الرياض تقابلني شخصيا واشرح لك كيفيه معالجة تلك المشكلة التي يغفلها الكثير وان كنت اجزم بان الكل


لا يعلم عن هذه العيوب المصنعيه فانا بحثت كثيرا في هذه المشكلة واكتشفت الحلول والتي باذن الله سوف تخف

مشكلة الاصوات كثيرا

ارجو ان يستفيد الاخوان اصحاب الماركيز والفكتوريا من هذه الحلول


والله الموفق



ملاحظة : راسلني على الخاص في حالة رغبتك الاتصال

انا سيارتي ماركيز 2003 كان فيها اصوات خفيفه ووديتها لصاحب ورشه في القطيف خاص بالتربيط وربطها من-الى وراحت الاصوات كلها وبدون مبالغه كنها طالعه وكاله ماتسمع ولا صوت ولله الحمد..
ثانيا الاخ جذاب 18: السيارات الحديثه ماتحتاج تشحيم ابد ابدا لانها صارت شغلاتها كلها كبس في كبس يعني مش براغي وصواميل...

شكرا وفالك المليون :)

اخوي يعطيك العافيه على مرورك الكريم
المشكله طلعت بعد ما وصلت من السفر لاني قبل ما امشي من هنا متاكد ان ما كان هناك اي صوت بس مع الطريق وحفر الطريق والمطبات عاد انت عارف طريق الجنوب ما يحتاج كله حفر ومطبات والمشكله ان الصوت قوي احس باحتكاك قوي خصوصا يوم الف الكفر على الاخر او اطب في الحفر الصغيرة على فكره المسافه الى مشيتها روحه ورجعه تقريبا 800 ك متواصله وتعقيبا على كلامك السيارة مالها مشاحم ابد كيف تبغاني اشحمها لان اصلا السيارات الجديدة
ما تتشحم...
ولك خالص تقديري

أخوي الجلد ماتعتبر ذيك المشكلة

إشتري جلد (الجلدة بـ50 ريال) ووديها عند ميكانيكي معروف

إذا أنت من السعودية (تحديدا جدة) أعرفلك ورشة فهيم بنتلي ورولز رويس..

بس الورشة مالها إسم :D

لكن عمالة تقول معلمين بل بروفيسورات..والحلو أسعار شغل اليد بسيطة

موقعه قريب من دوار الفلك - شارع الستين - خلف محطة المساعد