أفيدوني عن الـDTS لا هنتم من ناحية سعرها و صور لموديل 2007 ومتى مُتوقع يتغير شكلها؟؟

الملك ديل بييرو @user_12572 · 02-02-2007

.

السلام عليكم ورحمة الله وبركاته

أفيدوني لو سمحتوا عن سيارة كاديلك DTS موديل 2007

س1/ سعرها يبدأ من كم ؟

س2/ متى مُتوقع يتغير شكلها ؟ ومُـنـذ متى موجود الشكل الحالي ؟ من كم سنة ؟

س3/ هل السيارة راعية خطوط ولا لأ ؟؟؟؟ (60 كيلو يوميا ً)
مع العلم أن المُشتري جاهز للمداومة على الصيانة

س4/ أبرز عيوبها أو بأختصار سوء الإستخدام من المُشتري الذي يجب الحذر منه ؟

[COLOR=black][COLOR=navy]ولكم جزيل الشكر :)[/COLOR] [/COLOR]
.

طالب الادارية @user_21501 · 09-02-2007

نصيحة من شخص مجرب لDTS عندنا وحدة موديل 2001 ....... نصيحتي ابعد عنها السيارة مامشت 130 الف ومتعبتنا
نصيحة ان كانك تبي تشري كدلك ........حط لك ميزانية صيانه سنويه لا تقل عن 10.000 ريال .......غير ان القطع مو دايم تلقاها
خذلك لكزس 430 او BMW الفئة الخامسة .....

lexus4ever @user_10263 · 09-02-2007

شوف اخوي

الكاديلاك ككل مافيها سيارة زينة وقوية وتستحمل غير (الاسكاليد ) لانها مبنية على قاعدة اليوكن واليوكن تعتبر من اقل

السيارات الامريكية اعطالا ومشاكل تصنيعية , وبالنسبة للدي تي اس سيارة روعة في التصميم الارستقراطي لاكن فكر من

ناحية الصيانة والخدمة السيارة انا اشوف دايما موديلات 2000 الى 2005 كلها اعطال وبلاوي .

C300-SRT8 @user_24687 · 09-02-2007

شوف انصحك تفكر في سيارة ثانية لان اتوقع شكلها هذا ماراح يطول بيتغير قريب

توماهوك @user_23403 · 08-02-2007

أنصحك خذ فلوسها وتصدق بها على فقراء المسلمين أفضل لأن الفلوس اللي بتحطها فيها كأنك حرقتها

S E N I O R @user_31926 · 08-02-2007

الاخوان يعطيهم العافيه ما قصروا بالاجابات

تحياتي لك

mis_kfu @user_33309 · 08-02-2007

اخوي كاديلاك فخم وشكل ومايحتاج ... لكن خرباته كثيره وقطعه غاليه وطلبية بعد

انا اقولك كلام هذا من معاناة زميلي كان معاه كدلك اس تي اس موديل 98 والان واقف عند البيت ومامشى 150 الف كيلو

اذكر من زمان نزلهها السوق ماجابت 20 الف وشوف كم كانت وكاله اعتقد فوق 180 الف ريال

اذا بتدفع على السيارة فوق 200 الف ريال ... اعتقد في خيارات ثانيه افضل من كدلك

تحياتي

CHARGER @user_10413 · 07-02-2007

اذا تبي رايي صراحه لو معي فلوس الكدلك dts باخذ الكدلك STS خذلك دفع رباعي او خلفي
الامامي ماهضمته الى الان اللي هو على الـ dts

***

ARMADAWOW @user_39776 · 05-02-2007

[CENTER]

كاديلاك DTS كانت مع ولد عمي

ياكثر مابهذلته يوم معاه زي الحلاوه وعشر ايام في الوكاله والورش والقطع كثير مو متوفره

لكن السياره فيها شي حلو الراحه شي رهيب مقاعدها ودك تنام عليها

وكذلك التكييف فيها ممتاز وهو الوحيد الي احسد السياره فيه

والله يوفقك

[/CENTER

ماركيز96 @user_26352 · 04-02-2007

مادامها دفع امامي اجل ما تسواء 10 الاف بالنسبه لي.

CHARGER @user_10413 · 03-02-2007

اخوي الهامور ماقصر و الله لكن ماقهمت عليك ؟
الشكل الجديد نزل من فترة يعني اللي تغير تغيير جذري !!!

شوف هالنوع من السيارات ينتمي للفخم شي طبيعي قطع الغيار تلقاه غالي
بس للأسف من يوم ياخذ الجميح الوكاله حقة الكدلك من العيسى وهو مظيع الماركه من جد

الشكل الجديد نازل من فترة وشكله كلاسيكي وجميل جدا ومن الداخل ايضا جميل
ايجابيت السياره كثيره وخصوصا محركها نورث ستار

يعيبها دفع امامي
اذا تبي صور لها ومعلومات اكثر عن السياره وصورها وعن سعرها الأصلي بأمريكا
وانصحك بالموقع عشان تتعرف اكثر عن السياره وتشوف شكلها ورح للمعرض افضل وافضل

ادخــــل هـــنـــا

***

A L H A M O O R @user_17724 · 03-02-2007

س1/ سعرها يبدأ من كم ؟

يبدأ من 180.000 بدون شاشة وقير علاقي وجنوط 17 انش
الفل اوبشن ( نافيقيشن + جنوط 18 كروم + فتحة سقف + قير أرضي + تخشيب كامل + تهوية مراتب + ستائر خلفية + أنظمة كثيييرة ) بـ 230.000 ألف ريال

س2/ متى مُتوقع يتغير شكلها ؟ ومُـنـذ متى موجود الشكل الحالي ؟ من كم سنة ؟

أتوقع يكون في تعديلات طفيفية فقط في 2008 أما التغيير الكلي في 2012
لأن الشكل السابق كامن من 2000 - 2005
والشكل الحالي موجود كموديل 2006 أقل من 9 شهور موجود

س3/ هل السيارة راعية خطوط ولا لأ ؟؟؟؟ (60 كيلو يوميا ً)
مع العلم أن المُشتري جاهز للمداومة على الصيانة

الكديلاك معروفة في الراحة خصوصا في الخطوط ونظام تعليقه ممتاز وراحة المراتب شيء ثااااني
والسيارة نعم راعية خطوط , واذا كان بيحافظ على الصيانة ويدلعها راح تصبر معه وما يواجه خرابات ان شاء الله

س4/ أبرز عيوبها أو بأختصار سوء الإستخدام من المُشتري الذي يجب الحذر منه ؟

العيوب ان الوكيل راح يستقبلك اثناء الشراء بترحيب وحماسه ويشجعك
لكن راح يبهذلك بعدين !!
كذلك قطع الغيار غير متوفره بشكل كبير وغااالية نوعا ما
تخيل زر النافذة لكاديلاك ( 2000 ) لازم طلبيه 3 أسابيع من دبي بـ 150 ريال !!
ويجب المحافظة على الصيانة الدورية وتدليع اسيارة نوعا ما وراح تصبر مع الوالد ان شاء الله
ويكون في علمك ان كاديلاك تحسنت بشكل كبييير خصوصا موديلاتها الجديدة
خصوصا من ناحية الفخامة والجودة الداخلية
أما الراحة فيكفيك أن تركبها !!
أتمنى للوالد التوفيق في الاختيار :)

الملك ديل بييرو @user_12572 صاحب الموضوع · 03-02-2007

بإنتظار آراء باقي الشباب

خاصة ً المُتخصص C A D I L L A C

[COLOR=navy]لأني والله مالي غيركم |5| [/COLOR]

# OMAR # @user_7317 Banned · 02-02-2007

بالنسبة للشكل فهو توه نازل 2006 يعني ماراح يتغير قريب ان شاء الله ..
كان عند واحد من الشباب دي تي اس موديل 2000 .. مابقى خراب يطلع براسك الا طلع فيها كل يوم بالورشة ..
صراحة السيارة حقت شيبان راحة ماعليها ماشاء الله بس رساوة زفت ويكفيك انها بكل هالحجم الكبير دفع امامي ..
بالنسبة للوكالة هي الجميح وهو يبيع ويصلح هامر وكاديلاك وساب في نفس المعرض وفي نفس الورشة كلهم سوا ..
الوالد عنده ساب دايم اوديها لهم مايعرفون يصلحونها او يخربون لك شي ثاني فيها ..
ماعندهم الا موظف واحد المختص بساب واحيانا تشوفه قاعد يصلح كادلاك او هامر ويجيك خبير الكادلاك يصلح ساب .. شي طبيعي عند الجميح ..
تروح هناك تشوف واحد قاعد يصارخ بمكتب المدير لانهم مخربين سيارته او مو راضيين يصلحونها عالضمان .. شي طبيعي عند الجميح ..
تطلع بفاتورة 1200 ريال على صيانة بس .. شي طبيعي عند الجميح ..
نصيحة اخوي فكر بالسيارات التالية : (( اسعارهم فوق 200 الف بقليل ))
لكزس جي اس 430
انفنيتي ام 45
بي ام دبليو 530
فولفو اس 80 V8

روح معارض هالسيارات وشوفهم وصدقني انك بتدعي لي ..