قناة السيارات
السلام عليكم
كيفكم شباب
انا شريت فورد قراند ماركيز موديل 2005 السياره حلوه ونضيفه ماعليها
لكن فيها عيب
النور كأنك مشغل كشاف ابو خمس ريال ماتشوف فيه شي ابد ابد
قالو لي ناس بدل الكتاوت لكن اللي اعرفه ان الماكيز كهربه حساس مررره
ابي حل لو تتكرمون.
عبدالله
عندي ماركيز2003 وأنوارها ماشاء الله أفضل من التويوتا..
لكن روح عند كهربائي معرووف يمكن الشمعات مو أصلية...
تحياااااتي
الشمعات اصليه
السلام عليكم
اخوي مشكلتك نفس اللي عندي وعند اي واحد عنده جراند ماركيز او كراون فكتوريا
اذا شفت كراون فكتوريا نورها قوي (أو قراند ماركيز) أحلف لك يمين انها مو شد بلدها .
المشكلة هي ان العالي والواطي بالفكتوريا بشمعة وحدة .. وتصميم مرايات اللمبة تصميم سيء , وكذلك مصنوع هيكل النور نفسه بلاستك لا ونوع سيء بعد ..
جرب توديه لمحل تخليه ينضف لك اللمبة من برا لا يفكها .. لان مع الوقت والمشي بالطرق السريعة التراب يعدمها ..
اذا ما كفا .. يبيلك يا انك تركب شمعات بيضا قوية (( أعرف واحد سواها ولا نفعت ,, الناس يحسون ان النور قوي ويعميهم لكن ما تشوف زين مدري هو من الوزنية او شي لكن هذا اللي صار))
والحل الثاني :: تشوف الشمعات البرتقالية اللي بالوسط جنب الشبك , هذي طال عمرك تشيلها وتحط بدالها شمعة للعالي .
مريت محل انا وسألته وقال لي بيكلفك 225 ريال (مدري هو نصب علي والا هي كذا)
تحياتي لك اخوي والله يكون بعونك
اخوي ماتركس
شكرا على مرورك لكن قراند ماركيز مابها شمعه جنب الشبك موديلها 2005 اللي عندي
شمعات الماني اصلى قوته 100 وكت اوت اصلى وابعد عن الصيني وراح تظبط اذ تبغ عالي واطي مع بعض اما
اذ تبي زينون لازم تستغني عن العالي او الواطي بالنسبة لي انا مارتحت مع الزينون بسب انك تستغني عن العالي اوالواطي
بإمكانك تركب زنون وتخلي الكهربائي يسوي له توليفه يعني عالي وواطي ويكون قوي.
أنا مثلك شمعة وحدة على الجنب ,,, لكن لم أضطر للتغيير لأنها ماشاء الله تبارك الله أعمت البشرية وهي شد
بلد 100%
لكن لو كانت الشمعات أصلية يمكن غطاء النور فيه رمل أو مشوش لكن خذ ملمع أنوار من محل الزينة ’’’
لكن مع الوقت راح يتشقق النور....
أتمنى لك التوفيق..
السلام عليكم
اخوي انا اعمل في وكاله فورد في الكويت وفعلا في مشكله في اضاءة الماركيز والفكتوريا 2005 حتي في شركه كانت مشترية مننا 300 سياره واشتكو من الاضاءة وجربنا معظم السياران وجدنا نفس الشي نصيحتي لك انك ما تركب لمبات وات عالي لان تصميم اضاءة الماركيز علي كومبيوتر صغير راكب تحت التابلوه من جهة اليسار هذا الكومبيوتر يسمي LCM يعني وحده التحكم في الاضاءة وهو المسئول عن الاضاءه الخارجيه والداخليه وصوت الجرس كمان واذا ركبت لمبات اعلي راح يخترب بعد فترة نصيحتي لك انك تختار حل من الحلول الاتيه :
1-واحد تركب لمبات اعلي بس شرط تركب لها كتاوت حتي يكون الحمل الكهربا علي الكتاوت مو علي الكومبيوتر بس تبيلها واحد فهمان
2- تركب زينون والان في زينون عالي واطي بلمبه وحده متوفر عندي في الكويت في السعودية مو متاكد
3- تبدل اللايتات كلها بلايتات ماركيز موديل 2003 لكنه حل صعب ويمكن مكلف لكن انت اختار اللي يناسبك
4- ان البلديه يكبون اضاءة في جميع الطرق خصوصا اللي انت تمشي فيها وبكده مش هتحتاج للاضاءة بالمرة
5- انك تعمل كشف نظر وتعمل نظاره انتي ريفلاكشن يعني مضاده للاشعاع مفيده لمستخدمي الكومبيوتر وبتقلل تاثير الاضاءه القوية من السيارات المقابله
الله معك
سامح فورد
