انا معي جراند ماركيز طاقه وكاله بـ 2001 شريته 81 الف يعني له الحين ست سنوات ومشيت فيه 177 الف كيلوو
ومع هذا الموتر تمام وماعليه خلاف بس طبعا لابد من صيانه وقطع لاكن الحمدلله قطعه ميب غاليه ومعقوله وغير
كذا متوفره بكل مكان
السيارة مريحه عند التمشي بس بالخط متعبه شوي وموب راسيه والمراتب الخلفيه يكسرن الظهر غير كذا لازم تتعود على الاصوات
وانت تمشي سواءا فحمات او اصوات مساعدات ومقصات لابد منها مهما سويت وصلحت مالك مفر منها لانه طبيعي بالفورد ...
بس بشكل عام السيارة ممتازه وحقت كرف وانا اتكلم معك عن تجربه
اما الدودج والكابريس مادري عنها وياليت تسأل احد عنده السيارة عشان يفيدك اكثر
السلام عليكم تبي الكلام اللي يجمد على الشارب ولا تفكر في غيره خذ الاتي:
كرون فكتوريا افلها سعرا وسلاسة وصيانة وبيع
الفكتوريا بالنسبة لصيانتها السريعة اريح وقطعها متوفرة في اي مكان تبغى وفكر خاصة في السفر ثانيا البيع سعرها ماراح ينزل كثير عن سعرها بالوكالة ثالثا والاهم انه لازالت تصنع في اريكا وتركب في المصانع الام
هذه تجربة شخصية وانصح بها على غرر اني لي تجربة مع السيارات منذ عام 79 حتى عام07
الكابريس 2007 صراحة الشكل الجديد مرة حلو خاصة الرويال . وقوة معروفة وصراحة يستاهل سعره بمقارنة بمواصفاته رغم أن بعض الناس يقولون السعر الغالي .
الفورد صراحة انتشرت صارت أكثر السيارات ؟؟ ليش ؟ لسعرها الرخيص للإستعمال الأمريكي ؟؟ تلاقي الواحد مكشخ في جراند ماركيز شاريها بــ35 ألف ..... لكن السيارة مريحة المقاعد الأمامية كأنها كنب . بس أحس أنها ليست راسية في الخط ..
التشارجر صراحة وحش من حيث الشكل الخارجي أما الداخل فإنه لا يمثل الشكل الخارجي أبدا يعني مو هذيك الدرجة أما عن القوة فإنها ((( غنية عن التعريف )))
بعد هذا كله صراحة أرشح كابريس 2007 خاصة الرويال و الــ ss... وشكرا
شباب السلام عليكم
السيارات الثلاثة المطروحة للمقارنة محيرة ولكن دعونا نناقش أسعار قطع الغيار وأسعار بيعها بعد ثلاث سنوات على فرض.
مع وجود الفخامة والقوة
مع شكري الجزيل لكم
بس اكثر سياره مبالغ فيها هي الكراون اتذكر موديل 2006 فل كامل سبورت قير ارضي بــ 101 الــف
1-بس اذا انت تشوف انك راعي مشاوير وسفر وووو الخ خذ الفورد بس تذكر انا شكلها مو ملفت لنضر السبب الشكل في الشارع من 9 سنوات
2- اذا تشوف انا مشاويرك وسط مو كثير وتبي السياره تلفت النظر وسياره تجمع الفخامه+القوه خخذ كابرس LTZ V8 او SS موديل 2007 وتذكر سباب ارتفاع سعرها هو انا السياره جديده بس انا اشوف سعر الLTZ جيد
3-اذا انت انسان حق مقاومات ووووو الخ خذ تشارجر وانا اشوف انا السياره ميب عائليه زي الكابرس+تذكر انا الدوج عموما ما يتحمل الكرف وترتفع حراره السياره بسرعه
