السلام عليكم
اخوي أبو راشد ..
أول شي المتقدم لازم يكون عمره 17 سنة , يعني سنة إلا يومين ما راح يعطونه . ولازم يكون معه ما يلي :-
1- تقرير من المدرسة اللي يدرس فيها .
2- شهادة زمرة الدم (فصيلة الدم) تقدر تاخذها من أي مستوصف .
3- كم صورة من بطاقة الأحوال والأصل .
4- صور شخصية 4×6 أو 2×3 نسيت والله
5- مبلغ 350 ريال أو 450 ريال والله ماني متأكد , تدفع كرسوم للدراسة .
6- صديق المواطن السعودي (الملف العلاقي).
تاخذهن معك وتروح لدله وتكمل الإجراءات وتدرس 5 أيام اليوم الأخير إختبارين , واحد بالكمبيوتر والثاني تطبيقي تركب مع عسكري بسيدريك من أيام جدي لو تفك البنزين تفرمل السيارة:eek:
بعد ما تختبر وتاخذ النتيجة تروح لأي من مكاتب التأمين . وتدفع تأمين وقدرة على الأقل 1200 ريال |11| وترجع تكمل إجراءاتك وتاخذ التصريح بنفس اليوم
تحياتي لك أخوي وأتمنى إني أفدتك
