اللومينا ما تشتغل !!!!

أخوي مترزق..اول شي احب اقولك الله يعطيك خيرها ويكفيك شر والله يبارك لك بموترك

انا قريت الموضوع كامل وانت تكلمت عن موضوع الصوت اللي في الطلبون

انا اقولك تطمن انا معي لومينا LTZ 2005 انت تسمع صوت (تك تك تك) من عند المكيف وتحس انه من المكينه

وهذا الصو يطلع بالبرد بس وهو شي طبيعي انا سويت مشكلة بالوكالة على هالصوت وقالوا لي بالبرد بس يطلع وفعلا
لما جاء الصيف(طبعا العام الماضي هالكلام)راح الصوت..المهم لاتشيل هم

وبالنسبة للبطاريه انا مامداها توني مطلعها غير بطاريتها وكان مايحتاج ننتظر لليوم السبت كان غيرتها وجبت لهم الفاتوره وهم يعطونك حق البطاريه..لكن عموما زين انك وديتها للوكاله

وعندي نصيحه صعنونه لك لاتوسوس ولادقق على ايش شي يطلع وراح تعيش ان شاءالله معك اللومينا زي الحلاوة

وأي شي تبي تسأل عنه ابشر بعزك

خخخخخ مشكله البطارية يا مترزق


لأنها أذا فضت ما عاد تري وين العوق منه


صحيح عيب اللومينا 2006 بطاريتها أول ما تاخذها من الوكاله


تخيل أصدفة معي أن الريس طاح يعني أشغل السيارة ( تشره على صوة السلف )

بعدين تشوف الريس طايح


اللي يقولك برمج واللي يقولك مشكله في المكينه والشغله كلها بطاريه



أخر المشاكل أن شاء الله يا مترزق وربي يوفقك أمين

الف مبروك اخوي....
كنت حاس انها البطاريه لان السياره لها فتره والبطاريه مركبه عليها اكيد بتتاثر....
الله يعطيك خيرها ويكفيك شرها
انتبه على نفسك وعلى سيارتك وربي يحفضك من شر السيارات
تقبل تحياتي درب العنا....؟؟؟؟:cool: :cool:

هلا بدرب العنا ..|3|
الله يمسيك بالخير ..
ابشرك الحمد لله انها بس البطاريه وغيروها عالضمان وتوي مطلعها بعد المغرب اليوم ..
وطلبت تشييك كامل للسياره وقالوا ارقد وآمن ما حولك خلاف ..

اخوي طمني انحلت المشكله الي عندك....
اتمنى تكون بسيطه..؟؟؟؟

حيا الله ابومهدي ..
كيف حالك طال عمرك ..
اليوم وديتها الوكاله بس للأسف تأخرت السطحه اللي سحبت السياره فما وصلت الوكاله الا قبل المغرب بلحظات وبكره اذا الله احيانا واحياك تكون جاهزه ..
اشكر سؤالك يالغالي ولك اجمل تحيه ..|3|

** طمنا يا مترزق **

إن شاء الله رحت للوكالة وإنحلت المشكلة

الحل اخوي انك تروح الوكالة على الضمان سيارتك مامشت الا 800

يارجال وكل الله ولاتخاف..الموضوع سهل ان شاء الله وانت مازلت ببر الامان (الضمان) يعني ريح بالك وهد اعصابك

وبالنسبة للصوت الي تسمعونه اول ماتشغل السيارة الصبح هذا اتوقع والله اعلم من الهواية حقت المكيف لانها تشتغل هواء ماهي يدوي عشان كذا اذا شغلت السيارة تشحن هواء من جديد


مع التحية،،،

^^^

امين واياك ،،

بالنسبه للصوت ،،

انا كان يطلع صوت عندي لمده قصيره ويختفي مثل كذا >> زززززززز

الظاهر انه من الطبلون بس مو متأكد ،،

لكن حالياً اختفى الصوت مدري ليه

يمكن السياره توها جديدهـ وفيه اشياء مع الاستخدام والوقت راح تختفي ان شاء الله ،،

اهم شي انكـ لاتوسوس كثير في السيارهـ

واذا كان عندكـ ملاحظه او واجهتكـ اي مشكله حتى لو كانت بسيطه

عند صيانه الـ 1000 كم ،، قل كل الي في خاطركـ للمهندس الي مستلم سيارتكـ

وتأكد انه سجلها عندهـ

وان شاء الله تضبط اموركـ

وبالتوفيق ،،

اخوي صاحب المعالي ..
ما اقول الا الله يرفع قدرك ويطمنك ويبارك فيك ..
اذا المشكله مجرد ان البطاريه ضعفت من طول فترة التخزين لدى الوكيل وحلها بتغييرها فلا مشكله بس بما انك تقول عندك لومينا ما تسمع اصوات في السياره احيانا ؟؟
انا احيانا اسمع صوت ما ادري بالطبلون او بالمكينه ما ادري لأن منبع الصوت من جهة المكينه وهذا لمن اشغل السياره واحميها اسمع صوت يروح ويجي ما ادري كيف اوصفه كأنه زي مسمار وجالس يبرم في المكينه ..

سهالات روح بدل البطاريه وراح تصير مثل الفل واذا فكرت انك تبيع السياره قولي (:

انا متأكد ان المشكله من البطاريه

لأن موديل سيارتكـ 2006

واكيد البطاريه حقت المصنع تأثرت من طوول مدهـ الوقوف وعدم التشغيل ،،

لأن الوكيل ما اعتقد انه يهتم بمسأله البطاريه في حاله تخزين السياره ،،

مما يجعل عمر البطاريه اقصر بكثير من العمر الافتراضي المطلوب ،،

ع العموم انا قد حصلت لي نفس مشكلتكـ بالضبط ،،

باللومينا وكانت ماشيه تقريبا 4 الاف ،،

وكنت شاريها بآخر السنه ،، مثل وضعك تقريباً

اتصلت على خدمه الطوارئ وفي ربع ساعه وصلت السطحه واخذوها ع الوكاله ،،

واخذت السيارهـ من بكرا من عند الجميح بعد ما غيرو البطاريه على الضمان ،،

والحمدلله معي السياره الى الان بأحسن حال ،،

ع العموم وسع صدرك المشكله بسيطه ولاتحتاج كل الغضب هذا او ان تبيع سيارتك من اجل بطاريه !!

لأن الخطأ في الوكيل وليس العيب في السيارهـ ،،

والله يطعمك من خير السيارهـ ويكفيكـ شرها

وبالتوفيق ان شاء الله

هلا بالكام ..
بس ياخوك شي يقهر انك تدفع دم قلبك وفي الاخير سياره ما يعتمد عليها ..:mad:
بصراحه كنت مأمل فيها ..|1|
بس الآن الثقه معدومه ..:confused:
لأني للعلم راكد بسواقتي ومدلع السياره ما اشد عليها امبير الضغط قبل الخمسميه كيلو الاولى ما تعدى 1.5|6|
وبعد الخمسميه تحت الـ 2 بقليل واي مطب اهدي |13|
هذا بغض النظر عن الاصوات والطقطقه في السياره كل يوم طالع لي صوت مره من قدام مره من ورى مره مدري من وين خلها على ربك تورطت فيها وسلامتكم :confused:

الله يعينك اخوي
اعتقد نها البطارية, لأن البطارية اللي تجي مع السيارة ضعيفة وماتعيش اكثر من سنة, بس غريبة ليش ماعاشت معك ولاشهر:D شكلها عين ماصلت على النبي:eek:
تبديلها على الضمان انتظر الى بكره واتصل بخدمات الطريق وبيجي واحد بسطحة, ان كانت المشكلة البطارية راح يشحنها لك وتلحقه للوكالة, وان كانت غيرها بيشيل سيارتك معه

هلا اخوي ابومهدي ..
امس كان فيه كهرباء يعني تشوف لمبات الطبلون والسقف تولع بس المحرك ما يشتغل ..
اليوم حتى صار فتح الابواب بالريموت ضعيف جدا ويا دوب يفتح والانارة ضعيفه مره لما افتح الباب ..
وفي كل الاحوال السياره ما تشتغل يعني تحرك المفتاح لين الاخير وما تسمع الا تك تك تك ..
ووين الاقي فيوز المضخه وكيف اعرفه ؟؟؟

طيب
ممكن تخبرنا شو الاشياء اللي تصير معك لما تحاول تشغل السيارة ..

هل في كهرباء أو لا ؟؟
هل السلف شغال بس المكينة ما تقوم ؟؟



(وممكن تكون المشكلة فيوز ويحتاج تبديل .. فقط)
# تأكد من فيوز مضخة البنزين #

اي والله جد [SIZE=4][COLOR=red]800 ثمانمائه كيلو فقط ..[/COLOR][/SIZE]
الحين صدقت كل ماقيل عن ردائة الهولدن :mad: