ويش رايكم بين البليزر و GXR2 في المواصفات وقطع الغيار

الف الف شكر على جميع الردود

وباذن الله اذا اشتريت البليزر سوف اعطيكم تفصيل كامل على كل شى ( ولا يهينون الشباب اللي ابدو برايهم)

بعد تجربتي للتريل بليزر 2005 فأقدر أقول أن البليزر يعطيك الكثير مقابل سعره بعكس ال gxr وبالتوفيق .

اولا:السلام عليكم اخوي سلطان.
بالنسبه للبليزر معي هو 2006.الموتر ماعليه كلام|1| مثل ماقالولك الشباب الموتر حلو ومريح وراسي.

اما GX-R موتر لك وللزمن وموتر عائلي درجه اولى ومن افضل السيارات .لكن لك عليه في الرساوه :mad: .

اتمنى اني افدتك اخوي وشكرا.|3|.

اخوي سلطان الدمام بعد السلام عليكم ورحمة الله وبركاته

اتمنى من الله انه يرزق بالموتر الي ترتاح له

اما بعد بالنسبة الى اللاند كروزر فأنا ما عندي خلفية جيدة عنه ولكن ومن كلام الناس انه موتر لك وللزمن وهو اوسع من البليزر ويجملّ في البر اكثر من البليزر ويصلح حق كرف ، ويمديك تتطلع فيه مشاوير برية طويلة بس انه ومثل ما قالوا الشباب ومثل ماسمعت من بعض الناس ولكن انا شخصيا ما أئكد لك كلامي انه يقلب بسرعة

واذا خاطرك فيه يا رجال امش وخل توكلك على الله مع العمل بالأسباب وقبل كذا الإستخارة

اما اذا جينا نتكلم على البليزر فهذه السيارة مثل ما قلت قمت اشوفها تنافس حتى الكوامري بكثرتها

السيارة قوية خصوصا مع محركها الذي هو من النوع فورتك VORTEC الذي هو غني عن الشرح(( راجع مشاركة بخصوص هذا المحرك في المنتدى)) والموتر شكله مثل ما قلت راقي ورزززززززززززه مع الواجهية وفيه نظام سلامة الصراحة انا اشوف انه حطم مو بس الGX حتى VXR وهذا الكلام من واقع تجربتي للموتر نفسه ، النظام هذا يسمى Stabiltrack System حيث يقوم هذا النظام بالتحكم بثبات السيارة على الطريق عند انحرافها فجئة عن مسارها بسبب لا قدر الله اعتراض سيارة اخرى او ظهور حيوانات على الطريق كالجمال ، يقوم هذا النظام عند انحراف السيارة الى اليمين بسرعة بمساعدة السائق على ارجاع السيارة الى مسارها دون الإخلال في توازنها يعني بالعربي والله هذا الي صار معي قمت وكسرت الطارة اقصى يمين ويوم جيت ارجع السيارة حسيت ان السيارة ما مالت واجد مع انها ماخذه اللفة كلها وحسيت انه كأن في واحد رجع السيارة بكل سلاسة الى مسارها بنسبة 75% ما بقى عليك الا انك تلف الطارة شوي وكأن ما صار اي حاجة وهذا الكلام بثواني وهذا نظام جديد واظن حتى في جيب اللكزس ماهو موجود.

النوع الفخم منها مثل الSS واعتقد انه مانزل السعودية لأني ماشفته في الجميح للسيارت مره رايق شاشات ونافيجاشن وعد واغلط والنوع الثاني الـLTZ ماعليه كلام ، والسيارة حلوه لاهي بالكبيرة ولاهي بالصغيرة وسعرها مقبول ومن ناحية قطع الغيار ما ادري.

اما من ناحية العيوب فأشوف حسب اراء الشباب في المنتدى وحسب تجربتي ، هناك عيبين رئيسيين
اولا ان السيارة نازلة شوي يعني اذا انت راكب والسيارة مليانة ناس إحتمال انها تعلق في الطعوس

ثانيا الديكور الداخلي تحس انه مافيه اللمسات الحديثة تحس انه تصميم عادي جدا ما فيها ذاك الزود.


اخيرا اتمنى ان اكون وفقت ولو قليلا في توضيح الصورة لك وللعلم انا كنت محتار مثلك في الموتر هذا ولكن استخرت واستشرت المنتدى هذا وتوكلت على الله والحمدلله توني طاق لي واحد 2006 LT وماشاء الله وكان

والله يوفقك

الشروكي حلو

الصراحه انا اسميه امبراطور الرمااااااااااااااااال لاكن القطع الغيار والله نار وانا مو قدها عندي ماكسيما ويالله يعين

اما الاكسبلورر مو بطال

الصراحه البليزر افخم وارغب في البيع مستقبلا

كل الاراء الموجوده حلوه ويعطيكم العافيه

ابي واحد عنده على الاقل بليزر من موديل 2002 وفوق ويقولي كيف السياره

بالنسبه للاستخدام مافيها طقطقه على الخط ولا تتفكك بسرعه وقطع الغيار معقوله ولا غاليه

مثل على سبيل المثال الشروكي . المكسيما . .....الخ

مع اني اشوفها منتشره في البلد بشكل مو طبيعي غطت على الاندكروزر

يعطيكم العافيه واسف على الاطااااااااااااااااله

في عرض خرافي على أسطورة الدفع الرباعي الجراند شيروكي اللاريدو ب 99990 ريال فقط موديل 2006 ,برأيي الشخصي مبلغ تافه بمقابل سيارة عظيمة زي هذي ولاتنسى أن الجراند شيروكي الجديد محركاته وكمبيوتره من مرسيدس وبالتوفيق .

مافكرت في الاكسبدشن الجديد 2007 ؟
مافكرت في الديورانجو 2007 ؟
مافكرت في الجراند شيروكي ؟
مافكرت في الاكسبلورر؟

فكر فيهم وزور معارضهم ودقق فيهم مزبوط

مشكورين على الردود

اللي بتكون في عين الاعتبار

ويعطيكم العافيه . انتظر ردود اكثر لزياده المعرفه

أويد كلام أخوي ptst اذا أردت سيارات راقية لا تدخل اللاندكروزر بالموضوع وبالتوفيق .

اول شي تفكر فيه انك تشيل اللاندكروزر من حساباتك اذا كنت فعلا تعني الكلمه الي تحتها خط في كلامك..

مودتي لك والله ييسر لك الخير|3|

البليزر حسب كلام الشباب ممتاز وقليل مشاكلة ميكانيكيا, وهو افضل من اللاند في المواصفات (شاشة -فرامل ABS - مثبت سرعة) وايضا سواقته ممتعة وراسي في الخطوط اكثر من اللاند , وحجمه ممتاز مو كبير, اذا انت موراعي بر فممكن تاخذ لك دفرنس واحد ارخص لك
بس يعيبه الداخلية تشطيبها سي وتحس انها متفككة لو تضغط على البلاستيك في اي مكان طلع صوت
اللاند افضل في المواد الداخلية وجودته اعلى وقطع الغيار رخيصة وتحصلها بكل مكان واي واحد يعرف له وضامن سعره بعدين, غير كذا اوسع في المساحة الداخلية من البليزر خصوصا للراكب الخلفي, عيبه الرئيسي مافيه امان يعني يقلب بسرعة (ولد عمتي قبل اسبوع صدم لاندكروزر بهايلكوس على طريق الثمامة انقلب اللاند!!!)
ولاتنسى الاستخارة