هل منكم خبير بالفولفو

صاحب فولفو @user_39757 · 10-12-2006

السلام عليكم

يا شباب أنا اشتريت فولفو s80

وأحس بها نتشه بالقير

وكان عندي فولفو قبلها نفس المشكله

مرات يفصل وانا واقف على الاشارة ولما يربط يربط بعنف

ومرات يغير بعنف

والله ما ادري ايش اسوي

خاف اوديها للورش يخربوها

واخاف اوديها للزاهد يشلحني كل الي معاي

مع أن كثير قالو ليس ليست مشكلة

مع العلم ان الفولفو القديمة استعملتها شهر وبعتها وما شيكت على المشكلة

والان رجعت لي سيارة ثانية بنفس المشكلة

من يعرف عن هذه المشكلة أو عن ورشة صيانة خبراء فولفو وغير نصابين بالدمام فليفيدنا

رجااااااااااااااء جيناكم لطلب خدمة وهذه أول مشاركة لا تحرمونا من معلوماتكم

ولكم منا الدعاء

صاحب فولفو @user_39757 صاحب الموضوع · 19-12-2006

شكرا أخي سأجرب

عاشق الالماني @user_22260 · 15-12-2006

اخوي الموقع في صناعيه الخرج .

شارع كامل كله باكستانيين متخصصين في صيانه الفولفو .

آسف كتبت لك قبل صناعيه الرياض القديمه

تحياتي ..،،

صاحب فولفو @user_39757 صاحب الموضوع · 14-12-2006

اخوي عاشق الالماني أشكرك جزيل الشكر على هذا الاهتمام والقلب داعيلك

عاشق الالماني @user_22260 · 14-12-2006

اخوي ما أعرف اسم ورشه معينه .

لكن كان عندنا فولفو موديل 97 وخبط الجير .

وضبناه بالرياض وكلف شي بسيط جداً

على العموم الموقع صناعيه الرياض القديمه . فيه ورش كثار متخصصه بالفولفو ومحلات قطع غيار اصلي وتجاري .

بحاول ابحث لك عن الموقع بالتحديد

تحياتي

صاحب فولفو @user_39757 صاحب الموضوع · 14-12-2006

مشكور على المتابعة

الحل الاول متوقع
الحل الثاني متوقع طبعا بعد توضيح العيب
الحل الثالث أيضا متوقع

الحل الي ما ذكرته اكرفها لين تخرب بالمرة وابيعها تشليح

لكن لو حبيت اصلحها داخل المملكة هل أحد يعرف ورشة يفهمون بالفولفو ويقدرون يوفرون قطع تشليح

# OMAR # @user_7317 Banned · 13-12-2006

اجل ماقدامك الا ثلاث حلول :
تروح البحرين وتشوف وش يقولون (( رغم اني مااتوقع انهم يعطونك نتيجة افضل ))
او تبيع السيارة
او الله يعينك تصلحها

صاحب فولفو @user_39757 صاحب الموضوع · 13-12-2006

المهم رحت الوكالة وقالو القير فيه مشكلة

ولازم يتغير ولا تستمر عليه لين يخرب مرة

تغيره 21000

# OMAR # @user_7317 Banned · 11-12-2006

قبل ماادخل الموضوع كنت ناوي اقول لك روح البحرين احسن ..
انا ماجربت وكالة البحرين ولكن شريت من عندهم قطع يوم يصير لي حادث وكان الفرق كبير جدا ..
ومافهمت عليك وش تقصد بالتوضيب ؟؟
انا وديتها الوكالة وعلمتهم المشكلة وصلحوها ولااحتجت ارجعها لهم بعد كذا ..
وطبعا اذا تركتها غلط كبير يمكن يطيح القير كله هذا كلام الموظف بالوكالة والله اعلم ..

صاحب فولفو @user_39757 صاحب الموضوع · 11-12-2006

مشكووووووووور مرة على ردك

ونصيحتك الغالية

على العموم اذا كان اصلاح ب 4000 كم يكون التوضيب

و اش رايك بتصليحها بوكالة فولفو بالبحرين

وهل لو تركتها غلط

# OMAR # @user_7317 Banned · 10-12-2006

نفس المشكلة كانت عندي اول ماشريت الفولفو S60
وديتها الوكالة وصلحوها لي ..
وهالكلام من سنتين تقريبا والى الان مارجعت لي المشكلة ..
غيروا لي منظم القير وكمبيوتر الار بي ام ..
ووالله يااخوي من بعدها مشت السيارة معاي سنتين كاملتين وقريب الـ 40 الف كيلو خلال هالسنتين ماغيرت فيها ولاصلحت ولاقطعة ثانية ..
قطع استهلاكية وصيانة بس ..
لاتتحسف عالسيارة قيمة التصليح راح تكون بين 3000 و 4000 بس وربي انها تستاهل اذا مافيها الا هالمشكلة ..
لاتوديها لورش لان هذا قير مو سهل ودها للوكالة هم بس اللي يفهمون لها ..